JEREMIAH 10:12 - Edisana ñwed Abasi Ibom

¹² Enye akanam isɔŋ ke odudu esie, ada ifiɔk esie owuk ererimbot ke itie esie, onyuŋ eneŋere ikpa-enyɔŋ ke asian esie.

JEREMIAH 10:12 Iomraidhean Croise

ŊWED JOB 9:8

Emi ɔsuhɔrede ikpa-enyɔŋ ke idem esie ikpɔŋ, onyuŋ edigide ke odut inyaŋ.

GENESIS 1:1

KE eritɔŋɔ Abasi okobot enyɔŋ ye isɔŋ.

MME ŊKE 3:19

Jehovah ekeda eti ibuot onim ererimbot ke itie esie: ada mbufiɔk owuk ikpa-enyɔŋ.

ISAIAH 40:22

Enye emi odorode ke ekara ererimbot, ndien mme andiduŋ enye ebiet ŋkukuŋkpɔyɔriyɔ; emi anyanarede ikpa-enyɔŋ nte ukara, onyuŋ eneŋerede enye nte tent eke eduŋde:

ŊWED MBON COLOSSAE 1:16

Koro ke Enye ke ekebot kpukpru ŋkpɔ ke enyɔŋ ye ke isɔŋ, se enyin owo okutde ye se enyin owo mikwe, mme mmɔ edide ndidem, mme edide mbɔŋ, mme edide mme andikara, mme edide mme ada-idaha; ekebot kpukpru ŋkpɔ oto ke Enye, enyuŋ ebot kpukpru ŋkpɔ enɔ Enye.

JOHN 1:3

Oto ke Enye ekenam kpukpru ŋkpɔ; ndien mitoho ke Enye, inamke ŋkpɔ baba kiet eke ekenamde.

ŊWED MME PSALM 24:2

Koro Enye odoride enye ke inyaŋ, onyuŋ otim onim enye ke enyɔŋ akpa mmɔŋ.

ZECHARIAH 12:1

MBIOMO uyo Jehovah odoro Israel. Jehovah emi ekeneŋerede ikpa-enyɔŋ, onyuŋ onimde ererimbot ke itie esie, onyuŋ obotde spirit owo esin enye ke idem, ke ɔdɔhɔ, ete,

JEREMIAH 32:17

Ah, Ɔbɔŋ Jehovah, sese, afo akanam enyɔŋ ye isɔŋ ke akwa odudu fo, ye ke edimenere ubɔk fo, baba ŋkpɔ kiet inyuŋ isɔŋke ikan fi:

JEREMIAH 10:13

Uyo esie ke ini enye osiorode enye anam ediwak mmɔŋ odu ke ikpa-enyɔŋ, enye anam mbubit enyɔŋ oto ke utit isɔŋ ɔdɔk, anam obuma ɔnɔ edim, onyuŋ osio ofum ke ebiet unim-ŋkpɔ esie.

ISAIAH 49:8

Ntem ke Jehovah ɔdɔhɔ, ete, Mma nyere fi ke ini mfɔnido, mma nnyuŋ nnyaŋa fi ke usen erinyaŋa; ndien ami nyenyuŋ ŋkpeme fi, nnyuŋ nnim fi ke ediomi mbio-obio, man afo eneŋere ererimbot onim, onyuŋ edeme udeme eke ebiarade;

ISAIAH 48:13

Ubɔk mi ŋko okonim ererimbot ke itie esie, ubɔk nnasia mi onyuŋ eneŋere ikpa-enyɔŋ: ŋkot mmɔ edi, mmɔ edaha eda ini kiet.

ISAIAH 45:18

Koro emi edi uyo Jehovah andibot enyɔŋ; enye edi Abasi emi obotde isɔŋ, onyuŋ anamde enye; enye owuk enye, ibotke enye ke ikpikpu, obot enye man eduŋ ke esit: ami ndi Jehovah, ndien efen iduhe.

ISAIAH 45:12

Edi ami ŋkanam isɔŋ, nnyuŋ mbot owo emi edude ke esit: ami, kpa ubɔk mi, nneŋere ikpa-enyɔŋ, mmonyuŋ ŋwuk ofuri udim mmɔ.

ISAIAH 44:24

Emi edi uyo Jehovah emi afakde fi, emi okonyuŋ obotde fi osio ke idibi: Ami Jehovah nnam kpukpru ŋkpɔ: ami ikpɔŋ nneŋere ikpa-enyɔŋ; mbri isɔŋ ke idem mi.

