Mateo 7:2 - Ãcõrẽ Bed̶ea

² Bãrãba djãrã biẽ́ jarabʌda quĩrãca Ãcõrẽba bãrãra biẽ́ jaraya.

Mateo 7:2 Iomraidhean Croise

Exodo 21:24

Dauda ãrĩsira ab̶arica dau ãrĩnida panʌa. Quid̶ada b̶ʌasira ab̶arica quid̶a b̶ʌatad̶ida panʌa. Jʌwada biẽ́ b̶esira ab̶arica jʌwa biẽ́ b̶ʌd̶ida panʌa. Jĩrũda biẽ́ b̶esira ab̶arica jĩrũ biẽ́ b̶ʌd̶ida panʌa.

Mateo 6:14

Djãrãba bãrã biẽ́ oped̶ad̶ada quĩrãdoad̶ibʌrʌ, bãrãba biẽ́ oped̶ad̶ara bãrã Zeza bajãne b̶ʌba quĩrãdoaya.

Marco 4:24

Maʌ̃ awara Jesuba jarasia: –Mʌ̃a jaradia b̶ʌra quĩrãcuitad̶adua. Bãrãba cawad̶i carea bio quĩrãcuitad̶ibʌrʌ Ãcõrẽba bãrãa aud̶uara cawabiya.

Luca 6:38

Djãrãa ne diad̶adua. Mãwãbʌrʌ Ãcõrẽba bãrãa bio ad̶uba diaya ẽ bio biraped̶a cuguzoa b̶ʌ quĩrãca. Idjia diaya bãrãba djãrãa diabada quĩrãca.–

2 Corinto 9:6

Naʌ̃da quĩrãnebad̶adua: “Maãrĩ ubʌrʌba maãrĩ ewaya. Waib̶ʌa ubʌrʌba waib̶ʌa ewaya.”

Santiago 2:13

Djãrã quĩrã djuburiacara Ãcõrẽba cawa obʌrʌd̶e quĩrã djuburiaẽ́a. Maʌ̃ne djãrã quĩrã djuburiabadara bia b̶ead̶ia.

Apocalipsi 18:6

Jãʌ̃ purura biẽ́ od̶adua djãrã biẽ́ od̶a quĩrãca. Idjia djãrã biẽ́ od̶a cãyãbara b̶arima umé biẽ́ara od̶adua. Idjia djãrãra biẽ́ osia uva b̶a asega b̶ʌ õgo diabʌrʌ quĩrãca. Maʌ̃ bẽrã idjira b̶arima umé biẽ́ara od̶adua uva b̶a asega b̶ʌ b̶arima umé õgo diabʌda quĩrãca.

1 Samuel 15:33

Baribʌrʌ Samuelba idjía jarasia: –Bʌa necoba zocãrã beaped̶a wẽrãrãda warra neẽ́ b̶ʌsia. Ara maʌ̃ quĩrãca mʌ̃a bʌ papa sid̶a warra neẽ́ b̶ʌya.– Mãwã jaraped̶a Gilgald̶e Ãcõrẽ quĩrãpita Samuelba idjira necoba beataped̶a pichipichia tʌcuasia.