JOSHUA 8:1 - Edisana ñwed Abasi Ibom

¹ NDIEN Jehovah ɔdɔhɔ Joshua, ete, Kudikhe, kunyuŋ uyak esit ɔduɔ fi: nam kpukpru mbon ekɔŋ esaŋa ye afo, ndien daha ke enyɔŋ dɔk ke Ai; sese, nda ɔbɔŋ Ai, ye ikɔt esie, ye obio esie, ye isɔŋ esie, nsin fi ke ubɔk:

JOSHUA 8:1 Iomraidhean Croise

ŊWED MME PSALM 27:1

JEHOVAH edi uŋwana mi, ye erinyaŋa mi; ndifehe anie?

ŊWED MME PSALM 44:3

koro midige ofut mmɔ ke mmɔ eda ebɔ isɔŋ enyene, minyuŋ idige ubɔk mmɔ anyaŋa mmɔ: koro edide ita nnasia fo, ye ubɔk fo, ye uŋwana iso fo, koro afo amade mmɔ.

ŊWED MME PSALM 46:11

Jehovah mme udim odu ye nnyin; Abasi Jacob edi ebiet-ubɔhɔ nnyin. [Selah.]

ISAIAH 12:2

Sese, Abasi edi erinyaŋa mi; nyebuɔt idem, ndinyuŋ ndikheke: koro Jah Jehovah edide odudu mi, ye ikwɔ mi; onyuŋ akabare edi erinyaŋa mi.

ISAIAH 43:2

Ke ini afo edisaŋade ke mmɔŋ ebe, ami nyedu ye afo; ye ke mme akpa mmɔŋ, mmɔ idifukke fi: ke ini afo edisaŋade ke ikaŋ udufɔbɔke; edemikaŋ idinyuŋ itaha fi.

JEREMIAH 46:27

O Jacob, owo mi, afo kufehe, ndien, O Israel kunyuŋ ukpa idem: koro, sese, ami nyenyaŋa fi nsio ke anyan ebiet, nyenyaŋa ubon fo nsio ke isɔŋ ntaŋ-mfep mmɔ; ndien Jacob eyefiak edem, onyuŋ etie suŋ, onyuŋ oduŋ ke ifure, ndien baba owo kiet eke anamde enye ndik ididuhe.

JEREMIAH 49:3

O Heshbon, fiori: koro Ai amabiara: nditɔ iban Rabbah, mbufo eseme, ebɔbɔ ɔfɔŋ-ikpo ke idem; etuaŋa, enyuŋ ebuŋɔ kip esuana ke otu mme ɔkɔ: koro etaŋde edidem mmɔ efep, mme oku esie, ye mbɔŋ esie ɔtɔ kiet.

DANIEL 2:21

enye onyuŋ ɔkpuhɔre ini ye mme isua, ke emen ndidem efep, onyuŋ onim ndidem ke itie: ke ɔnɔ mbon-ɔniɔŋ eti ibuot, onyuŋ ɔnɔ mme asian ifiɔk.

DANIEL 4:25

ndien mmɔ eyebin fi ke otu owo efep, iduŋ fo eyenyuŋ odu ye mme unam ikɔt, eyenyuŋ ebɔk fi ke mbiet nte enaŋ; enyuŋ eda mbara enyɔŋ ebit fi; isua itiaba eyenyuŋ ebe fi, tutu afo ɔfiɔk ete ke Ata Edikoŋ akara ke ubɔŋ ererimbot, onyuŋ ada enye ɔnɔ owo ekededi eke enye amade.

DANIEL 4:35

ndien ebat kpukpru mme andiduŋ isɔŋ ke ikpikpu: enye onyuŋ anam kpa nte enye amade ke otu mme udim enyɔŋ ye ke otu mme andiduŋ isɔŋ: ndien baba owo kiet eke edituakde enye ubɔk, onyuŋ ɔdɔhɔde enye, ete, Afo amanam nso? iduhe.

MATTHEW 8:26

Enye ete mmɔ, Nsinam mbufo efehede ndik, O mbufo nditɔ ekpri mbuɔtidem? Ekem Enye adaha ke enyɔŋ, asua ɔnɔ ofim ye inyaŋ; inyaŋ onyuŋ ana suŋ.

DEUTERONOMY 1:21

Sese Jehovah Abasi fo omonim isɔŋ oro ke iso fo: dɔk kada enye nyene, kpa nte Jehovah Abasi mme usɔ ɔkɔdɔhɔde fi; kufehe, kunyuŋ uduɔ esit.

DEUTERONOMY 31:8

Onyuŋ edi Jehovah ebem fi iso asaŋa; enye eyedu ye afo, idikpɔŋke fi, idinyuŋ iduɔkke fi: kufehe ndik, kunyuŋ uyomo nsia.

DEUTERONOMY 7:18

Kufehe mmɔ: tim ti se Jehovah Abasi fo akanamde Pharaoh, ye ofuri Egypt;

DEUTERONOMY 7:21

Kudikhe ke iso mmɔ: koro Jehovah Abasi fo odude ke otu fo, akwa Abasi ye Abasi uteŋe.

JOSHUA 1:9

onyuŋ otim anam. Nte idige ami nteme fi? sɔŋ ubɔk, nyuŋ sɔŋ esit; kudige, kunyuŋ uyak esit ɔduɔ fi: koro Jehovah Abasi fo odude ye afo ke kpukpru ŋkpɔ eke afo akade.

JOSHUA 10:7

Ndien Joshua oto ke Gilgal ɔdɔk, ye kpukpru mbon-ekɔŋ ŋko, ye kpukpru mbon uko.

JOSHUA 10:8

Ndien Jehovah ɔdɔhɔ Joshua, ete, Kufehe mmɔ: koro ndade mmɔ nsin fi ke ubɔk; owo mmɔ ndomo kiet idikemeke ndida fi ke iso.

JOSHUA 2:24

enyuŋ edɔhɔ Joshua, ete, Ke akpanikɔ ke Jehovah amada ofuri isɔŋ emi ɔnɔ nnyin ke ubɔk; nsia onyuŋ oyomo kpukpru mme andiduŋ isɔŋ emi abaŋa nnyin.

JOSHUA 6:2

Ndien Jehovah ɔdɔhɔ Joshua, ete, Sese, nda Jericho, ye ɔbɔŋ esie, mbon uko oro, nsin fi ke ubɔk.

JOSHUA 7:9

Mme Canaanite ye kpukpru mme andiduŋ isɔŋ emi, eyenyuŋ ekop, enyuŋ ekan nnyin ekuk, enyuŋ esibe enyiŋ nnyin ke isɔŋ efep: ndien afo edinam didie ye akwa enyiŋ fo?