Nehemia 2:11 - Ãcõrẽ Bed̶ea

^11-12 Jerusaleʌ̃ne jũẽnacarea ewari ũbead̶e diamasi pirab̶ariped̶a mʌ̃ra Jerusaleʌ̃ aud̶u jũrã ca b̶ad̶ada acʌd̶e wãsia. Baribʌrʌ mʌ̃a ni ab̶aʌa jaraẽ́ basía Ãcõrẽba mʌ̃ sod̶e Jerusaleʌ̃ne oi crĩchabi b̶ʌda. Wãbʌrʌd̶e ẽberãda zocãrãẽ́be mʌ̃ ume edesia. Ab̶abe mʌ̃drʌ animarã ʌ̃rʌ̃ wãsia. Waabemarãda animarã ʌ̃rʌ̃ wãnaẽ́ basía.

Nehemia 2:11 Iomraidhean Croise