Numero 11:2 - Ãcõrẽ Bed̶ea

² Maʌ̃ carea israelerãba Moisea quĩrã djuburiada iwid̶isid̶aa. Ara maʌ̃da Moiseba ãdjirã carea Ãcõrẽa bed̶ea djuburiabʌrʌd̶e tʌbʌ uruara quisia.

Numero 11:2 Iomraidhean Croise

Exodo 10:18

Ara maʌ̃da Moisera Egiptod̶ebema boromaʌba ẽdrʌped̶a Ãcõrẽa iwid̶isia.

Exodo 34:9

Nãwã jarasia: –Mʌ̃ Boro, bʌa mʌ̃da bia unu b̶ʌbʌrʌ, dairã ume wãdua. Naʌ̃ ẽberãrãra cʌwʌrʌ zarea panʌmĩna dairãba cadjirua oped̶ad̶ara quĩrãdoadua idjab̶a dairãra edadua bʌ puru bamãrẽã.–

Numero 12:13

Ara maʌ̃da Moiseba Maria carea Ãcõrẽa quĩrã djuburiada nãwã iwid̶isia: –Ãcõrẽ, mʌ̃ quĩrã djuburia mʌ̃ djabawẽrã Mariara biabidua.–

Numero 21:7

Maʌ̃ bẽrã israelerãra Moisemaa wãnaped̶a jarasid̶aa: –Dairãba cadjiruada osid̶aa Ãcõrẽda, bʌ sid̶a biẽ́ jarasid̶a bẽrã. Dai quĩrã djuburia Ãcõrẽa iwid̶idua naʌ̃ damara ãyã wãbicuamãrẽã.– Ara maʌ̃da Moiseba ãdjirã carea Ãcõrẽa bed̶ea djuburiasia.

Hecho 8:24

Maʌ̃ne Simoʌ̃ba jarasia: –Mʌ̃ carea dadjirã Boroa iwid̶id̶adua bãrãba jaraped̶ad̶ara mãwãrãmãrẽã.–

Hebreo 7:26

Dadji Sacerdote dji Droma Jesuba cadjiruara ocaa, ne jũmane jipa b̶ʌa. Ãcõrẽba idjira bia unu b̶ʌa. Cadjirua obadarã tãẽnabemada ãyã b̶ʌped̶a bajãne dji dromada b̶ʌsia. Maʌ̃ bẽrã ne jũmane dadjirãra poya carebaya.

Santiago 5:16

Maʌ̃ carea bãrãba cadjirua oped̶ad̶ara dji jarad̶adua. Idjab̶a ãbaa Ãcõrẽa iwid̶id̶adua bia duanani carea. Ẽberã jipa b̶ʌba Ãcõrẽa iwid̶isira Ãcõrẽ ʌb̶ʌad̶eba ne waib̶ʌada obaria.

1 Juaʌ̃ 5:16

Cadjiruada b̶ʌa Ãcõrẽba quĩrãdoacada. Ab̶aʌba maʌ̃ cadjiruada osira beuya. Maʌ̃ bẽrã mʌ̃a jaraẽ́ b̶ʌa ẽberã maʌ̃ cadjirua od̶a carea iwid̶id̶amãrẽã. Baribʌrʌ cadjiruada b̶ʌa Ãcõrẽba quĩrãdoabarida. Ab̶aʌba maʌ̃ cadjiruada osira wad̶ibid̶a poya ẽdrʌya ewariza Ãcõrẽ neẽ́ b̶aid̶ebemada. Maʌ̃ bẽrã ab̶aʌba idji djababa maʌ̃ cadjiruada o b̶ʌda unuibʌrʌ, idji carea Ãcõrẽa iwid̶ida b̶ʌa. Maʌ̃ne Ãcõrẽba dji ẽberã cadjirua od̶aa idji ume ewariza zocai b̶aida diaya.