Mateo 4:8 - Ãcõrẽ Bed̶ea

⁸ Mãwãnacarea diauruba Jesura eya ʌ̃tʌ b̶ʌd̶e edesia. Mamaʌba Jesua jũma naʌ̃ ẽjũãne b̶ea puruda, puruza ne bia qued̶ea sid̶a acʌbisia.

Mateo 4:8 Iomraidhean Croise

Numero 23:3

Maʌ̃be Balaaʌ̃ba jarasia: –Nama jʌ̃ãdua bʌa animarã Ãcõrẽa babue dia b̶ʌma. Mʌ̃ra awuá wãya. Mama Ãcõrẽra mʌ̃ma odjaisicada. Idjia mʌ̃́a bed̶easira bʌ́a jarad̶e zeya.– Mãwã jaraped̶a Balaaʌ̃ra eya zaque chirua neẽ́ b̶ʌd̶aa wãsia.

Mateo 16:26

Ẽberãda naʌ̃ ẽjũãne ne jũma erob̶ʌd̶e beuibʌrʌ, ¿idjia erob̶ʌba carebaica? Beu amaaba idjia erob̶ʌd̶ebemada ¿jũmasãwã poya diai?

Mateo 4:5

Mãwãnacarea diauruba Jesura Jerusaleʌ̃, Ãcõrẽ itea b̶ʌ purud̶aa edesia. Mama Ãcõrẽ de droma boro ʌ̃tʌara b̶ʌmaa edesia.

Juaʌ̃ 5:20

Mʌ̃ Zezaba mʌ̃ra quĩrĩã b̶ʌa. Maʌ̃ bẽrã jũma idjia o b̶ʌra mʌ̃́a unubibaria. Maʌ̃ awara idjia naʌ̃ ne ununaca od̶a cãyãbara ne waib̶ʌara b̶ʌda unubiya. Maʌ̃ carea bãrãba cawa crĩchad̶aẽ́ duanenia.

1 Pedro 1:24

Ãcõrẽ Bed̶ead̶e nãwã b̶ʌ́ b̶ʌa: Jũmarãda chirua quĩrãca b̶eaa. Ãdji quĩrãwãrẽãra nepõnõ quĩrãca b̶ʌa. Chiruara purrubaped̶a dji põnõra jurrubaria.

Apocalipsi 11:15

Bajãnebema nezoca dji jĩrũarebemaba idji cachirura zásia. Maʌ̃ne bajãne zocãrã nãwã jĩgua bed̶easid̶aa: Dadjirã Boro Ãcõrẽda, idjia ẽdrʌ edabari diai jarad̶a ume naʌ̃ ẽjũãnebema boroda panesid̶aa. Id̶iba ʌ̃taa Ãcõrẽra ewariza jũmarã Boroda b̶aya.