Nehemia 1:11 - Ãcõrẽ Bed̶ea

¹¹ Ãcõrẽ, mʌ̃ djuburia za quiru nezocaba iwid̶i b̶ʌda idjab̶a bʌ nezoca waabemarãba iwid̶i panʌ sid̶a ũrĩdua. Dairãba bʌra bio waya panʌa. Mʌ̃ djuburia id̶i mʌ̃ boromaa wãbʌrʌd̶e carebadua. Mʌ̃a idjía iwid̶ibʌrʌda bia ũrĩbidua.– Maʌ̃ ewarid̶e mʌ̃ra Persiad̶ebema boro uva b̶a jue diabari basía.

Nehemia 1:11 Iomraidhean Croise

Genesi 24:42

Maʌ̃da id̶i mʌ̃ra baido juebadama jũẽped̶a Ãcõrẽa nãwã iwid̶isia: Ãcõrẽ, mʌ̃ boro Abrahaʌ̃ Ãcõrẽ, carebadua mʌ̃a od̶e zed̶ara bia odjamãrẽã.

Genesi 32:11

Mʌ̃a waya b̶ʌa mʌ̃ djaba Esaúra zeped̶a mʌ̃da, mʌ̃ wẽrãrãda, mʌ̃ warrarã sid̶a quenaida. Bʌa jarasia mʌ̃ra ne jũmane careba b̶aida idjab̶a mʌ̃ warrarãra zocãrã yõni bẽrã pusa ĩbʌ quĩrãca poya juachad̶aca baida. Wãrãda mãwã b̶aibʌrʌ, mʌ̃ quĩrã djuburia mʌ̃ra ẽdrʌ edadua mʌ̃ djaba Esaú jʌwad̶ebemada.–

Genesi 32:28

Maʌ̃ne dji ẽberãba jarasia: –Waa bʌra Jacobo ad̶aẽ́a. Namaʌba ʌ̃taa bʌ trʌ̃ra Israel ad̶ia, bʌra Ãcõrẽ ume, ẽberãrã ume bid̶a djõna bẽrã. Maʌ̃ne bʌa poyasia.–

Genesi 40:1

Jose preso b̶asid̶e Egiptod̶ebema boro itea umé traja panasid̶aa. Ab̶a uva b̶a jue diabada boro basía. Dewarabemada paʌ̃ obada boro basía. Maʌ̃ umébemaba Egiptod̶ebema borora bio quĩrũbisid̶aa.

Genesi 40:21

Maʌ̃be uva b̶a jue diabada boro bad̶ara b̶ʌsia wayacusa idjia naãrã o b̶ad̶a quĩrãca o b̶amãrẽã. Mãwã idjia wayacusa uva b̶ara Egiptod̶ebema boroa jue dia b̶esia Joseba jarad̶a quĩrãca.

Genesi 40:23

Uva b̶a jue diabada borora bia b̶ed̶amĩna Josera ab̶ed̶a quĩrãdoasia.

Genesi 41:9

Mãwã panʌne uva b̶a jue diabada boroba Egiptod̶ebema boroa jarasia: –Mʌ̃ boro, mʌ̃a biẽ́ osia. Mʌ̃a ne jaraida b̶ad̶ara quĩrãdoa b̶asia. Id̶ibe quĩrãnebabʌrʌa.

Genesi 43:14

Mʌ̃a quĩrĩã b̶ʌa Ãcõrẽ ne jũma poya obariba bãrãra quĩrã djuburiaida maʌ̃ ẽberãba bãrã djaba jãma preso b̶ʌra, Benjamiʌ̃ sid̶a idu jẽda zebimãrẽã. Baribʌrʌ idu zebiẽ́bʌrʌ mʌ̃ra warra neẽ́ b̶eya. Mãwã warra neẽ́ b̶eibʌrʌ, mãwã b̶aya.–

Esdra 1:1

Persia druad̶ebema boro Ciroba babiloniarã poyad̶acarea Ãcõrẽba Jeremianeba jarad̶a quĩrãca osia. Ara maʌ̃ poad̶e Ciro sod̶e b̶ʌsia idji de dromada wayacusa omãrẽã. Maʌ̃da Ciroba cartad̶e b̶ʌped̶a jũma drua idji jʌwaed̶a b̶eaa jarabisia. Nãwã b̶ʌsia:

Nehemia 1:6

Mʌ̃ra bʌ nezoca bẽrã mʌ̃ djuburia ũrĩdua mʌ̃a ãsa diamasi bid̶a bʌ nezocarã Israeld̶ebema carea iwid̶i b̶ʌda. Mʌ̃a ebud̶a jaraya: dai israelerãba bʌ quĩrãpita cadjiruada osid̶aa. Mʌ̃a, mʌ̃ zeza ẽberãrã bid̶a bʌ quĩrãpita cadjiruada osid̶aa.

Nehemia 2:1

Artajerje veinte poa Persiad̶ebema boroda b̶ed̶acarea Nisaʌ̃ jed̶ecod̶e mʌ̃a uva b̶ada idjimaa edesia. Maʌ̃ne idjia mʌ̃ra sopua b̶ʌda unusia. Maʌ̃ naẽna mʌ̃ra mãwã unuca basía.

Nehemia 2:8

Maʌ̃ awara cartada oi wagabari Asá itea mʌ̃́a b̶ʌ́ diadua. Maʌ̃ cartad̶e b̶ʌdua bacuruda mʌ̃́a diamãrẽã. Maʌ̃ bacuruba mʌ̃ deda, dji ed̶a wãbada Ãcõrẽ de droma caita b̶ea sid̶a oya. Maʌ̃ awara dji puru aud̶u mõgaraba jũrã ca b̶ʌ obʌrʌd̶e bacurura erob̶aida b̶ʌa.– Ãcõrẽba idji biad̶eba mʌ̃ra carebad̶a bẽrã mʌ̃a iwid̶id̶ara Persiad̶ebema boroba jũma osia.

Hebreo 13:18

Dai carea Ãcõrẽa iwid̶id̶adua. Daira ne jũmane jipa nĩba quĩrĩã panʌa. Cawa panʌa cadjiruara od̶aẽ́ panʌda.