GENESIS 1:1 - Edisana ñwed Abasi Ibom

¹ KE eritɔŋɔ Abasi okobot enyɔŋ ye isɔŋ.

GENESIS 1:1 Iomraidhean Croise

2 NDIDEM 19:15

Hezekiah onyuŋ anam mkpe-ubɔk ke iso Jehovah, onyuŋ ɔdɔhɔ, ete, Jehovah Abasi Israel, emi etiede ke otu mme cherubim, afo ke idem fo ikpɔŋ-ikpɔŋ edi Abasi kpukpru mme idut ke ererimbot; afo akanam enyɔŋ ye isɔŋ.

1 CHRONICLES 16:26

Koro kpukpru abasi mme idut edi mbiet ŋkpɔ: edi Jehovah akanam enyɔŋ.

2 CHRONICLES 2:11

Ndien Huram edidem Tyre ɔdɔhɔ ke ŋwed emi enye enɔde esɔk Solomon, ete, Koro Jehovah amade ikɔt esie, esin enye onim fi ke edidem mmɔ.

NEHEMIAH 9:6

Afo edi enye, O Jehovah, afo ikpɔŋ: edi afo akanam ikpa-enyɔŋ, ye ata enyɔŋ, ye kpukpru udim mmɔ, ye isɔŋ, ye kpukpru se idude ke esit, ye inyaŋ ye kpukpru se idude ke esit, afo onyuŋ onim kpukpru mmɔ uwem; udim enyɔŋ enyuŋ etuak ibuot enɔ fi.

ŊWED JOB 26:13

Spirit esie anam ikpaenyɔŋ edi uyai; edi ubɔk esie okobot urukikɔt itɔk.

ŊWED JOB 38:4

Afo okodu mmɔŋ ke ini ntɔŋɔde ndinam ererimbot? Tiŋ, edieke afo ɔfiɔkde mbufiɔk.

ŊWED JOB 9:8

Emi ɔsuhɔrede ikpa-enyɔŋ ke idem esie ikpɔŋ, onyuŋ edigide ke odut inyaŋ.

ŊWED MME PSALM 102:25

Afo okodori isɔŋ ke itie esie ke eyo oko: ndien enyɔŋ edi se ubɔk fo enamde.

ŊWED MME PSALM 104:24

O Jehovah, ŋkpɔ emi afo anamde ewak didie! Afo amanam mmɔ kpukpru ke ifiɔk; inyene fo ɔyɔhɔ ke ererimbot.

ŊWED MME PSALM 104:30

Afo ɔdɔŋ spirit fo ɔwɔrɔ, mmɔ eboro: afo onyuŋ ɔdiɔŋ iso isɔŋ.

ŊWED MME PSALM 115:15

Jehovah andinam enyɔŋ ye isɔŋ akam ɔdiɔŋ mbufo.

ŊWED MME PSALM 121:2

Erinyaŋa mi oto Jehovah, emi akanamde enyɔŋ ye isɔŋ.

ŊWED MME PSALM 124:8

Erinyaŋa nnyin odu ke enyiŋ Jehovah, emi akanamde enyɔŋ ye isɔŋ.

ŊWED MME PSALM 134:3

Jehovah emi akanamde enyɔŋ ye isɔŋ, eyetie ke Zion ɔdiɔŋ fi.

ŊWED MME PSALM 136:5

Enye emi akanamde enyɔŋ ke ifiɔk: koro ima esie odude ke nsinsi.

ŊWED MME PSALM 146:6

emi akanamde enyɔŋ, ye isɔŋ, inyaŋ, ye kpukpru se idude mmɔ ke esit: emi onimde akpanikɔ ke nsinsi:

ŊWED MME PSALM 33:6

Ekeda uyo Jehovah enam enyɔŋ; ekeda ibifik inua esie enam kpukpru udim mmɔ.

ŊWED MME PSALM 33:9

Koro edi enye ɔkɔdɔhɔ, ndien ɔwɔrɔ: edi enye okowuk, ndien ada.

