JOEL 3:18 - Edisana ñwed Abasi Ibom

¹⁸ Ndien ama ekem ke usen oro, ikpɔ obot eyetɔi obufa wine, ŋkpri obot eyenyuŋ efiɔrɔ mmɔŋ-eba; kpukpru akpa mmɔŋ Jerusalem eyefiɔrɔ mmɔŋ, idim eyenyuŋ oto ke ufɔk Jehovah ekebit itihere Shittim.

JOEL 3:18 Iomraidhean Croise

ŊWED JOB 29:6

Ke adaŋemi nyetde ikpat mi ke mmɔŋ-eba; ikpɔ itiat eke ekperede mi enyuŋ eŋwaŋa akpa aran.

ŊWED MME PSALM 46:4

Akpa (odu): mme idim esie eyedat obio Abasi esit, kpa edisana iduŋ Ata Edikoŋ.

EXODUS 3:8

mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

ISAIAH 30:25

Ndien ke kpukpru ikpɔ obot, ye ke kpukpru edikoŋ obot, ke akpa ye idim mmɔŋ edidu ke usen akwa obom, ke mme tower eduɔŋɔde.

ISAIAH 35:6

Ndien mbuŋɔ eyenek nte edop, edeme imum eyenyuŋ ɔkwɔ: koro mmɔŋ asiahade ke wilderness, idim ŋko ke desert.

ISAIAH 44:3

Koro nyeŋwaŋa mmɔŋ nnɔ owo nsat-itɔŋ, nyewaŋa idim ke edisat isɔŋ; nyeŋwaŋa spirit mi nduɔk nditɔ fo ke idem, nyeŋwaŋa nti ŋkpɔ mi nnɔ ubon fo.

ISAIAH 45:8

Mbufo mme heaven ke enyɔŋ ekeŋe, yak mbubit enyɔŋ enyuŋ eŋwaŋa edinen ido: yak isɔŋ ɔkubɔre, yak erinyaŋa ye edinen ido esiaha, yak enye oŋwum mmɔ ini kiet: ami Jehovah mbot enye.

ISAIAH 55:1

Oh, mbufo kpukpru emi itɔŋ asatde, edi ke mmɔŋ! ye owo eke minyeneke okuk! mbufo edi edep enyuŋ edia! enyuŋ edi edep wine ye mmɔŋ-eba, idige ke okuk, inyuŋ idige ke ekɔm-urua.

ISAIAH 66:11

man mbufo ewap eba ndɔŋesit esie eyuhɔ: man mbufo enyimi uyuhɔ ubɔŋ esie enyuŋ edat esit.

JEREMIAH 31:12

Ndien mmɔ eyedi edikwɔ ke obot Zion, enyuŋ ebuŋɔ edi ke mfɔn Jehovah: ebaŋa ibokpot ye obufa wine, ye aran, ye nditɔ ŋkpri ufene, ye nditɔ enaŋ: ndien ukpɔŋ mmɔ eyebiet iŋwaŋ eke ɔŋwɔŋde mmɔŋ; ndien mmɔ idiyemekede aba.

MICAH 6:5

O ikɔt mi, mbɔk, mbufo eti se Balak edidem Moab okodiomide, ye se Balaam eyen Beor ɔkɔbɔrɔde enye, ɔtɔŋɔde ke Shittim tutu osim ke Gilgal: man mbufo efiɔk edinen ido Jehovah.

ZECHARIAH 14:8

Ndien ama ekem ke usen oro, mmɔŋ idim eyeto ke Jerusalem; ubak kiet eyeka inyaŋ edem usiaha-utin, ubak eken eyeka inyaŋ edem usop-utin: eyedu ke nda-eyo ye ke tuep.

NUMBERS 25:1

NDIEN Israel etie ke Shittim, ndien mmɔ etɔŋɔ ndise use ye nditɔ Moab iban.