LUKE 7:16 - Edisana ñwed Abasi Ibom

¹⁶ Ekem Jesus ayak enye ɔnɔ eka esie. Edi ndik omum mmɔ kpukpru; mmɔ enyuŋ enɔ Abasi itoro, ete, Akwa prophet amadaha ada ke otu nnyin; enyuŋ ete, Abasi emedi ndise ikɔt Esie.

LUKE 7:16 Iomraidhean Croise

ŊWED MME PSALM 65:9

Afo emedi edise isɔŋ, onyuŋ ebiet enye eti-eti; anam enye oŋwum ŋkpɔ eti-eti; mmɔŋ ɔyɔhɔ ke akpa Abasi: afo otim ibokpot mmɔ, koro afo ɔdiɔŋde enye (isɔŋ) ntem.

EXODUS 4:31

Ndien kpukpru owo enim ke akpanikɔ: ndien adaŋemi mmɔ ekopde, ete ke Jehovah ɔmɔŋ ekere nditɔ Israel, onyuŋ ese ukut mmɔ, mmɔ enuhɔ, enyuŋ etuak ibuot.

JEREMIAH 33:9

Ndien enye eyedi okimmɔ ke enyiŋ idara ye itoro ye ke mbana ke otu kpukpru mme idut ererimbot, eke edikopde ofuri ufɔn emi ami ndifɔnde ye mmɔ: ndien mmɔ eyefehe ndik enyuŋ enyek idem ebaŋa kpukpru ufɔn ye kpukpru unen emi ami ndinamde ye enye.

MATTHEW 15:31

esin idem akpa otu owo, ke adaŋemi mmɔ ekutde nte imum etiŋde ikɔ, nte mmɔ emi edade unan enyuŋ ekabarede edi ofuri, mbuŋɔ enyuŋ esaŋade, nnan enyuŋ ekutde usuŋ: ndien mmɔ etoro Abasi Israel.

MATTHEW 21:11

Edi mme otu owo edɔhɔ ete, Emi edi Jesus, prophet emi otode ke Nazareth, ke Galilee.

MATTHEW 28:8

Mmɔ enyuŋ ewara edaha ekpɔŋ udi ye ndik ye akwa idara, enyuŋ efehe edi ndida etop emi nsɔk mbet Esie.

MATTHEW 9:8

Edi ke ini mme otu owo ekutde ŋkpɔ emi, ndik anam mmɔ, mmɔ enyuŋ etoro Abasi emi akayakde oruk odudu emi ɔnɔ owo.

LUKE 1:65

Ndik omum kpukpru mbɔhiduŋ mmɔ: mmɔ enyuŋ esuan mbuk kpukpru ŋkpɔ oro ke edem obot-obot Judaea.

LUKE 1:68

Itoro enyene Jehovah Abasi Israel; Koro Enye emedi ndise ikɔt Esie, onyuŋ afak mmɔ;

LUKE 19:44

eyenyuŋ esuhɔre fi enim ke isɔŋ, ye nditɔ fo emi eduŋde fi ke esit; ndien idikpɔŋke itiat kiet ke enyɔŋ itiat eken ke esit fo; koro afo mukɔdiɔŋɔke ini eke Abasi edide edise fi.

LUKE 2:20

Ndien mme ekpemerɔŋ efiak enyɔŋɔ, ekpono enyuŋ etoro Abasi kabaŋa kpukpru ŋkpɔ oro mmɔ ekokopde enyuŋ ekutde, kpa nte eketiŋde enɔ mmɔ.

LUKE 24:19

Jesus ɔdɔhɔ mmɔ ete, Nso idi oro? Mmɔ edɔhɔ Enye, Se ibaŋade Jesus emi otode ke Nazareth, emi ekedide prophet eke enyenede odudu ke ubɔk-utom ye ke ikɔ-inua ke iso Abasi ye ke iso kpukpru mbio-obio:

LUKE 5:26

Ndien mkpa-idem omum kpukpru owo, mmɔ enyuŋ etoro Abasi; ndik onyuŋ ɔyɔhɔ mmɔ ke esit, mmɔ enyuŋ edɔhɔ ete, Nnyin imokut mme utibe ŋkpɔ mfin.

LUKE 5:8

Ke Simon Peter okutde emi, ɔduɔ Jesus ke edɔŋ, ofiori ete, Daha kpɔŋ mi, O Ɔbɔŋ, koro ami ndide idiɔk owo.

LUKE 7:15

Ndien akpa-mkpa adaha etie, ɔtɔŋɔ nditiŋ ikɔ.

LUKE 7:39

Edi ke adaŋemi Pharisee oro okokotde Enye udia okutde ŋkpɔ emi, enye ɔdɔhɔ ke esit esie ete, Edieke owo emi ekpedide prophet, Enye ɔkpɔdiɔŋɔ ŋwan emi otukde Enye, okponyuŋ ɔfiɔk oruk ŋwan eke enye edide, ete enye edi anam-idiɔk-ŋkpɔ.

LUKE 8:37

Ndien kpukpru mme andiduŋ ke ofuri ŋkan-ŋkuk isɔŋ mme Gerasene ekpe Enye ubɔk ete ɔnyɔŋ ɔkpɔŋ mme imɔ; koro akamba ndik omumde mmɔ: ntre ke Enye ediere ke ubom afiak osio.

LUKE 9:19

Mmɔ ebɔrɔ ete, John Baptist; edi mmɔ efen ete, Elijah; mmɔ efen ŋko ete, owo kiet ke otu ŋkani mme prophet ama eset.

JOHN 1:21

Ekem mmɔ ebup enye ete, Edi anie ndien? Edi Elijah? Enye ete, Ndige. Nte edi prophet oro? Enye ɔbɔrɔ ete, Baba.

JOHN 1:25

Mmɔ edibup enye ndien ete, Nsinam afo onimde owo baptism naŋa, edieke afo mudige Christ, munyuŋ udige Elijah, munyuŋ udige prophet oro?

JOHN 4:19

Ŋwan oro ete Enye, Ɔbɔŋ, mmokut nte Afo edi prophet.

JOHN 6:14

Ke ini mbon oro ekutde idiɔŋɔ oro Enye anamde, mmɔ ete, Ke akpanikɔ emi edi prophet emi edidukde edi ke ererimbot.

JOHN 9:17

Mmɔ etɔŋɔ ntak edɔhɔ owo nnan, ete, Afo ɔdɔhɔ nso abaŋa Enye, sia Enye akatatde fi enyin? Owo oro ɔbɔrɔ ete, Enye edi prophet.

UTOM MME APOSTLE 5:5

Ke ini Ananias okopde ikɔ emi, enye ɔduɔ ke isɔŋ, akpa. Akwa ndik onyuŋ omum kpukpru mmɔ emi ekopde ŋkpɔ emi.

UTOM MME APOSTLE 7:37

Emi edi Moses oro ɔkɔdɔhɔde nditɔ Israel ete, Abasi eyenam prophet, emi edibietde mi, adaha ada ɔnɔ mbufo ke otu nditɔ-ete mbufo.

ŊWED MBON GALATIA 1:24

ndien mmɔ enɔ Abasi ubɔŋ ebaŋa mi.

DEUTERONOMY 18:15

Jehovah Abasi fo eyenam prophet eke edibietde mi, adaha ada ke otu fo ɔnɔ fi: enye ke mbufo edikop enɔ;