JOHN 12:2 - Edisana ñwed Abasi Ibom

² Ntem ke mmɔ enam udia enɔ Enye do; Martha onyuŋ ada mbet, edi Lazarus edi kiet ke otu mmɔ emi etiede ye Enye.

JOHN 12:2 Iomraidhean Croise

ERIYARARE 3:20

Sese, ndada ke usuŋ ntuak; edieke owo okopde uyo Mi onyuŋ osiode usuŋ, nyeduk ntiene enye, ndia ŋkpɔ ye enye, enye onyuŋ adia ŋkpɔ ye Ami.

LUKE 22:27

Koro anie owo edi andikpon-ŋkan? ndi enye emi etiede ke itie-udia, mme enye emi adade mbet? nte idige enye emi etiede ke itie-udia okpon akan? edi Ami ndu ke otu mbufo nte enye emi adade mbet.

MARK 14:3

Ekem ke ini Enye odude ke Bethany ke ufɔk Simon, ɔdɔŋɔ akpa-mfia, nte Enye etiede ke itie-udia, ŋwan kiet akama otu alabaster, eke esinde ata ɔsɔŋ-urua ufuɔŋkpɔ spikenard ke esit, edi; ndien enye obom otu oro, onyuŋ ɔtɔhɔ Enye ufuɔŋkpɔ ke ibuot.

LUKE 14:12

Enye onyuŋ ɔdɔhɔ owo emi okokotde Enye udia ete, Ke adaŋemi afo anamde udia uwemeyo mme udia mbubreyo, kukot mme ufan fo mme nditɔ-usɔ, mme imanfo, mme mbɔhiduŋ fo emi edide mme enyene-ŋkpɔ; mbak ndusuk mmɔ edikot fi ŋko, enyuŋ esio usiene enɔ fi.

LUKE 12:37

Ɔfɔfɔn ɔnɔ mme asaŋutom emi ete mmɔ edidide okut mmɔ etiede ekpeme; ke akpanikɔ ke ndɔhɔ mbufo nte, enye ke idem esie eyefak ɔfɔŋ, anam mmɔ etetie ke okpokoro udia, onyuŋ ada mbet ɔnɔ mmɔ.

LUKE 5:29

Levi onyuŋ anam akamba udia ke ufɔk esie ɔnɔ Jesus; akwa otu mme publican ye mmɔ efen enyuŋ etetie ke itie-udia ye mmɔ.

MATTHEW 26:6

Edi ke ini Jesus odude ke Bethany, ke ufɔk Simon ɔdɔŋɔ akpa-mfia,

IKWƆ SOLOMON 4:16

Ofum edere, demere; ofum usuk, afo nyuŋ di: furi ke iŋwaŋ mi man ufuɔŋkpɔ esie ewɔŋɔ. Yak ima mi oduk ke iŋwaŋ esie edidia edinem mfri eto esie.