ŊWED MME PSALM 8:3

Ke adaŋemi nsede enyɔŋ, utom nnuenubɔk fo, ɔfiɔŋ ye ntantafiɔŋ emi afo owukde;

ŊWED MME PSALM 8:4

nso ŋkpɔ edi owo eke afo etide enye? nso ŋkpɔ edi eyen owo eke afo edide edise enye?

ŊWED MME PSALM 90:2

Ke ini ikpɔ obot mika-imanake kaŋa, ke afo muka-ubotke kaŋa isɔŋ ye ererimbot, kpa ke nsinsi-nsinsi afo edi Abasi.

ŊWED MME PSALM 96:5

Koro kpukpru abasi mme idut edide ikpikpu ŋkpɔ: edi Jehovah akanam enyɔŋ.

EXODUS 20:11

koro Jehovah akadade usen itiokiet anam enyɔŋ, ye isɔŋ, ye inyaŋ, ye kpukpru se idude mmɔ ke esit, ndien odop ke ɔyɔhɔ usen itiaba: mmɔdo Jehovah ɔdiɔŋde usen sabbath, onyuŋ onim enye ke edisana.

EXODUS 31:18

Ekem, adaŋemi Enye ama ɔkɔdɔhɔ ye Moses ama, ke obot Sinai, Enye ada ŋwed-ntiense iba, itiat-ŋwed, emi nnuenubɔk Abasi ekewetde ɔnɔ enye.

MME ŊKE 16:4

Jehovah amanam kpukpru ŋkpɔ ɔnɔ se ikemde ye mmɔ: anam idem idiɔk owo ɔnɔ usen idiɔk.

MME ŊKE 3:19

Jehovah ekeda eti ibuot onim ererimbot ke itie esie: ada mbufiɔk owuk ikpa-enyɔŋ.

ECCLESIASTES 12:1

NYUŊ ti Andibot fi ke ini afo edide akparawa, ke ini ukut mika-idige kaŋa, ke mme isua eke afo edidɔhɔde ete, “Ŋkwe inem ke esit,” mika-isimke (fi);

ISAIAH 37:16

O Jehovah mme udim, Abasi Israel, emi oduŋde ke otu mme cherubim, edi afo ke idem fo ikpɔŋ-ikpɔŋ edi Abasi kpukpru mme idut ererimbot: edi afo akanam enyɔŋ ye isɔŋ.

ISAIAH 40:21

Nte mbufo ifiɔkke? Nte mbufo ikopke? Nte akanam itiŋke inɔ mbufo toto ke eritɔŋɔ? Nte mbufo ifiɔkke nte ekewukde ererimbot ke itie?

ISAIAH 40:26

Emenere enyin mbufo ke enyɔŋ, enyuŋ ese! Anie okobot mme mmɔ emi? Anie ada otu mmɔ ɔwɔrɔ ke ibat mmɔ? Enye osio kpukpru mmɔ enyiŋ: koro nsɔŋidem esie okponde, enye onyuŋ ɔsɔŋ odudu; baba owo mmɔ kiet isopke.

ISAIAH 40:28

Nte afo ufiɔkke? nte afo akanam ukopke? Jehovah emi okobotde mme utit ererimbot edi nsinsi Abasi; enye ikpaha mba, inyuŋ ikpɔtke; idige nte eduŋɔrede asian esie.

ISAIAH 42:5

Emi edi uyo Abasi Jehovah, emi okobotde enyɔŋ onyuŋ anyanarede mmɔ; emi ebride isɔŋ, ye se itibede ke esit; emi adade ibifik ɔnɔ kpukpru owo emi edude ke esit, ada spirit ɔnɔ kpukpru mmɔ emi esaŋade ke esit:

ISAIAH 44:24

Emi edi uyo Jehovah emi afakde fi, emi okonyuŋ obotde fi osio ke idibi: Ami Jehovah nnam kpukpru ŋkpɔ: ami ikpɔŋ nneŋere ikpa-enyɔŋ; mbri isɔŋ ke idem mi.

