GENESIS 9:2 - Edisana ñwed Abasi Ibom

² Ndien kpukpru unam obot ye kpukpru inuen enyɔŋ, ye kpukpru se inyɔnide ke isɔŋ, ye kpukpru iyak ke mmɔŋ eyebak mbufo, eyenyuŋ eteŋe mbufo: mmɔ esine mbufo ke ubɔk.

GENESIS 9:2 Iomraidhean Croise

GENESIS 1:21

Ndien Abasi obot ikpɔ unam mmɔŋ, ye kpukpru unam eke edude uwem eke esaŋade, eke eyɔhɔde ke mmɔŋ, ke oruk mmɔ, ye kpukpru inuen mba ke oruk mmɔ: ndien Abasi okut ete efɔn.

GENESIS 1:26

Ekem Abasi ɔdɔhɔ, ete, eyak nnyin inam owo isin ke mbiet nnyin, etie nte nnyin: yak mmɔ enyuŋ ekara iyak ke akamba mmɔŋ, ye inuen ke enyɔŋ, ye ufene, ye ofuri isɔŋ, ye kpukpru mme andinyɔni eke enyɔnide ke isɔŋ.

GENESIS 1:28

Ndien Abasi ɔdiɔŋ mmɔ, Abasi onyuŋ ɔdɔhɔ mmɔ ete, Mbufo etɔt, enyuŋ ewak, enyuŋ eyɔhɔ ke isɔŋ, enyuŋ ekan enye: enyuŋ ekara iyak ke akamba mmɔŋ, ye inuen ke enyɔŋ, ye kpukpru nkpɔ uwem eke enyɔnide ke isɔŋ.

GENESIS 2:19

Ndien Jehovah Abasi obot kpukpru unam obot ke ikoneto, ye kpukpru inuen enyɔŋ: ndien ada mmɔ ɔsɔk Adam, ete ise nte Adam edikotde mmo: ndien kpukpru se Adam okotde unam eke edude uwem, oro edi enyiŋ mmɔ.

GENESIS 35:5

Ndien mmɔ esaŋa eka: ndik Abasi onyuŋ odoro obio oro ekande mmɔ ekuk, ndien mmɔ ibineke nditɔ Jacob.

GENESIS 9:1

NDIEN Abasi ɔdiɔŋ Noah ye nditɔ esie, ete mmɔ, Mbufo etɔt, enyuŋ ewak, enyuŋ eyɔhɔ ke ererimbot.

GENESIS 9:3

Kpukpru se inyɔnide eke odude uwem eyedi udia mbufo; mmada kpukpru nnɔ mbufo, kpa nte ŋkadade awawa ikɔŋ nnɔ.

ŊWED JOB 39:11

Nte afo edibuɔt idem ye enye, koro odudu esie okponde?

EZEKIEL 34:25

Nyenyuŋ nnam ediomi emem nnɔ mmɔ, nnyuŋ nnam mme idiɔk unam etre ke isɔŋ: ndien mmɔ eyeduŋ ke wilderness ke ifure, enyuŋ ede idap ke akai.

HOSEA 2:18

Ndien ke usen oro ke ndidiomi ediomi ye unam-ikɔt, ye inuen enyɔŋ, ye ɔnyɔni isɔŋ, nnɔ mmɔ; nyenyuŋ mbuŋ utiga ye ofut ye ekɔŋ ke isɔŋ mfep, nnyuŋ nyak mmɔ ena ke isɔŋ ke ifure.

LEVITICUS 26:22

Nnyuŋ ndɔŋ mme unam ikɔt ke otu mbufo, eke edibɔde mbufo nditɔ, enyuŋ esobo ufene mbufo, enyuŋ enam mbufo ekpri; ndien ɔkpɔ-usuŋ mbufo eyedobo.

LEVITICUS 26:6

Nyenyuŋ nnam isɔŋ ofure, mbufo eyenyuŋ esuhɔre ena, ndien baba ndutime ididuhe: nyenyuŋ nnam mme idiɔk unam etre ke isɔŋ; ndien ofut idisaŋake ke isɔŋ mbufo ibe.

JAMES 3:7

Koro kpukpru oruk unam ye inuen, ye se inyɔnide ye se idude ke inyaŋ, edi se ekemede ndisuk mmɔ nnim;