Numero 6:2 - Ãcõrẽ Bed̶ea

² –Israelerãa nãwã jaradua: Umaquĩrãba wa wẽrãba ara idjida Ãcõrẽ itea b̶eyad̶a aibʌrʌ, maʌ̃ ewarid̶eba ʌ̃taa idjira nazareo ad̶ia.

Numero 6:2 Iomraidhean Croise

Exodo 33:16

Bʌda dairã ume wãẽ́bʌrʌ, ¿dewararãba sãwã cawad̶i mʌ̃da, bʌ puru sid̶a bʌa bia unu b̶ʌda? ¿Sãwã cawad̶i dairãra jũma naʌ̃ ẽjũãne b̶ea puru cãyãbara awara panʌda?–

Numero 6:1

Ãcõrẽba Moisea jarasia:

Hecho 18:18

Paulora Corinto purud̶e dãrã b̶asia. Maʌ̃ne djabarã ãbaa jʌreped̶a wãyana asia. Barcod̶e b̶adoi naẽna Paulora Cencrea purud̶e borob̶ichia tʌbisia Ãcõrẽ itea ne oi jarad̶ara jũma od̶a bẽrã. Maʌ̃bebʌrʌ Siria druad̶aa wãsia. Aquilara dji quima Priscila sid̶a idji ume wãsid̶aa.

Romano 1:1

Mʌ̃ra Pauloa, Jesucrito nezocaa. Ãcõrẽba mʌ̃ra edasia Jesucritoba diabued̶ada b̶amãrẽã idjab̶a b̶ʌsia bed̶ea bia Ãcõrẽnebemada jaradiad̶e wãmãrẽã.

2 Corinto 6:16

¿Jʌwaba od̶a ãcõrẽda Ãcõrẽ ded̶e b̶aida b̶ʌca? Wãrãda dadjirãra Ãcõrẽ zocai b̶ʌ de dromaa. Maʌ̃ carea Ãcõrẽba idji bed̶ead̶e nãwã jarasia: Mʌ̃ra ãdjirã ume b̶aya. Ãdjirã tãẽna nĩbaya. Mʌ̃ra ãdji Ãcõrẽ baya idjab̶a ãdjirãra mʌ̃ ẽberãrãda b̶ead̶ia.

Galata 1:15

Baribʌrʌ mʌ̃ tod̶i naẽna Ãcõrẽba mʌ̃ra edasia. Idji biad̶eba mʌ̃ra trʌ̃sia idji nezocada b̶amãrẽã. Idjia crĩchad̶a quĩrãca idji Warrara mʌ̃́a cawabisia judiorãẽ́a idjid̶ebemada jaramãrẽã. Maʌ̃ne mʌ̃a ni ab̶aʌa iwid̶iẽ́ basía sãwã oida b̶ʌ cawaya.

Hebreo 7:27

Idjia ocaa dewararã sacerdote dji dromarãba ewariza obada quĩrãca. Maʌ̃ sacerdoterãba ara ãdjia cadjirua oped̶ad̶a carea naãrã Ãcõrẽa animarãda babue diabadaa. Maʌ̃bebʌrʌ dewara animarãda babue diabadaa ẽberãrãba cadjirua oped̶ad̶a carea. Baribʌrʌ Jesuba animarã babue diabʌrʌ quĩrãca ara idjida idu beabisia ẽberãrãba cadjirua obada carea. B̸arima ab̶a mãwã od̶aba cadjiruara jũma sʌgʌsia.

Juece 13:14

Uvara cocara b̶ʌa. Uva b̶a aseada, dewara itua sid̶a docara b̶ʌa. Maʌ̃ awara Ãcõrẽba idu cobicara ni maãrĩ bid̶a cocara b̶ʌa. Mʌ̃a jarad̶ara idjia jũma ĩjã oida b̶ʌa.–

Juece 13:4

Maʌ̃ warrara bʌ b̶ited̶a b̶ʌ ewarid̶eba ʌ̃taa Ãcõrẽ itea b̶aya. Maʌ̃ bẽrã uva b̶a aseada, dewara itua sid̶a dorãdua. Maʌ̃ awara Ãcõrẽba idu cobicara corãdua. Bʌ warrara nazareo bai bẽrã idji bud̶ara tʌcara b̶ʌa. Idjia jʌwa b̶ʌya bãrã israelerãra pilisteorã jʌwaed̶abemada ẽdrʌ b̶ʌi carea.–

Juece 16:17

Maʌ̃ carea idji juerzara cãrẽneba ze b̶ʌda wãrãda jarasia: –Mʌ̃ra nazareo bẽrã mʌ̃ bud̶ara tʌd̶acaa. Mʌ̃ papa b̶ited̶aʌba mʌ̃ra Ãcõrẽ itea b̶esia. Mʌ̃ bud̶ada tʌd̶ibʌrʌ mʌ̃ra juerza neẽ́ b̶eya. Baridua ẽberãca b̶eya.–

1 Samuel 1:28

Maʌ̃ carea mʌ̃ warrada Ãcõrẽa diad̶e ze b̶ʌa. Idji zocai b̶ʌmisa Ãcõrẽ itea b̶aya.– Maʌ̃ne Ãcõrẽa bia bed̶easia.