ISAIAH 45:18

Koro emi edi uyo Jehovah andibot enyɔŋ; enye edi Abasi emi obotde isɔŋ, onyuŋ anamde enye; enye owuk enye, ibotke enye ke ikpikpu, obot enye man eduŋ ke esit: ami ndi Jehovah, ndien efen iduhe.

ISAIAH 51:13

onyuŋ efre Jehovah emi akanamde fi, emi ekeneŋerede enyɔŋ, onyuŋ onimde isɔŋ ke itie esie; ndien osuk edikhe kpukpru ini ke ofuri usen abaŋa iyaresit owo utuk, ke ini enye otimde ŋkpɔ, ete ibiat?

ISAIAH 51:16

Ŋkonyuŋ nsin fi ikɔ mi ke inua, nnyuŋ mfuk fi ke mfut ubɔk mi, man afo eneŋere ikpa-enyɔŋ, onyuŋ owuk isɔŋ ke itie esie, onyuŋ ɔdɔhɔ Zion, ete, Afo edi ikɔt mi.

ISAIAH 65:17

Koro, sese, mmɔŋ mbot mbufa enyɔŋ ye obufa isɔŋ, ndien owo iditihi aba akpa oro, idinyuŋ idukke owo ke esit.

JEREMIAH 10:12

Enye akanam isɔŋ ke odudu esie, ada ifiɔk esie owuk ererimbot ke itie esie, onyuŋ eneŋere ikpa-enyɔŋ ke asian esie.

JEREMIAH 32:17

Ah, Ɔbɔŋ Jehovah, sese, afo akanam enyɔŋ ye isɔŋ ke akwa odudu fo, ye ke edimenere ubɔk fo, baba ŋkpɔ kiet inyuŋ isɔŋke ikan fi:

JEREMIAH 51:15

Enye akanam ererimbot ke odudu esie, owuk ekondo ke ifiɔk esie, onyuŋ eneŋere ikpa-enyɔŋ ke ɔniɔŋ esie.

ZECHARIAH 12:1

MBIOMO uyo Jehovah odoro Israel. Jehovah emi ekeneŋerede ikpa-enyɔŋ, onyuŋ onimde ererimbot ke itie esie, onyuŋ obotde spirit owo esin enye ke idem, ke ɔdɔhɔ, ete,

MATTHEW 11:25

Ke ini oro Jesus ɔbɔrɔ ete, Mmɔkɔm Fi, O Ete, Ɔbɔn enyɔŋ ye isɔŋ, koro Afo okodipde mbon eti ibuot ye mme asian mme ŋkpɔ emi, onyuŋ ayararede mmɔ ɔnɔ nsek nditɔ.

MARK 13:19

Koro mme usen oro edidi mme usen ukut, eke oruk oro akanam miduhe toto Abasi ɔkɔtɔŋɔ ndibot ŋkpɔ tutu osim emi, midinyuŋ iduhe aba.

UTOM MME APOSTLE 14:15

Mbɔŋ owo, nso ke mbufo enam? Nnyin nde idi owo, ibiet mbufo ke uduot nnyin, inyuŋ ida eti etop isɔk mbufo, ite mbufo ekabare ekpɔŋ mme ikpikpu ŋkpɔ emi etiene Abasi uwem, emi akanamde enyɔŋ ye isɔŋ ye inyaŋ ye kpukpru se idude mmɔ ke esit.

UTOM MME APOSTLE 17:24

Abasi, emi okobotde ererimbot ye kpukpru se idude ke esit, sia Enye edide Ɔbɔŋ enyɔŋ ye isɔŋ, iduŋke ke mme temple eke ubɔk owo enamde;

UTOM MME APOSTLE 4:24

Edi ke adaŋemi mmɔ oro ekopde, mmɔ emenere uyo ye esit kiet enɔ Abasi, ete, O Ɔbɔŋ, Afo emi edide Andinam enyɔŋ ye isɔŋ ye inyaŋ, ye kpukpru se idude mmɔ ke esit:

ŊWED MBON ROME 11:36

Koro kpukpru ŋkpɔ eto Enye, enyuŋ edu ke Enye, enyuŋ ena enɔ Enye. Ubɔŋ enyene Enye ke nsinsi. Amen.

