Numero 21:2 - Ãcõrẽ Bed̶ea

² Maʌ̃ bẽrã israelerãba Ãcõrẽa wãrãneba nãwã jarasid̶aa: “Dairãba naʌ̃ ẽberãrã poyad̶amãrẽã bʌa carebaibʌrʌ, ãdji purura jũma ãrĩcuad̶aped̶a babued̶ia.”

Numero 21:2 Iomraidhean Croise

1 Corinto 16:22

Bariduaba dadjirã Boro Jesucritoda quĩrĩãẽ́bʌrʌ, Ãcõrẽba maʌ̃ ẽberãra biẽ́ b̶ʌya. ¡Zedua, dadjirã Boro!

Josue 6:17

Jũmarãda quenanaped̶a purura, ne jũma purud̶e b̶ʌ sid̶a babued̶adua Ãcõrẽba idji itea mãwã obi b̶ʌ bẽrã. Ab̶abe wẽrã aud̶ua b̶ʌ Rahádrʌ, idji ded̶e panʌ sid̶a zocai b̶ʌd̶adua dadjia wãrãneba mãwã od̶ida jaraped̶ad̶a bẽrã. Naʌ̃ puru sãwã poyad̶i cawaya mʌ̃a diabued̶a ẽberãrãda idjia mẽrãsia.

Josue 6:26

Mãwãnacarea Josueba wãrãneba nãwã jarasia: Ab̶aʌba naʌ̃ Jerico puru wayacusa oi carea jʌwa b̶ʌibʌrʌ, maʌ̃ ẽberãra Ãcõrẽba biẽ́ b̶ʌya. Dji mõgara jũrã ca b̶ad̶a wayacusa obʌrʌd̶e idji warra iwinada beuya. Dji ed̶a wãbada pãrãbʌrʌd̶e idji warra tẽãbemada beuya. Mãwã idji warrarãra jũma quininia.

Juece 11:30

Mãwã b̶ʌd̶e Jepteba Ãcõrẽa wãrãneba nãwã jarasia: –Bʌa amonitarãda mʌ̃́a poyabibʌrʌ, diguid̶aa wãbʌrʌd̶e naãrã mʌ̃ audiab̶arid̶e zebʌrʌda mʌ̃a bʌ́a babue diaya.–

1 Samuel 1:11

Idjia wãrãneba nãwã jarasia: –Ne jũma poya b̶ʌ Ãcõrẽ, mʌ̃ sopua carea bʌa mʌ̃da quĩrã djuburiaibʌrʌ mʌ̃́a warrada diadua. Mãwã diasira mʌ̃a maʌ̃ warrara bʌ́a diaya idji zocai b̶ʌmisa bʌa quĩrĩã b̶ʌda o b̶amãrẽã. Maʌ̃ne idji bud̶ara tʌca baya.–