Mateo 1:6 - Ãcõrẽ Bed̶ea

⁶ Maʌ̃be Jeséd̶eba dadji israelerã boro Davira yõsia. David̶eba Salomoʌ̃da yõsia. Salomoʌ̃ papara naẽna Uríaba erob̶asia.

Mateo 1:6 Iomraidhean Croise

Mateo 1:5

Salmoʌ̃neba Booda yõsia. Boo papara Rahá basía. Bood̶eba Obéda yõsia. Obé papara Rut basía. Obéd̶eba Jeséda yõsia.

Romano 8:3

Ãcõrẽba Moisea diad̶a leyba dadjirãra cadjiruad̶ebemada poya ẽdrʌ b̶ʌẽ́ basía. Naʌ̃ djaraba o quĩrĩã b̶ʌd̶eba nĩnaba maʌ̃ ley ĩjã od̶i cãyãbara cadjiruada obadaa. Baribʌrʌ Ãcõrẽba idji Warrada diabuesia dadjirã dji cadjiruarã quĩrãca b̶amãrẽã. Maʌ̃ne idji Warrara dadjirã cadjirua carea beusia. Mãwã Ãcõrẽba idji Warrad̶eba dadjirãra cadjiruad̶ebemada ẽdrʌ b̶ʌsia.

1 Samuel 16:1

Ãcõrẽba Samuelea jarasia: –¿Bʌra ab̶a sãʌ̃be Saul carea sopua b̶ai? Mʌ̃a idjira israelerã boro bad̶ada igarasia. Mʌ̃a quĩrĩã b̶ʌa bʌra Beleʌ̃naa wãida ẽberã Jesé abadamaa. Idji warrad̶ebemada mʌ̃a ab̶a b̶ʌya israelerã boroda b̶amãrẽã. Maʌ̃ carea nedragada cachud̶e tʌ edaped̶a idjimaa wãdua.–

1 Samuel 17:12

Davira Jesé warra basía. Jeséra Epratad̶eba yõna basía. Juda druad̶e Beleʌ̃ purud̶e b̶abadjia. Saul israelerã boro basid̶e Jeséra bio drõãda b̶asia. Idjia warrarãda ocho erob̶asia.

1 Samuel 17:58

Maʌ̃ne Saulba iwid̶isia: –Warra, ¿bʌ zezara cai? Daviba panusia: –Mʌ̃ra bʌ nezoca Beleʌ̃nebema Jesé warraa.–

1 Samuel 22:8

Mãwãmĩna bãrãra bed̶ea ausid̶aca b̶ʌa mʌ̃ ãyã b̶ʌd̶i carea. Ni ab̶aʌba mʌ̃́a jarad̶aẽ́ basía mʌ̃ warra Jonataʌ̃ra Jesé warra Davi ume bed̶ea b̶ʌsid̶ada. Ni ab̶aʌba mʌ̃da crĩchad̶acaa. Id̶ira mʌ̃are b̶ad̶a Daviba mʌ̃ra beai carea b̶ʌa mʌ̃ warra Jonataʌ̃ba mãwã crĩchabid̶a bẽrã. Baribʌrʌ bãrãba maʌ̃nebemada mʌ̃́a jarad̶aẽ́ basía.–