JOSHUA 4:10 - Edisana ñwed Abasi Ibom

¹⁰ Ndien mme oku emi ebiomde ekebe eda ke ufɔt Jordan, tutu mmɔ ema kpukpru ŋkpɔ emi Jehovah eketemede Joshua, ete etiŋ ɔnɔ mbon oro, ekem ye kpukpru se Moses eketemede Joshua: ndien mmɔ esɔp ukot ebe.

JOSHUA 4:10 Iomraidhean Croise

ŊWED MME PSALM 119:60

Nsɔp ubɔk, nnamke mbigi, ke erinim mbet fo.

EXODUS 12:39

Mmɔ enyuŋ eda ndisi uyo emi mmɔ ekedade ke Egypt ewɔŋɔ, enam uyo eke leaven miduhe, koro mikofutke; koro ekebinde mmɔ efep ke Egypt, mmɔ mikenyuŋ ikwe nte ebigide; ikenyuŋ itemke udia inɔ idem mmɔ.

MME ŊKE 27:1

KUBURE mbure ubaŋa mkpɔŋ: koro afo mufiɔkke se usen kiet edimande.

ECCLESIASTES 9:10

Da odudu fo nam kpukpru se ubɔk fo okutde ndinam: koro baba erinam, baba uduak, baba ifiɔk, baba mbufiɔk miduhe ke obio ekpo emi afo akade do.

ISAIAH 28:16

Mmɔdo ntem ke Ɔbɔŋ Jehovah ɔdɔhɔ, ete, Sese, ami mmonim itiat ke Zion, itiat eke edomode, ɔsɔŋ-urua itiat inuk, emi etimde esin ke idak ibibene: owo eke ɔbuɔtde idem idinyeneke ndifehe.

2 ŊWED CORINTH 6:2

(koro Enye ɔdɔhɔ ntem ete, Mma nyere fi ke ini mfɔn-ido, Mma nnyuŋ nnyaŋa fi ke usen erinyaŋa. Sese, ini mfɔn-ido mi; sese, usen erinyaŋa mi).

DEUTERONOMY 31:9

Ndien Moses ewet ŋwed mbet emi, onyuŋ emen enye ɔnɔ mme oku, nditɔ Levi, emi ebiomde ekebe ediomi Jehovah, onyuŋ ɔnɔ kpukpru mbiowo Israel.

JOSHUA 24:11

Ekem mbufo ebe Jordan edi Jericho; ndien mbio-obio Jericho, ye mme Amorite, ye mme Perizzite, ye mme Canaanite, ye mme Hittite, ye mme Girgashite, ye mme Hivite, ye mme Jebusite eŋwana ekɔŋ ye mbufo; ndien mmen mmɔ nsin mbufo ke ubɔk.

JOSHUA 3:13

Ndien ama ekem, ke ini ikpat ukot mme oku emi ebiomde ekebe Jehovah ɔbɔŋ ofuri ererimbot, edituakde ada ke mmɔŋ Jordan, mmɔŋ Jordan eyesibe, kpa mmɔŋ emi otode ke edere osuk, eyekpehe ada nte obot kiet.

JOSHUA 4:11

Ekem adaŋemi kpukpru owo ema ekebe ema, ekebe Jehovah, ye mme oku, ebe ke enyin kpukpru owo.

JOSHUA 4:9

ekenim mmɔ do. Joshua onyuŋ okubi itiat duopeba ke ufɔt Jordan, ke ɔtɔ oro ukot mme oku emi ebiomde ekebe ediomi ekedade: ndien mmɔ edu do tutu osim mfin emi.