Numero 16:3 - Ãcõrẽ Bed̶ea

³ Jũma maʌ̃ ẽberãrãra Moisemaa Aaroʌ̃maa bid̶a wãnaped̶a nãwã jarasid̶aa: –¡Ab̶a id̶ibe bãrãra dairã boro bad̶ia! Purura jũmaena Ãcõrẽba idji itea edasia. Idjira dairã ume bid̶a b̶ʌa. Mãwã b̶ʌ bẽrã ¿cãrẽ cãrẽã jũma Ãcõrẽ puru cãyãbara bãrãra dji dromaara panʌda crĩcha panʌ?–

Numero 16:3 Iomraidhean Croise

Numero 16:11

Maʌ̃ bẽrã bʌa, bʌare b̶ea bid̶a Ãcõrẽra igara panʌa. ¿Cãrẽ cãrẽã Aaroʌ̃ra biẽ́ jara panʌ? ¿Aaroʌ̃ra bed̶ead̶e b̶ʌca Ãcõrẽba idji sacerdote bamãrẽã b̶ʌd̶a bẽrã?–

Numero 16:41

Nurẽma jũma israelerãba wayacusa Moiseda Aaroʌ̃ sid̶a nãwã biẽ́ jara duanesid̶aa: –¡Bãrãba Ãcõrẽ ẽberãrãra beasid̶aa!–

Numero 23:21

Ãcõrẽba Jacobod̶eba yõped̶ad̶ara idu bia mĩgabiẽ́a. Idjia israelerãra idu sopuabiẽ́a. Ãcõrẽra ãdjirã ume b̶ʌa. Maʌ̃ bẽrã b̶ʌsrid̶a jara panʌa idjira ãdjirã boroda.

Hecho 7:39

Baribʌrʌ Moiseba jarad̶ara dadji drõã naẽnabemarãba ĩjã quĩrĩãnaẽ́ basía, ãtebʌrʌ idjira igarasid̶aa. Egipto druad̶aa jẽda wã quĩrĩã panasid̶aa.

Hecho 7:51

¡Bãrãra cʌwʌrʌ zarea tab̶eaa! ¡Sod̶eba ĩjãnacaa! Ãcõrẽ bed̶eara ũrĩ quĩrĩãnacaa. Ãcõrẽ Jaureba jara b̶ʌra bãrãba ewariza igarabadaa. Ara bãdji drõãenabemarã quĩrãca panʌa.