JOSHUA 9:5 - Edisana ñwed Abasi Ibom

⁵ mmɔ enyuŋ eda ŋkani ikpa-ukot emi ediɔŋde, esine ke ukot mmɔ, enyuŋ esine ŋkani ɔfɔŋidem ke idem mmɔ; kpukpru uyo ke udia usuŋ mmɔ onyuŋ edi nsat ye mfut-mfut.

JOSHUA 9:5 Iomraidhean Croise

LUKE 15:22

Edi Ete ɔdɔhɔ ikɔt esie ete, Ewara eda ata eti ɔfɔŋidem oro edisine enye; enyuŋ esine enye mkpanuen ke ubɔk ye ikpa-ukot ke ukot:

DEUTERONOMY 29:5

Mma nnyuŋ nda mbufo usuŋ ke wilderness ke isua aba: edisine-ŋkpɔ mbufo ikatahake mbufo ke idem, ikpa-ukot fo ikonyuŋ itahake fi ke ukot.

DEUTERONOMY 33:25

Ikpa-ukot fo edi ukwak ye okpoho; yak nduɔk-odudu fo onyuŋ ebigi nte mme usen fo.

JOSHUA 9:12

Uyo nnyin emi iketimde ke udia usuŋ nnyin ikeda ke ufiop ke ufɔk nnyin, ke usen emi nnyin iwɔrɔde ndidi ke ɔtɔ mbufo; edi ke emi, sese, enye amakabare nsat ye mfut-mfut.

JOSHUA 9:13

Mme ikpa wine emi nnyin ikesinde iyɔhɔ, ekenyuŋ edi mbufa: ndien, sese, mmɔ emewaha: ɔfɔŋidem nnyin emi, ye ikpa-ukot nnyin enyuŋ ekabare ŋkani, oto koro usuŋ oyomde eti-eti.

JOSHUA 9:4

mmɔ ŋko enyuŋ enam ŋkari, eka ekenam nte ŋkpɔ eke mmɔ edide mme isuŋ-utom, eda ŋkani ekpat edori mme ass mmɔ ke edem, ye wine ke ŋkani ikpa emi ewahade, enyuŋ efan;

JOSHUA 9:6

Ndien mmɔ etiene Joshua ke nna ke Gilgal, enyuŋ edɔhɔ enye, ye nditɔ Israel, ete, Nnyin imeto ke anyan idut idi; mbufo enam ndien ediomi ye nnyin.