GENESIS 6:4 - Edisana ñwed Abasi Ibom

⁴ Ata ikpɔ owo ekedu ke isɔŋ ke ini oro; ndien ke nditɔ iren Abasi ema eketiene nditɔ-iban owo ŋko, mmɔ enyuŋ emande nditɔ enɔ mmɔ, mmɔ edi ata mkpɔsɔŋ owo uko, emi edude ke eyo oko, mbon etop.

GENESIS 6:4 Iomraidhean Croise

GENESIS 11:4

Ndien mmɔ edɔhɔ ete, Ekam eyak nnyin ibɔp obio inɔ idem nnyin, ye edikoŋ ufɔk eke ibuot esie edisimde ke enyɔn; inyuŋ inam enyiŋ inɔ idem nnyiŋ, mbak idisuana ke iso ofuri ererimbot.

NUMBERS 13:33

Do ke nnyin ikenyuŋ ikut mme Nephilim: ndien nnyin ikese idem nnyin ke ŋkuku, mmɔ enyuŋ ese nnyin kpa ntre.

NUMBERS 16:2

ndien mmɔ ye owo nditɔ Israel ikie iba ye aba ye duop ŋko, ikpɔ owo esop, emi ekotde ke odu, mbon etop, edaha ke enyɔŋ ke iso Moses.

DEUTERONOMY 2:11

emi ekebatde mmɔ ŋko ke Rephaim, nte nditɔ Anak: edi Moab ekot mmɔ ete, Emim.

DEUTERONOMY 3:11

(Koro Og ɔbɔŋ Bashan ikpɔŋ ɔsuhɔde ke otu mme Rephaim efen; sese, bed esie onyuŋ edi bed ukwak; nte idige enye odu ke Rabbah nditɔ Ammon? uniɔŋ esie edi ibio idomo-okuk usukiet, ubom esie ɔnyuŋ edi ibio idomo-okuk inaŋ, nte idomo owo asaŋade.)

1 SAMUEL 17:4

Ndien esine-ufɔt kiet ekere Goliath owo Gath, oto ke nna-ekɔŋ mme Philistine edi, idaha esie edi ibio-idomo-okuk itiokiet ye ubɔk kiet.