JOSHUA 10:25 - Edisana ñwed Abasi Ibom

²⁵ Ndien Joshua ɔdɔhɔ ete, Mbufo ekudikhe, ekunyuŋ eyak esit ɔduɔ mbufo, esɔŋɔ ubɔk, enyuŋ esɔŋɔ esit: koro ntem ke Jehovah edinam ye kpukpru mme asua mbufo eke mbufo eŋwanade ekɔŋ ye mmɔ.

JOSHUA 10:25 Iomraidhean Croise

ŊWED MME PSALM 63:9

Edi mmɔ eke eyomde ukpɔŋ mi edi ŋkpɔ nsobo; mmɔ eyesuhɔre eduk ke idak isɔŋ.

ŊWED MME PSALM 77:11

Nyetaŋ ese Jehovah: koro nyeti mme utibe ŋkpɔ fo ke eset.

ŊWED MBON ROME 8:37

Edi ke kpukpru ŋkpɔ emi nnyin imakan, inyuŋ idɔdiɔŋ ikan, oto ke Enye emi akamade nnyin.

2 ŊWED CORINTH 1:10

emi akanyaŋade nnyin osio ke utɔ akwa mkpa oro, eyenyuŋ anyaŋa: nnyin inyuŋ idori enyin ke Enye, ite, Enye eyemana osio nnyin:

ŊWED MBON EPHESUS 6:10

Nte akpatre ikɔ, esɔŋɔ idem ke Ɔbɔŋ ye ke ɔkpɔsɔŋ odudu Esie.

DEUTERONOMY 7:19

ikpɔ ndomo emi enyin fo okokutde, ye mme idiɔŋɔ, ye mme utibe ŋkpɔ, ye ɔkpɔsɔŋ ubɔk, ye edimenere ubɔk, emi Jehovah Abasi fo akadade osio fi; kpasuk ntre ke Jehovah Abasi fo edinam ye kpukpru mme idut emi ndik mmɔ edinamde fi.

JOSHUA 1:6

Sɔŋ ubɔk, nyuŋ sɔŋ esit: koro afo eyeda isɔŋ emi ŋkɔŋwɔŋɔde nnɔ mme ete mbio emi nte ke ndinɔ mmɔ, edeme ɔnɔ mmɔ.

JOSHUA 1:9

onyuŋ otim anam. Nte idige ami nteme fi? sɔŋ ubɔk, nyuŋ sɔŋ esit; kudige, kunyuŋ uyak esit ɔduɔ fi: koro Jehovah Abasi fo odude ye afo ke kpukpru ŋkpɔ eke afo akade.

JOSHUA 10:8

Ndien Jehovah ɔdɔhɔ Joshua, ete, Kufehe mmɔ: koro ndade mmɔ nsin fi ke ubɔk; owo mmɔ ndomo kiet idikemeke ndida fi ke iso.

1 SAMUEL 17:37

David onyuŋ ɔdɔhɔ ete, Jehovah emi okosiode mi ke ubɔk lion, ye ke ubɔk bear, eyesio mi ke ubɔk Philistine emi. Ndien Saul ɔdɔhɔ David, ete, Ka; Jehovah onyuŋ osuk odu ye afo.