1 PETER 3:9 - Edisana ñwed Abasi Ibom

⁹ Ekuda idiɔk esio usiene idiɔk; ekunyuŋ esuŋi owo ke ini esuŋide mbufo; edi ekam ediɔŋ mmɔ. Koro ekekot mbufo ete edinam emi, man mbufo eda eridiɔŋ enyene.

1 PETER 3:9 Iomraidhean Croise

GENESIS 42:25

Ndien Joseph ɔdɔhɔ ete, Esin ibokpot ke ekpat mmɔ eyɔhɔ, enyuŋ eda silver kpukpru owo esin ke ekpat mmɔ, enyuŋ enɔ mmɔ udia usuŋ: ntem ke enye anam ye mmɔ.

MME ŊKE 17:13

Owo ama anam idiɔk ke usiene eti, idiɔk-ŋkpɔ ididahake ke ufɔk esie.

MME ŊKE 20:22

Kudɔhɔ ete, Nyenam usiene idiɔk-ŋkpɔ: bet Jehovah, ndien enye eyeŋwam fi.

MME ŊKE 28:10

Owo eke anamde eti owo oyo ke usuŋ idiɔk, enye eyeduŋ ke obube esiemɔ: edi ata nti owo eyedia ufɔn.

MATTHEW 19:29

Ndien kpukpru owo emi ekɔkpɔŋde ufɔk, mme nditɔ-eka iren, mme nditɔ-eka iban, mme ete, mme eka, mme nditɔ, mme isɔŋ, kabaŋa enyiŋ Mi, eyebɔ utip utim ikikie, eyenyuŋ enyene nsinsi uwem.

MATTHEW 25:34

Ekem Edidem eyedɔhɔ mmɔ emi edude ke ubɔk nnasia, ete, Edi, mbufo emi Ete Mi ɔdiɔŋde, edida ubɔŋ emi ekonimde enɔ mbufo toto ke eritɔŋɔ ererimbot.

MATTHEW 5:39

Edi Ami ndɔhɔ mbufo nte, Ekuŋwana ye anam-idiɔk: edi owo ama oyibi fi ke mfuk nnasia, kabare mfuk eken nɔ enye.

MATTHEW 5:44

Edi Ami ndɔhɔ mbufo nte, ema mme asua mbufo enyuŋ ebɔŋ akam eyom ufɔn mmɔ eke enamde mbufo isin-enyin:

MARK 10:17

Ekem nte Jesus ɔwɔrɔde oduk usuŋ, owo kiet efehe etiene Enye, ɔtɔŋɔ edɔŋ ɔnɔ Enye, onyuŋ obup Enye ete, Eti Andikpep, ndinam nso man nnyene nsinsi uwem?

LUKE 10:25

Ndien sese, ɔfiɔk-ibet kiet adaha ke enyɔŋ edidomo Enye ete, Andikpep, ndinam nso man nnyene nsinsi uwem?

LUKE 18:18

Ekem ɔbɔŋ kiet obup Enye ete, Eti Andikpep, ndinam nso, man nnyene nsinsi uwem?

ŊWED MBON ROME 12:14

Ediɔŋ mmɔ emi enamde mbufo isin-enyin; ediɔŋ, ekusuŋi mmɔ.

ŊWED MBON ROME 12:17

Ekuda idiɔk esio owo usiene idiɔk. Esin idem ekere ndinam ido eke enyenede ukpono ke enyin kpukpru owo.

ŊWED MBON ROME 8:28

Edi imɔfiɔk ite kpukpru ŋkpɔ esaŋa ɔtɔ kiet enam ufɔn enɔ mmɔ eke emade Abasi, kpa mmɔ emi ekotde nte ekemde ye uduak Esie.

ŊWED MBON ROME 8:30

ndien mmɔ emi Enye ekebemde iso onim ntem, ke Enye onyuŋ okot mmɔ; mmɔ emi Enye okotde, ke Enye etebe mmɔ ikpe; ndien mmɔ emi Enye etebede mmɔ ikpe, ke Enye onyuŋ ɔnɔ mmɔ ubɔŋ.

ŊWED MBON GALATIA 3:14

man oto do ufɔn eke Abraham okokutde okposim mme Gentile ke Christ Jesus; man nnyin ikponyuŋ ida mbuɔtidem ibɔ Spirit emi Abasi ɔkɔŋwɔŋɔde ndinɔ.

ŊWED MBON EPHESUS 4:32

enyuŋ efɔn ido ye kiet eken, enyuŋ enyene esit mbɔm, enyuŋ efen kiet eken, kpa nte Abasi okonyuŋ efende mbufo ke Christ.

1 ŊWED THESSALONICA 5:15

Ekpeme ekuyak owo ada idiɔk osio owo usiene idiɔk; edi kpukpru ini ebine se ifɔnde, owo anam ntre ye kiet eken, onyuŋ anam ntre ye kpukpru owo.

MME HEBREW 12:17

Mbufo efiɔk ete, ke ukperedem, ke ini enye okoyomde ndibɔ eridiɔŋ nda, ekpɔnɔre enye enim ke ŋkaŋ kiet (enye ikonyuŋ ikwe ifet ndikabare esit), okposuk edi nte oyomde eridiɔŋ oro ye mmɔŋeyet.

MME HEBREW 6:14

Enye otomo Idem Esie, ete, Ke akpanikɔ nditreke tre ndidiɔŋ fi nnyuŋ nnam fi ɔtɔt.

1 PETER 5:10

Ndien Abasi kpukpru mfɔn, emi okokotde mbufo ete ediduk ke nsinsi ubɔŋ Imɔ ke Christ, ke ini mbufo ema ekut ukut ke ekpri ini, eyenam mbufo efɔn ema, enyuŋ esɔŋɔ eda, enyuŋ ekop idem.

1 SAMUEL 26:11

Nsa mi O, ma Jehovah, ndinyanke ubɔk mi ntuk enye emi Jehovah ekeyetde aran: edi, mbɔk, kam men eduat emi odude ke ɔtɔ udoribuot esie, ye abaŋ mmɔŋ, ndien yak nnyin inyɔŋ.