JOSHUA 6:21 - Edisana ñwed Abasi Ibom

²¹ Ndien mmɔ eda iso ofut esobo kpukpru se idude ke obio, ɔtɔŋɔde ke eren tutu osim ŋwan, ɔtɔŋɔde ke eyenɔwɔŋ tutu osim mbiowo, ye enaŋ, ye ŋkpri ufene, ye mme ass.

JOSHUA 6:21 Iomraidhean Croise

1 NDIDEM 20:42

Ndien enye ɔdɔhɔ edidem, ete, Ntem ke Jehovah ɔdɔhɔ ete, koro afo akasanade owo nsobo mi ayak ɔbɔhɔ ke ubɔk, mmɔdo edikaŋade uwem fo ke ibuot uwem esie, ye ikɔt fo ke ibuot ikɔt esie.

JEREMIAH 48:18

Wɔrɔ ke ubɔŋ, suhɔre tie ke nsat-itɔŋ, O eyen-aŋwan emi oduŋde ke Dibon; koro andibiat Moab ɔmɔdɔk osim fi, enye eyesobo mkpɔsɔŋ ebiet fo.

DEUTERONOMY 13:16

Ndien bon kpukpru mbume esie ke ufɔt aŋwa esie, nyuŋ fɔp obio ye kpukpru mbume esie ke ikaŋ, tutu okure tak, nɔ Jehovah Abasi fo: ndien obio eyedi mbot-mbot ke nsinsi; yak owo okubɔp aba enye.

DEUTERONOMY 2:34

Nnyin inyuŋ ida kpukpru obio esie ke ini oro, inyuŋ isobo kpukpru obio, ye iren owo, ye iban, ye nditɔwɔŋ; isuhɔke baba nsuhɔ:

DEUTERONOMY 7:16

Ndien afo eyedia kpukpru mme idut eke Jehovah Abasi fo edinɔde fi; enyin fo okutua mmɔ mbɔm: kunyuŋ unam ido mme abasi mmɔ: koro oro eyekɔk afia ɔnɔ fi.

JOSHUA 10:28

Ndien Joshua ada Makkedah ke usen oro, enyuŋ osobo enye ke iso ofut, ndien enye owot ɔbɔŋ mmɔ, kpa mmɔ, ye kpukpru owo emi edude ke esit; enye isuhɔke baba kiet; ntre ke enye anam ɔbɔŋ Makkedah kpa nte akanamde ɔbɔŋ Jericho.

JOSHUA 10:39

enyuŋ eda enye, ye ɔbɔŋ esie, ye kpukpru obio esie; enyuŋ ewot mmɔ ke iso ofut, enyuŋ esobo kpukpru mmɔ emi edude ke esit; enye isuhɔke baba nsuhɔ kiet: kpa nte akanamde Hebron, kpa ntre ke enye anam Debir ye ɔbɔŋ esie; kpa nte enye okonyuŋ anamde Libnah ye ɔbɔŋ esie.

JOSHUA 11:11

Enye onyuŋ ada iso ofut owot kpukpru owo emi edude ke esit, osobo mmɔ fap: baba kiet eke eduɔkde ibifik isuhɔke: enye onyuŋ ɔfɔp Hazor ke ikaŋ.

JOSHUA 11:14

Ndien nditɔ Israel ebume kpukpru mbume obio oro ye ufene, eda ke idem mmɔ; edi mmɔ ewot kpukpru owo ke iso ofut, tutu esobo mmɔ, isuhɔke baba ŋkpɔ kiet eke ɔduɔkde ibifik.

JOSHUA 8:2

ndien afo eyenam Ai ye ɔbɔŋ esie, kpa nte akanamde Jericho ye ɔbɔŋ esie: edi mbufo ebume ŋkpɔ esie, ye ufene esie, eda ke idem mbufo: nim mbon-udibe ke edem obio.

JOSHUA 8:22

Ndien mmɔ eken ewɔŋɔ ke obio ekebiɔŋɔ mmɔ; ndien mmɔ edu ke ufɔt Israel, usuk ke edem emi, usuk ke edem eken; mmɔ oro enyuŋ ewot mmɔ, tutu iyakke baba owo mmɔ kiet ɔbɔhɔ ɔsuhɔ.

JOSHUA 9:3

Ekem ke ini mme andiduŋ Gibeon ekopde se Joshua akanamde Jericho ye Ai,

ERIYARARE 18:21

Ekem ŋkpɔsɔŋ angel emen itiat emi etiede nte akwa itiat ukɔk-ibokpot, ɔduɔk ke inyaŋ, onyuŋ ɔdɔhɔ ete, Ntem ke edisio akwa obio Babylon eduɔk ke ɔkpɔsɔŋ iduɔ, ndien idikwe enye aba.

1 SAMUEL 15:3

Ka, ndien kasuan Amalek, mbufo enyuŋ esobo kpukpru se mmɔ enyenede, kufen mmɔ: edi wot eren, ye ŋwan, ye eyen-ɔwɔŋ, ye nsek-eyen, ye enaŋ, ye ŋkpri ufene, ye camel, ye ass.

1 SAMUEL 15:8

Enye onyuŋ omum Agag edidem Amalek ye uwem, onyuŋ osobo ofuri obio ke iso ofut.