ISAIAH 42:5

Emi edi uyo Abasi Jehovah, emi okobotde enyɔŋ onyuŋ anyanarede mmɔ; emi ebride isɔŋ, ye se itibede ke esit; emi adade ibifik ɔnɔ kpukpru owo emi edude ke esit, ada spirit ɔnɔ kpukpru mmɔ emi esaŋade ke esit:

ŊWED MME PSALM 104:24

O Jehovah, ŋkpɔ emi afo anamde ewak didie! Afo amanam mmɔ kpukpru ke ifiɔk; inyene fo ɔyɔhɔ ke ererimbot.

ŊWED MME PSALM 33:6

Ekeda uyo Jehovah enam enyɔŋ; ekeda ibifik inua esie enam kpukpru udim mmɔ.

MME ŊKE 30:4

Anie ɔdɔk ke enyɔŋ, ndien ɔsuhɔre? Anie ataŋ ofum esin ke eka-ubɔk esie? Anie ɔbɔp mmɔŋ ke ɔfɔŋidem? Anie ɔsɔŋɔ onim ofuri mme utit ererimbot? Nsidi enyiŋ esie? Nsinyuŋ idi enyiŋ eyen esie, koro afo ɔmɔfiɔk?

ŊWED MME PSALM 119:90

enyɔŋ ke nsinsi. Akpanikɔ fo ebigi ke ofuri emana: afo omowuk isɔŋ, ndien enye ɔsɔŋɔ ada.

ŊWED MME PSALM 78:69

Ndien enye ɔbɔp edisana ebiet esie nte edikoŋ ufɔk, kpa nte ererimbot emi enye onimde ke itie ke nsinsi.

ŊWED JOB 26:7

Enye anyanare edem edere ebri ke enyɔŋ ukpɔk ebiet, onyuŋ ɔkɔŋ ererimbot ke ikpikpu.

ŊWED MME PSALM 104:2

Ada uŋwana nte ɔfɔŋidem ofuk idem: onyuŋ anyanare ikpa-enyɔŋ nte ukara:

ŊWED MME PSALM 93:1

JEHOVAH edi edidem, emesine ubɔŋ ke idem: Jehovah emesine odudu: ɔbɔbɔ ŋkpɔ ke idem. Ererimbot ɔmɔwuhɔ ŋko, idisehekede.

GENESIS 2:5

Ndien eto obot ndomo kiet ikoduhe kaŋa ke isɔn, baba ikɔŋ isɔŋ ikonyuŋ itibeke kaŋa: koro Jehovah Abasi mikanamke edim edep kaŋa ke ererimbot, owo eke ofuŋde isɔŋ mika inyuŋ iduhe.

ŊWED JOB 37:18

Nte afo etiene Enye eneŋere ikpa-enyɔŋ emi ɔsɔŋde nte ukutiso eke etarade ŋkpɔ enam?

ISAIAH 37:16

O Jehovah mme udim, Abasi Israel, emi oduŋde ke otu mme cherubim, edi afo ke idem fo ikpɔŋ-ikpɔŋ edi Abasi kpukpru mme idut ererimbot: edi afo akanam enyɔŋ ye isɔŋ.

JEREMIAH 10:16

koro enye edide andibot kpukpru ŋkpɔ; Israel onyuŋ edi eto udeme esie: Jehovah mme udim edi enyiŋ esie.

JEREMIAH 27:5

Ami ŋkada akwa odudu mi ye edimenere ubɔk mi nnam isɔŋ, ye owo ye unam emi edude ke iso isɔŋ, ndien mmen enye nnɔ owo nte enende mi ke enyin.

1 CHRONICLES 16:26

Koro kpukpru abasi mme idut edi mbiet ŋkpɔ: edi Jehovah akanam enyɔŋ.

ŊWED MME PSALM 65:7

emi osukde uyom inyaŋ, kpa uyom odut mmɔ, ye uyom mme idut.

JEREMIAH 14:22

Nte ikpikpu abasi mme idut ekededi odu eke ekemede ndinam edim edep? Nte ikpa-enyɔŋ edinɔ edim mmɔŋ? Nte idige afo edi enye, O Jehovah Abasi nnyin? Nnyin iyebet fi, ndien: koro afo anamde kpukpru ŋkpɔ emi.