Mateo 8:8 - Ãcõrẽ Bed̶ea

⁸ Baribʌrʌ sordaorã boroba jarasia: –Mʌ̃ Boro, mʌ̃ra ẽberã biaẽ́a bʌra mʌ̃ ded̶e ed̶a wãmãrẽã. Baribʌrʌ mʌ̃ nezoca biamãrẽã bʌa namaʌba jaraibʌrʌ, idjira biaya.

Mateo 8:8 Iomraidhean Croise

Genesi 32:10

Mʌ̃ra ẽberã biaẽ́ bẽrã bʌa mʌ̃ra quĩrã djuburiaiẽ́ b̶ʌa. Baribʌrʌ bʌa mʌ̃ra wãrãda careba b̶ʌa. Labaʌ̃maa wãi carea naʌ̃ Jordaʌ̃ do chãsid̶e mʌ̃ jʌwad̶e ab̶abe bacuruda erob̶asia. Baribʌrʌ id̶ira mʌ̃a ẽberãrãra zocãrã pe erob̶ʌ bẽrã daira puru umé panʌ quĩrãca panʌa.

Numero 20:8

–Bʌ bacuruda edaped̶a bʌ djaba Aaroʌ̃ ume purura eded̶adua awuá mõgara waib̶ʌa b̶ʌmaa. Ãdjirã quĩrãpita maʌ̃ mõgaraa bed̶eadua baidoda weamãrẽã. Ara mãwã bed̶eabʌrʌd̶e baidora mõgarad̶eba wea dogoya. Mãwã bʌa baidora weabiya israelerãba ãdji animarã bid̶a dod̶amãrẽã.–

Mateo 3:11

Mʌ̃a bãrãra baidoba borocueya Ãcõrẽmaa zesid̶ada cawabi carea. Baribʌrʌ mʌ̃ caid̶u zebʌrʌda mʌ̃ cãyãbara dji dromaara b̶ʌa. Maʌ̃ bẽrã idjia jĩrũne jʌ̃ b̶ʌ ẽrãi carea mʌ̃ra bia b̶ʌẽ́a. Idjiabʌrʌ Ãcõrẽ Jaureda diaya. Baribʌrʌ ĩjãnaẽ́bʌrʌ cawa oya.

Mateo 3:14

Baribʌrʌ Juaʌ̃ba borocue amaaba jarasia: –Bʌabʌrʌ mʌ̃ra borocueida b̶ʌa. ¿Cãrẽ cãrẽã bʌra mʌ̃maa ze b̶ʌ?–

Mateo 8:3

Maʌ̃ne Jesuba jʌwa ʌ̃rʌ̃ b̶ʌbʌrʌd̶e jarasia: –Mãwã o quĩrĩã b̶ʌa. ¡Biadua!– Ara maʌ̃da aid̶a bara b̶ad̶ara biasia.

Mateo 8:7

Maʌ̃ne Jesuba jarasia: –Idji biabi carea wãya.–

Mateo 8:9

Ara maʌ̃ quĩrãca mʌ̃ boroba jara b̶ʌra mʌ̃a ĩjãida b̶ʌa. Idjab̶a mʌ̃a jara b̶ʌra sordaorã mʌ̃ jʌwaed̶a b̶eaba ĩjãnida panʌa; mʌ̃a ab̶aʌa zeduad̶a aibʌrʌ zebaria; wãduad̶a aibʌrʌ, wãbaria; idjab̶a mʌ̃ nezocaa nãwã oduad̶a aibʌrʌ ara maʌ̃da idjia obaria.–

Luca 15:19

Maʌ̃ bẽrã biara b̶ʌa mʌ̃ra waa bʌ warraad̶a aẽ́da. Ãtebʌrʌ mʌ̃ra bʌ nezocada b̶ʌdua.”

Luca 15:21

Maʌ̃ne dji warraba jarasia: “Zeza, wãrãda mʌ̃a Ãcõrẽ quĩrãpita, bʌ quĩrãpita bid̶a cadjiruada osia. Maʌ̃ bẽrã biara b̶ʌa mʌ̃ra waa bʌ warraad̶a aẽ́da.”

Luca 5:8

Simoʌ̃ Pedroba idji ume panʌ bid̶a b̶eda zocãrã jidaped̶ad̶a unusid̶ad̶e cawa crĩchad̶aẽ́ basía. Idji ume panʌra Santiago idjab̶a Juaʌ̃ basía. Ãdjira Zebedeo warrarã basía. Maʌ̃ne Simoʌ̃ra Jesu caita wãped̶a chĩrãborod̶e cob̶eped̶a jarasia: –Mʌ̃ Boro, biara b̶ʌa bʌra mʌ̃ caitabemada ãyã wãida, mʌ̃ra cadjirua obari bẽrã.– Jesuba Simoʌ̃a jarasia: –Dauperarãdua, id̶iba ʌ̃taa bʌra mʌ̃ itea ẽberã enebarida b̶eya.–