JAMES 4:3 - Edisana ñwed Abasi Ibom

³ Mbufo ebeŋe, edi inɔŋɔ mbufo, koro mbufo ebeŋede ke idiɔk usuŋ, man eda edep ŋkpɔ-mbre.

JAMES 4:3 Iomraidhean Croise

1 NDIDEM 3:11

Ndien Abasi ɔdɔhɔ enye, ete, Koro afo ekebeŋede ŋkpɔ emi, mukonyuŋ ubeŋeke ediwak usen ke idemfo: mukonyuŋ ubeŋeke inyene ke idemfo; mukonyuŋ ubeŋeke uwem mme asua fo; edi ama ebeŋe ke idemfo, ete afo ɔfiɔk nditim ŋkpe ikpe;

ŊWED JOB 35:12

Do ke mmɔ eseme, edi enye ibɔrɔke, ebaŋa iseri mme idiɔk owo.

ŊWED MME PSALM 18:41

Mmɔ eyeseme, edi owo eke anyaŋade iduhe; ekot Jehovah, edi enye iyereke mmɔ.

MME ŊKE 1:28

Ke ini oro mmɔ eyeseme ekot mi, edi ndiyereke; eyebak eyom mi, ndien idikwe mi.

MME ŊKE 15:8

Jehovah abat uwa mme idiɔk owo ke mbubiam: edi akam mbon eti ido enem enye esit.

MME ŊKE 21:13

Owo eke esiride utɔŋ esie ke eseme ubuene, enye ke idem esie eyefiori, ndien owo eke eyerede ididuhe.

MME ŊKE 21:27

Uwa idiɔk ido edi mbubiam: ŋwaŋwa ediso ke adaŋemi enye adade enye edi ye idiɔk ekikere.

JEREMIAH 11:11

Mmɔdo ntem ke Jehovah ɔdɔhɔ, ete, Sese, ami nyeda idiɔk ŋkpɔ kiet eke mmɔ mikemeke ndiwɔrɔ ke esit, ntiene mmɔ; ndien mmɔ eyeseme enɔ mi, edi ami ndikopke uyo mmɔ.

JEREMIAH 11:14

Afo kunam mkpeubɔk ndien, unɔ mbio emi, kunyuŋ umenere mfiori ye eseme ubaŋa mmɔ: koro mmendikopde ke ini eke mmɔ esemede ekot mi ebaŋa idiɔk itie ukut mmɔ.

JEREMIAH 14:12

Ke ini mmɔ etrede udia, ami ndikopke eseme mmɔ; ndien ke ini mmɔ ewade edifɔp uwa ye inuak-udia, ami ndibɔhɔ mmɔ: koro nyesobo mmɔ ke ofut, ye ke akaŋ, ye ke idiɔk udɔŋɔ.

MICAH 3:4

Ndien mmɔ eyeseme enɔ Jehovah, ndien enye idiyereke mmɔ: enye eyenyuŋ odip mmɔ iso esie ke ini oro, kpa nte mmɔ ediɔkde ndinim ido mmɔ.

ZECHARIAH 7:13

Ndien edikem, kpa nte enye okotde, ndien mmɔ mikopke; kpa ntre ke mmɔ ekekot, ndien ami ŋkopke, Jehovah mme udim ɔdɔhɔ:

MATTHEW 20:22

Edi Jesus ɔbɔrɔ ete, Mbufo ifiɔkke se ebeŋede. Nte mbufo emekeme ndiŋwɔŋ cup emi Ami ndiŋwɔŋde? Mmɔ ete Enye, Nnyin imekeme.

MARK 10:38

Edi Jesus ete mmɔ, mbufo ifiɔkke se ebeŋede. Nte mbufo emekeme ndiŋwɔŋ cup emi Ami ŋŋwɔŋde? me ndina baptism emi Ami nnade?

LUKE 11:10

Koro kpukpru owo eke ebeŋede ebɔde; owo eke oyomde okutde; edinyuŋ esiode usuŋ enɔ owo eke atuakde.

LUKE 15:13

Ibigike bigi udɔ ataŋ kpukpru se enyenede, adaha aka anyan idut; ndien do ke enye asuan inyene esie ke eridu otime uwem.

LUKE 15:30

edi ke adaŋami eyen fo emi ama ekedi, emi akadiade inyene fo ye mme akpara, afo ama owot eyen-enaŋ eke enyenede isek ɔnɔ enye.

JAMES 4:1

EKƆŊ ye eŋwan eto mmɔŋ edu ke otu mbufo? Nte mmɔ itoho ke ŋkpɔ emi, kpa ke mme mbre mbufo, emi eŋwanade ekɔŋ ke ndido mbufo?

1 JOHN 3:22

nnyin inyene uko ye Abasi; iyenyuŋ ibɔ se ededi eke ibeŋede ke ubɔk Esie, sia nnyin inimde mbet Esie, inyuŋ inamde se inemde Enye esit.

1 JOHN 5:14

Nnyin imonyuŋ ibure ifiɔk ibaŋa Enye, ite, edieke nnyin ibeŋede ŋkpɔ ekededi nte ekemde uduak Esie, Enye ɔbiɔŋ utɔŋ ke ebeŋe nnyin;