1 SAMUEL 16:1 - Edisana ñwed Abasi Ibom

¹ EKEM Jehovah ɔdɔhɔ Samuel, ete, Adaŋa didie ke afo editua Saul, sia mma nsio enye mfep ke idaha edidem Israel? Sin aran ke nduk fo yɔhɔ; ndien ka, nyedɔŋ fi utom ke ebiet Jesse eyen Bethlehem: koro mmokut edidem mi ke otu nditɔ-iren esie.

1 SAMUEL 16:1 Iomraidhean Croise

2 NDIDEM 9:1

EKEM Elisha prophet okot eyen mme prophet kiet, onyuŋ ɔdɔhɔ enye, ete, Bɔbɔ mbɔbɔ fo ke isin, nyuŋ da ekpeme aran emi ke ubɔk fo, ka ke Ramoth-gilead:

1 SAMUEL 15:23

Koro emiom ebietde idiɔŋ, itun onyuŋ ebiet idiɔk ido ye mkpono-idem. Koro afo emesin uyo Jehovah, enye ŋko esin fi idaha edidem.

1 SAMUEL 15:35

Ndien Samuel itɔŋɔke aba ntak ikut Saul tutu osim usen mkpa esie: edi Samuel atua Saul: Jehovah onyuŋ atua mkpɔfiɔk koro enye okonimde Saul ke edidem Israel.

ŊWED MBON ROME 15:12

Isaiah onyuŋ ɔdɔhɔ ete, Orun eyeto ke Jesse ɔwɔrɔ, Edi Enye eyedaha ada ndikara mme Gentile; Mme Gentile eyenyuŋ edori Enye enyin ke idem.

1 SAMUEL 16:15

Ndien ikɔt Saul edɔhɔ enye, ete, Mbɔk, sese, idiɔk spirit Abasi ke ɔtɔtuhɔ fi.

1 SAMUEL 10:1

NDIEN Samuel ada ekpeme aran ɔtɔhɔ enye ke ibuot, ndien otim enye inua, onyuŋ ɔdɔhɔ ete, Nte idige koro Jehovah eyetde fi aran onim ke etubom udeme esie?

1 SAMUEL 15:26

Ndien Samuel ɔdɔhɔ Saul, ete, Nditieneke fi mfiak: koro afo ekesinde uyo Jehovah, Jehovah omonyuŋ esin fi, ete okudi edidem Israel.

1 SAMUEL 9:16

Adaŋemi mkpɔŋ nyedɔŋ owo oto ke isɔŋ Benjamin etiene fi, ndien da aran yet enye nim ke etubom ikɔt mi Israel; ndien enye eyenyaŋa ikɔt mi osio mme Philistine ke ubɔk: koro mmese ikɔt mi, koro eseme mmɔ omosim mi.

1 SAMUEL 15:11

Mmatua mkpɔfiɔk koro ŋkonimde Saul ke edidem: koro enye ama akabare ɔkpɔŋ mi, inyuŋ inamke uyo mi. Ndien Samuel ayat esit, onyuŋ eseme ɔnɔ Jehovah ke ofuri okoneyo.

JEREMIAH 6:30

Eyekot mmɔ, ete obukpo silver, koro Jehovah esede mmɔ ke mbukpo.

2 NDIDEM 9:6

Ndien enye adaha ke enyɔŋ oduk ke ufɔk; ndien enye ada aran oro ɔtɔhɔ enye ke ibuot, onyuŋ ɔdɔhɔ enye, ete, Ntem ke Jehovah Abasi Israel ɔdɔhɔ, ete, Mmeyet fi aran nnim ke edidem Israel, ikɔt Jehovah

1 SAMUEL 16:23

Ndien edikem adaŋemi spirit Abasi oro anamde Saul, David emen harp ke ubɔk esie ebre: ntre ke efere Saul, onyuŋ ɔfɔn ye enye, idiɔk spirit oro onyuŋ ɔkpɔŋ enye.

