Nehemia 2:4 - Ãcõrẽ Bed̶ea

⁴ Maʌ̃ne Persiad̶ebema boroba mʌ̃́a iwid̶isia: –Mãẽteara ¿mʌ̃a sãwã carebai?– Ara maʌ̃da sod̶eba mʌ̃a bajãne b̶ʌ Ãcõrẽa carebamãrẽã iwid̶isia.

Nehemia 2:4 Iomraidhean Croise

Nehemia 1:11

Ãcõrẽ, mʌ̃ djuburia za quiru nezocaba iwid̶i b̶ʌda idjab̶a bʌ nezoca waabemarãba iwid̶i panʌ sid̶a ũrĩdua. Dairãba bʌra bio waya panʌa. Mʌ̃ djuburia id̶i mʌ̃ boromaa wãbʌrʌd̶e carebadua. Mʌ̃a idjía iwid̶ibʌrʌda bia ũrĩbidua.– Maʌ̃ ewarid̶e mʌ̃ra Persiad̶ebema boro uva b̶a jue diabari basía.

Nehemia 1:4

Maʌ̃ ũrĩsid̶e mʌ̃ra chũmeped̶a jĩãsia. Sopuaba dãrã ne cod̶aca ewarida osia idjab̶a Ãcõrẽ bajãne b̶ʌ́a iwid̶i b̶asia.

Nehemia 1:5

Nãwã iwid̶isia: –Ãcõrẽ bajãne b̶ʌ, bʌra dji dromaara b̶ʌa. Bʌdrʌ wayad̶ida panʌa. Bʌ quĩrĩã b̶ea ume, bʌ bed̶ea ĩjã b̶ea ume bed̶ea b̶ʌd̶ara bʌa quĩrĩãneba jũma obaria.

Nehemia 2:20

Mʌ̃a nãwã panusia: –Ãcõrẽ bajãne b̶ʌba dairãra carebaya jũma pãrãni carea. Dai, idji nezocarãba puru aud̶u jũrã ca b̶ad̶ara wayacusa od̶ia. Bãrãra Jerusaleʌ̃nebema bororãẽ́a. Naʌ̃ purura bãrãneẽ́a. Bãrãra nama pananaca basía.–

Nehemia 2:5

Maʌ̃be mʌ̃a Persiad̶ebema boroa nãwã panusia: –Bʌmaa bia b̶ʌbʌrʌ idjab̶a mʌ̃da bia unu b̶ʌbʌrʌ, mʌ̃ra Juda druad̶aa mʌ̃ djibarirã tʌb̶ariped̶ad̶a purud̶aa diabuedua maʌ̃ purura wayacusa oi carea.–

Marco 10:51

Maʌ̃ne Jesuba idjía iwid̶isia: –¿Cãrẽda quĩrĩã b̶ʌ mʌ̃a oida?– Dji daub̶errea b̶ʌba jarasia: –Jaradiabari, mʌ̃ dauba unuida quĩrĩã b̶ʌa.–

Hecho 23:19

Maʌ̃be sordaorã boro dji dromaba cũdra jʌwad̶e jidaped̶a ãyã edesia. Maʌ̃be iwid̶isia: –¿Cãrẽda mʌ̃́a jara quĩrĩã b̶ʌ?–

Pilipo 4:6

Baridua carea jũmawãyã crĩcharãnadua, ãtebʌrʌ Ãcõrẽa iwid̶id̶adua, idjía bed̶ea djuburiad̶adua, idjab̶a ne jũma carea bia b̶ʌad̶a ad̶adua.