LUKE 6:38 - Edisana ñwed Abasi Ibom

³⁸ Enɔ, ndien eyenɔ mbufo; eyedomo ɔyɔhɔ udomo eke emiŋde ɔsuhɔre, eke enyeŋede, onyuŋ ɔyɔhɔde ɔduɔhɔ, esin mbufo ke ɔfɔŋ. Koro udomo eke mbufo edade edomo enɔ owo, ke edida edomo enɔ mbufo.

LUKE 6:38 Iomraidhean Croise

2 SAMUEL 19:36

Yak owo fo etiene edidem ebe Jordan esisit: edi edidem anam didie oyom ndisio mi oruk usiene emi?

ESTHER 7:10

Ntre ke mmɔ eyiri Haman ke eto oro enye ekebemde onim ɔnɔ Mordecai. Ndien ikpahesit edidem ɔsuhɔ.

ESTHER 9:25

edi adaŋemi enye (Esther) odukde ke iso edidem, enye ɔdɔhɔ ke ŋwed, ete idiɔk ekikere oro enye ekekerede abaŋa mme Jew afiak odoro enye ke ibuot, ndien eyiri enye ye nditɔ-iren esie ke eto.

ŊWED JOB 42:11

Ndien kpukpru nditɔ-ete esie iren, ye kpukpru nditɔ-ete esie iban, ye kpukpru mmɔ eke ekedide mme ɔdiɔŋɔ esie ke akpa, edi edise enye, enyuŋ edia ŋkpɔ ye enye ke ufɔk esie; ndien mmɔ etua enye mbɔm, enyuŋ edɔŋ enye esit, ebaŋa ofuri ukut oro Jehovah akadade etiene enye: kpukpru mmɔ kiet kiet enyuŋ enɔ enye ubak silver kiet, ye mkpanuen o-gold kiet.

ŊWED MME PSALM 79:12

Ndien da esuene emi mbɔhɔiduŋ nnyin esuenede fi, Ɔbɔŋ, yak nɔ mmɔ ke ikpanesit utim ikatiaba.

EXODUS 21:24

enyin ke enyin, edet ke edet, ubɔk

MME ŊKE 10:22

Edi ufɔn Jehovah ofori owo, enye inyuŋ idianke afanikɔŋ ke esit.

MME ŊKE 19:17

Atua ubuene mbɔm ɔbuɔt Jehovah ŋkpɔ: ndien Enye eyenɔ enye usiene utom esie.

MME ŊKE 22:9

Edi enyin mfɔn edikut mfɔn: koro enye adade udia esie ɔnɔ ubuene.

JEREMIAH 32:18

emi anamde ima ye mme tɔsin owo, onyuŋ osiode usiene idiɔk ido mme ete esin ke ikpanesit nditɔ mmɔ eke etienede mmɔ edem; Akwa ye Ɔkpɔsɔŋ Abasi Jehovah mme udim edi enyiŋ esie:

MATTHEW 10:42

Ndien owo ekededi eke edidade cup mbit-mbit mmɔŋ ɔnɔ kiet ke otu ŋkpri owo emi ɔŋwɔŋ ke enyiŋ mbet Mi, ke akpanikɔ ke ndɔhɔ mbufo, enye iditreketre ndibɔ utip esie.

MATTHEW 7:2

Koro nte mbufo esioŋode owo ndo, kpa ntre ke edisioŋo mbufo ndo. Ndien udomo eke mbufo edade edomo, ke edida edomo enɔ mbufo.

MARK 4:24

Enye onyuŋ ɔdɔhɔ mmɔ ete, Etiŋ enyin ekpeme se mbufo ekopde. Udomo eke mbufo edade edomo enɔ owo, ke eyeda edomo enɔ mbufo, eyenyuŋ ekɔrɔ enɔ mbufo.

LUKE 6:30

Nɔ kpukpru owo eke ebeŋede fi ŋkpɔ, owo eke onyuŋ ɔbɔde fi ŋkpɔ, kubup enye ɔtɔŋɔ ntak ɔnɔ fi.

DEUTERONOMY 15:10

Kutre ndinɔ enye, esit fo okunyuŋ ɔdiɔk ke ini afo ɔnɔde enye: koro ŋkpɔ emi eyesin Jehovah Abasi fo ɔdiɔŋ fi ke kpukpru utom fo, ye ke kpukpru se afo ayande ubɔk fo ke esit.

JAMES 2:13

Koro ikpe minyeneke mbɔm ye owo emi mikatuaha owo mbɔm; edi mbɔm obure mbure akan ikpe.

JUDGES 1:7

Ndien Adoni-bezek ɔdɔhɔ, ete, Ndidem ata ye duop, emi ekekpokde mmɔ obodom nnuenubɔk ye obodom nnuenukot etetaŋ ŋkpɔ ke idak okpokoro mi: kpa nte ŋkanamde, kpa ntre ke Abasi onyuŋ anam mi usiene. Ndien mmɔ eda enye edi ke Jerusalem, ndien enye akpa do.