JOSHUA 7:5 - Edisana ñwed Abasi Ibom

⁵ Nditɔ Ai enyuŋ ewot mmɔ osim adaŋa owo edip ye efurekiet: ndien ebine mmɔ, ɔtɔŋɔde ke inua-otop obio tutu osim ke Shebarim, enyuŋ ewot mmɔ ke usuhɔre: mmɔdo esit ɔduɔde kpukpru owo, onyuŋ akabarede emem nte mmɔŋ.

JOSHUA 7:5 Iomraidhean Croise

ŊWED MME PSALM 22:14

Eŋwaŋa mi nte mmɔŋ; kpukpru mme ɔkpɔ mi efebede ŋko; esit mi atara nte mbukpa ɔkwɔk ke ufɔt nsia mi.

ŊWED MME PSALM 58:7

Yak mmɔ etara nte mmɔŋ, yak mmɔ enyɔŋɔ ekemɔ: yak enye etiga idaŋ, kpa nte edide ikpom.

ISAIAH 13:7

Mmɔdo kpukpru ubɔk ememde, esit kpukpru owo enyuŋ eyemere: nsia onyuŋ oyomo mmɔ;

EZEKIEL 21:7

Ndien edikem, ke ini mmɔ edɔhɔde ye afo, ete, Nsinam afo omumde? dɔhɔ ndien ete, Ke abaŋa etop: koro enye ɔmɔŋ edi; ndien kpukpru esit eyetara, kpukpru ubɔk eyenyuŋ emem, kpukpru spirit eyenyuŋ ekpa, kpukpru edɔŋ eyenyuŋ esaŋa nte mmɔŋ: sese, ke edi, eyenyuŋ odu; emi edi uyo Ɔbɔŋ Jehovah.

LEVITICUS 26:36

Ndien ama edi mme mmɔ emi edisuhɔde ke otu mbufo, nyesin mmɔ esit ufep ke mme idut mme asua mmɔ, ndien uyom ikɔŋ eke enyeŋede eyenam mmɔ efeŋe itɔk, ndien mmɔ eyefeŋe, nte emi efeŋede ofut; enyuŋ eduɔŋɔ ke baba owo kiet mibineke.

NAHUM 2:10

Enye etie ukpɔk ye ikpikpu, ye ubɔk-ubɔk: ndien esit atara; edɔŋ enyuŋ enyek: ɔkpɔsɔŋ ubiak onyuŋ odu ke kpukpru isin; iso kpukpru mmɔ enyuŋ ekabare kpai.

DEUTERONOMY 1:44

Ndien mme Amorite emi eduŋde ke obot oro, ewɔŋɔ ekebiɔŋɔ mbufo, enyuŋ ebine mbufo nte ɔkwɔk enamde, enyuŋ esobo mbufo ke Seir, tutu osim ke Hormah.

JOSHUA 2:11

Ndien ke adaŋemi nnyin ikekopde, nsia eyemere nnyin, mbufo inyuŋ iyakke aba owo ndomo kiet enyene uko; koro edi Jehovah Abasi mbufo edi Abasi ke ata enyɔŋ, ye isɔŋ ke idak.

JOSHUA 2:9

Ndien enye ɔdɔhɔ mmɔ oro, ete, Mmɔfiɔk nte Jehovah ada isɔŋ emi ɔnɔ mbufo, nte ndik mbufo onyuŋ ɔduɔ nnyin ke idem, nsia onyuŋ oyomo kpukpru mme andiduŋ isɔŋ emi abaŋa mbufo.

JOSHUA 5:1

EDIKEM, adaŋemi kpukpru mbɔŋ mme Amorite, emi edude ke edem usop-utin Jordan, ye kpukpru mbɔŋ mme Canaanite, emi edude ke mben inyaŋ, ekopde nte Jehovah akanamde mmɔŋ Jordan asat ke iso nditɔ Israel, tutu nnyin ibe, ndien nsia oyomo mmɔ, uko onyuŋ okure mmɔ ke idem, abaŋa nditɔ Israel.