1 ŊWED CORINTH 8:6

Nnyin imenyene Abasi kiet kpɔt, emi edide Ete, emi kpukpru ŋkpɔ etode Enye ewɔŋɔ, emi nnyin inyuŋ idude uwem inɔ Enye: imonyuŋ inyene Ɔbɔŋ kiet, kpa Jesus Christ, emi otode Enye ke kpukpru ŋkpɔ edu, onyuŋ otode Enye ke nnyin idu.

ŊWED MBON EPHESUS 3:9

nnyuŋ nnam aŋwaŋa kpukpru owo enyin nte Abasi akadade ayarare ndibe-ŋkpɔ Esie, emi ɔtɔŋɔde mme eyo odibe ke Abasi, emi edide Andibot kpukpru ŋkpɔ:

MME HEBREW 1:10

Ŋko, Ke eritɔŋɔ Afo, Ɔbɔŋ, okowuk isɔŋ ke itie esie, Enyɔŋ onyuŋ edi utom ubɔk Fo.

MME HEBREW 1:2

ke ukperedem ini emi ama etiŋ ɔnɔ nnyin ke Eyen; emi Enye ekemekde onim, ete edidi andinyene kpukpru ŋkpɔ, okonyuŋ adade ubɔk Esie obot ekondo:

MME HEBREW 11:3

Oto mbuɔtidem nnyin inim ite, ekeda ikɔ-inua Abasi ebot ererimbot; ntem ke ikadaha mme ŋkpɔ eke ewɔrɔde ewut idem ibot se ekutde ke emi.

MME HEBREW 3:4

Koro kpukpru ufɔk enyene andibɔp, edi Enye emi ɔkɔbɔpde kpukpru ŋkpɔ edi Abasi.

2 PETER 3:5

Koro ekoi efre ete, tutuko ikpa-enyɔŋ ama odu, ye isɔŋ emi ikɔ Abasi okosiode ke mmɔŋ owuk onyuŋ adade mmɔŋ obot;

1 JOHN 1:1

SE ikodude toto ke eritɔŋɔ, se nnyin ikokopde, se ikokutde ke enyin, se inyuŋ isede, inyuŋ idade ubɔk ituk, ibaŋa Ikɔ uwem

ERIYARARE 10:6

onyuŋ otomo Enye emi odude ke nsinsi, emi okobotde enyɔŋ ye se idude ke esit, ye isɔŋ ye se idude ke esit, ye inyaŋ ye se idude ke esit, ete ini idibihike aba;

ERIYARARE 14:7

ndien enye ɔdɔhɔ ke ɔkpɔsɔŋ uyo ete, Mbufo eteŋe Abasi, enyuŋ enɔ Enye ubɔŋ; koro ekem ini ikpe Esie; enyuŋ etuak ibuot enɔ Enye emi okobotde enyɔŋ ye isɔŋ ye inyaŋ ye idim mmɔŋ.

ERIYARARE 21:6

Enye ɔdɔhɔ mi ŋko ete, Kpukpru ŋkpɔ ema esu ema. Ami ndi Alpha ye Omega, ntɔŋɔ ye utit. Owo eke okopde nsat-itɔŋ, Ami nyekoi mmɔŋ ke idim mmɔŋ uwem nnɔ enye ɔŋwɔŋ ke ikpikpu.

ERIYARARE 22:13

Ami ndi Alpha ye Omega, mbemiso ye akpatre, ntɔŋɔ ye utit.

ERIYARARE 3:14

Nyuŋ nɔ ŋwed esɔk angel ufɔk Abasi emi odude ke Laodicea, ete: Ntem ke Enye, emi edide Amen, ata ntiense akpanikɔ, ebe-iso ke kpukpru se Abasi obotde, ɔdɔhɔ ete,

ERIYARARE 4:11

Ɔbɔŋ ye Abasi nnyin, Afo omodot ndibɔ ubɔŋ ye ukpono ye odudu, koro Afo okobotde kpukpru ŋkpɔ; ndien oto uduak Fo ke mmɔ edu, ekenyuŋ eboro.