Nehemia 2:13 - Ãcõrẽ Bed̶ea

¹³ Maʌ̃ diamasi mʌ̃ra purud̶e ed̶a wãbada Jewed̶a abadaare ẽdrʌsia. Mamaʌba baido egorod̶eba bogadrʌ b̶ʌ Dama abadaare wãped̶a purud̶e ed̶a wãbada Tʌbʌ Pora abadama jũẽne wãsia. Wãne mʌ̃a Jerusaleʌ̃ puru aud̶u jũrã ca b̶ad̶a jũma ãrĩ b̶ʌda acʌ b̶asia. Dji purud̶e ed̶a wãbada bá wãna sid̶a jũma acʌsia.

Nehemia 2:13 Iomraidhean Croise

Nehemia 1:3

Ãdjirãba mʌ̃́a nãwã jarasid̶aa: –Judiorã Babilonianeba jẽda wãped̶ad̶ara bia mĩga panʌa idjab̶a quĩrã pera panʌa. Jerusaleʌ̃ puru aud̶u jũrã ca b̶ad̶ara wad̶ibid̶a ãrĩ b̶ʌa. Dji purud̶e ed̶a wãbada sid̶a bá wãna bẽrã neẽ́a.–

Nehemia 2:15

Maʌ̃ bẽrã wad̶i diamasi nũmʌne jewed̶aareba mʌ̃a Jerusaleʌ̃ aud̶u jũrã ca b̶ad̶ara acʌ wãsia. Jũma pʌrrʌa acʌped̶a purud̶e ed̶a wãbada Jewed̶a abadama jũẽsia. Mama wayacusa purud̶e ed̶a wãsia.

Nehemia 2:17

Maʌ̃be mʌ̃a ãdjirãa jarasia: –Bãrãba unu panʌa dadjirãra bia mĩga panʌda. Dadji puru Jerusaleʌ̃ra jũma ãrĩ b̶ʌa idjab̶a dji ed̶a wãbada sid̶a bá wãna bẽrã neẽ́a. Jãʌ̃be puru aud̶u jũrã ca b̶ad̶ara wayacusa od̶ia waa quĩrã perad̶a amaaba.–

Nehemia 2:3

Maʌ̃ne mʌ̃a idjía jarasia: –Mʌ̃ boro, ¡mʌ̃a quĩrĩã b̶ʌa bʌra dãrã zocai b̶aida! Mʌ̃ djibarirã tʌb̶ariped̶ad̶a puruda jũma ãrĩ b̶ʌa. Dji purud̶e ed̶a wãbada sid̶a bá wãna bẽrã neẽ́a. Maʌ̃da ¿mʌ̃ra sãwã sopua b̶aẽ́?–