Luca 6:2 - Ãcõrẽ Bed̶ea

² Ʌ̃cʌrʌ pariseorãba maʌ̃ unusid̶ad̶e iwid̶isid̶aa: –¿Bãrãba cãrẽ cãrẽã ʌ̃nãũbada ewarid̶e ocara panʌda o panʌ?–

Luca 6:2 Iomraidhean Croise

Exodo 22:10

Bariduaba burroda, pacada, ovejada, wa baridua animarã sid̶a dewaraa wagabi b̶ʌd̶e maʌ̃ animarãda beuibʌrʌ, wa cawaẽ́ne idub̶a puaibʌrʌ, wa ni ab̶aʌba ununaẽ́ne drʌad̶ibʌrʌ, dji animarã waga erob̶ad̶aba Ãcõrẽ quĩrãpita wãrãneba jaraida b̶ʌa maʌ̃ animarã drʌaẽ́ b̶ʌda. Maʌ̃ jarad̶ara djibariba ĩjãida b̶ʌa. Mãwãra dji animarã waga erob̶ad̶aba djibaría maʌ̃ animarãbari diaiẽ́ b̶ʌa.

Exodo 31:15

Sei ewari bãrã trajura od̶ida panʌa, baribʌrʌ sietebema ewarid̶e ʌ̃nãũnida panʌa. Maʌ̃ ewarira mʌ̃ itea wagad̶ida panʌa. Bariduaba ʌ̃nãũbada ewarid̶e trajuda oibʌrʌ, idjira bead̶ida panʌa.

Exodo 35:2

Sei ewari bãrã trajura od̶ida panʌa, baribʌrʌ sietebema ewarid̶e bãrãra ʌ̃nãũnida panʌa. Maʌ̃ ewarira Ãcõrẽ itea wagad̶ida panʌa. Bariduaba ʌ̃nãũbada ewarid̶e trajuda oibʌrʌ, idjira bead̶ida panʌa.

Mateo 12:2

Ãdjia mãwã o panʌra ʌ̃cʌrʌ pariseorãba ununaped̶a Jesua jarasid̶aa: –Bʌ ume nĩbabadarãba ʌ̃nãũbada ewarid̶e ocara panʌda jãwã o panʌa.–

Mateo 15:2

–Bʌ ume nĩbabadarãra jʌwa sʌgʌd̶aẽ́ ne cobadaa. ¿Cãrẽ cãrẽã dadji drõãenabemaba jaradiaped̶ad̶ara igara panʌ?–

Marco 2:24

Maʌ̃ carea pariseorã ãdji caid̶u zebʌdaba Jesua jarasid̶aa: –¡Acʌdua! Bʌ ume nĩbabadarãba ¿cãrẽ cãrẽã ʌ̃nãũbada ewarid̶e ocara panʌda o panʌ?–

Luca 5:33

Ʌ̃cʌrʌba Jesua jarasid̶aa: –Borocuebari Juaʌ̃ ume nĩbabadarãba Ãcõrẽa iwid̶ibʌdad̶e ara cadrʌa ne cod̶aca ewarira obadaa. Ara maʌ̃ quĩrãca pariseorã ẽpẽbadarã bid̶a obadaa. Baribʌrʌ bʌ ume nĩbabadarãba ¿sãwãẽrã od̶aca?–

Juaʌ̃ 5:16

Mamaʌba ʌ̃taa judiorã dji dromarãba Jesura bio biẽ́ jara panesid̶aa maʌ̃ ẽberãra ʌ̃nãũbada ewarid̶e biabid̶a bẽrã.