Luca 5:8 - Ãcõrẽ Bed̶ea

^8-10 Simoʌ̃ Pedroba idji ume panʌ bid̶a b̶eda zocãrã jidaped̶ad̶a unusid̶ad̶e cawa crĩchad̶aẽ́ basía. Idji ume panʌra Santiago idjab̶a Juaʌ̃ basía. Ãdjira Zebedeo warrarã basía. Maʌ̃ne Simoʌ̃ra Jesu caita wãped̶a chĩrãborod̶e cob̶eped̶a jarasia: –Mʌ̃ Boro, biara b̶ʌa bʌra mʌ̃ caitabemada ãyã wãida, mʌ̃ra cadjirua obari bẽrã.– Jesuba Simoʌ̃a jarasia: –Dauperarãdua, id̶iba ʌ̃taa bʌra mʌ̃ itea ẽberã enebarida b̶eya.–

Luca 5:8 Iomraidhean Croise

1 Reye 17:18

Maʌ̃ carea pẽdra wẽrãba Elíaa jarasia: –Ãcõrẽneba bed̶eabari, ¿cãrẽ cãrẽã mʌ̃ra mĩã sẽne zesi? ¿Mʌ̃ warra beumãrẽã mʌ̃a cadjirua od̶ara Ãcõrẽa quĩrãnebabid̶e zesica?–

Exodo 20:19

Ãdjirãba Moisea jarasid̶aa: –Dairãba quĩrĩãnaẽ́a Ãcõrẽra dairã ume bed̶eaida. Idjida dairã ume bed̶eaibʌrʌ, beud̶ia. Bʌabʌrʌ dairãa bed̶eadua. Maʌ̃drʌ quĩrãcuita ũrĩnia.–

Mateo 17:6

Maʌ̃ ũrĩsid̶ad̶e ne wayaaba egode b̶arrub̶ari tapanesid̶aa.

Mateo 2:11

Ded̶e ed̶a wãbʌdad̶e warra zaquera dji papa Maria ume b̶ʌda unusid̶aa. Ara maʌ̃da chĩrãborod̶e copanenaped̶a warra zaquea bia bed̶easid̶aa. Maʌ̃be ãdjiza baurudeda ewad̶aped̶a warra zaquea oroda, incienso querada, mirra quera sid̶a diasid̶aa.

Mateo 8:8

Baribʌrʌ sordaorã boroba jarasia: –Mʌ̃ Boro, mʌ̃ra ẽberã biaẽ́a bʌra mʌ̃ ded̶e ed̶a wãmãrẽã. Baribʌrʌ mʌ̃ nezoca biamãrẽã bʌa namaʌba jaraibʌrʌ, idjira biaya.

Luca 5:7

Maʌ̃ carea dewara jãbad̶e b̶eada jʌwaba trʌ̃sid̶aa carebad̶e zed̶amãrẽã. Zed̶aped̶a jãbara umena b̶edaba birasid̶aa. Maʌ̃ba biru b̶aebod̶od̶a basía.

Juaʌ̃ 11:32

Mariara Jesu b̶ʌma jũẽsid̶e ara idji unubʌrʌda idji jĩrũ caita b̶arru cob̶esia. Maʌ̃ne jarasia: –Mʌ̃ Boro, bʌda nama b̶ad̶abara, mʌ̃ djabara jaid̶aẽ́ bacasia.–

1 Corinto 13:12

Ara nawena dadjirãba Ãcõrẽnebemada jarijaria unu panʌa quĩrã acʌbadad̶e unu panʌ quĩrãca. Baribʌrʌ ewari ab̶a dadjirãba jũma ebud̶a ununia sãwãbʌrʌ b̶ʌda. Ara nawena mʌ̃a maãrĩ cawa b̶ʌa, baribʌrʌ ewari ab̶a jũma cawaya Ãcõrẽba mʌ̃ cawa b̶ʌ quĩrãca.

Apocalipsi 1:17

Idji unusid̶e ne wayaaba mʌ̃ra idji jĩrũ caita beud̶a quĩrãca egode tab̶esia. Baribʌrʌ idji jʌwa araarebemada mʌ̃ ʌ̃rʌ̃ b̶ʌped̶a jarasia: “Ne wayarãdua. Mʌ̃ra dji naãrãbemaa idjab̶a dji jĩrũarebemaa.

Juece 13:22

Maʌ̃ne idji quimaa nãwã jarasia: –Ãcõrẽda unuped̶ad̶a bẽrã dadjira beud̶ia.–

1 Samuel 6:20

Maʌ̃ carea jarasid̶aa: –Ãcõrẽra jipa b̶ʌ bẽrã ¿caida idji quĩrãpita poya b̶ai? Naʌ̃ baurudera ãyã diabued̶ida panʌa baribʌrʌ ¿cairãmaa diabued̶i?–