JEREMIAH 7:16

Afo kunam ndien mkpe-ubɔk unɔ mbio emi, kunyuŋ umenere eseme ye akam ubaŋa mmɔ, kunyuŋ ukpe mi ubɔk: koro ami mendikopke uyo fo.

ISAIAH 55:4

Sese, mmonim enye ke ntiense mme idut, ɔbɔŋ ye etubom mme idut.

ISAIAH 11:10

Ndien ama ekem ke usen oro, mme idut eyetiene oruŋ Jesse emi adade nte banner mme idut: ndien itie nduɔk-odudu esie eyedi ubɔŋ.

2 NDIDEM 9:3

ndien men ekpeme aran emi, tɔhɔ enye ke ibuot, nyuŋ ɔdɔhɔ, ete, Ntem ke Jehovah ɔdɔhɔ ete, Mmeyet fi aran nnim ke edidem Israel. Ndien sio usuŋ, fehe, kubet.

1 JOHN 5:16

Edieke owo okutde eyen-ete esie anamde idiɔk-ŋkpɔ eke midaha mkpa idi, enye eyenam mkpe-ubɔk, ndien Abasi eyeda uwem ɔnɔ enye, kpa ɔnɔ mmɔ eke minamke idiɔk-ŋkpɔ mkpa. Idiɔk-ŋkpɔ emi adade mkpa edi odu; ndɔhɔke nte owo anam mkpe-ubɔk abaŋa utɔ idiɔk-ŋkpɔ emi.

JEREMIAH 15:1

NDIEN Jehovah ɔdɔhɔ mi, ete, Moses ye Samuel ekpedu ke iso mi, ukpɔŋ mi ikpamaŋa mbio emi: sio mmɔ ke iso mi duɔk, yak mmɔ enyuŋ ewɔŋɔ.

JEREMIAH 11:14

Afo kunam mkpeubɔk ndien, unɔ mbio emi, kunyuŋ umenere mfiori ye eseme ubaŋa mmɔ: koro mmendikopde ke ini eke mmɔ esemede ekot mi ebaŋa idiɔk itie ukut mmɔ.

ISAIAH 11:1

NDIEN nsehe kiet eyetibe ke etak eto Jesse, ŋkɔk eyenyuŋ asiaha ke oruŋ esie.

MME HEBREW 11:32

Ndien nso ke ndidɔdɔ mbe emi? Koro ini ididuhe ami ndibuk mbuk Gideon, ye Barak, ye Samson, ye Jephthah, ye David, ye Samuel,

1 NDIDEM 8:16

Toto ke usen oro ŋkosiode ikɔt mi Israel ke Egypt mfep, ŋkemekke baba obio kiet ke otu kpukpru mme esien Israel nte ebɔp ufɔk, man enyiŋ mi okpodu do; edi ŋkemek David nte enye akara ikɔt mi Israel.

1 CHRONICLES 11:3

Ekem kpukpru mbiowo Israel eka ke ebiet edidem ke Hebron; ndien David anam ediomi ye mmɔ ke Hebron ke iso Jehovah, ndien mmɔ eyet David aran enim ke edidem Israel, ekem ke uyo Jehovah, ke inua Samuel.

1 CHRONICLES 28:4

Edi Jehovah Abasi Israel ekemek mi, ke edidem ofuri israel ɔkpɔŋ ofuri ufɔk ete mi, ete ndi edidem Israel ke nsinsi: koro enye emekde Judah onim ke ɔbɔŋ; onyuŋ emek ufɔk ete mi ke otu ufɔk Judah; onyuŋ ama mi ke otu nditɔ-ete mi, ndien onim mi

ZECHARIAH 4:14

Ndien enye ɔdɔhɔ ete, mme mmɔ emi edi nditɔ-aran iba emi edade ekpere Ɔbɔŋ ofuri ererimbot.

1 SAMUEL 17:12

Ndien David edi eyen Ephrathite emi otode ke Bethlehem Judah, emi enyiŋ esie ekerede Jesse: ndien enye enyene nditɔ iren itiaita; enye oro onyuŋ asaŋa ke otu owo nte mbiowo ke eyo Saul.