Luca 11:8 - Ãcõrẽ Bed̶ea

⁸ Mʌ̃a jaraya: idjia paʌ̃ra diaẽ́a bʌ ume dji bia bẽrã, ãtebʌrʌ diaya bʌa mĩã sẽ b̶ʌ bẽrã.

Luca 11:8 Iomraidhean Croise

Genesi 32:26

Maʌ̃ne dji ẽberãba Jacoboa jarasia: –Mʌ̃ra quenab̶aridua. Ʌ̃nadrʌbʌrʌa.– Jacoboba panusia: –Bʌa mʌ̃da bia jara b̶ʌẽ́bʌrʌ, mʌ̃a quenab̶ariẽ́a.–

Luca 11:7

Maʌ̃ne dji ed̶a b̶ʌba nãwã panuisicada: “Ache, mĩã sẽrãdua. Mʌ̃ ded̶e ed̶a wãbadara jũãtrʌ erob̶ʌa. Daira jũma cʌd̶ad̶e duanʌa, mʌ̃ warrarãra cãĩ duanʌa. Maʌ̃ bẽrã mʌ̃a ni cãrẽ sid̶a poya diaẽ́a.”

Romano 15:30

Djabarã, Ãcõrẽ Jaured̶eba dadjirãra dji quĩrĩã panʌa. Maʌ̃ bẽrã dadjirã Boro Jesucritod̶eba mʌ̃a bãrãa bed̶ea djuburiaya mʌ̃ careba Ãcõrẽa iwid̶id̶amãrẽã.

2 Corinto 12:8

Mʌ̃a b̶arima ũbea dadjirã Boro Jesucritoa bed̶ea djuburiasia maʌ̃ puara jõbimãrẽã.

Colosa 2:1

Mʌ̃a quĩrĩã b̶ʌa bãrãba naʌ̃da cawad̶ida: mʌ̃ra bio traja b̶ʌa bãrã Colosad̶ebemarãda, djabarã Laodicea purud̶ebemada, jũma djabarã mʌ̃ ununaca sid̶a carebai carea.

Colosa 4:12

Jesucrito nezoca jãmabema Epaproba quĩrĩã b̶ʌa bãrãra bia duananida. Idjia ewariza Ãcõrẽa iwid̶i b̶abaria bãrãra ne jũmane zarea b̶ead̶amãrẽã, bio ĩjã pananamãrẽã, idjab̶a jũma Ãcõrẽba obi quĩrĩã b̶ʌda cawad̶aped̶a ĩjã od̶amãrẽã.

Juece 14:17

Baribʌrʌ dji wẽrãra maʌ̃ b̶ʌsrid̶a cobada ewari siete panʌne jĩãbadjia. Baridua mĩã sẽ b̶ʌ bẽrã sietebema ewarid̶e Sansoʌ̃ba idjía jarasia. Ara maʌ̃da wẽrãba pilisteorã treinta panʌ́a jarasia mĩãdjiruba jara b̶ʌda.

1 Samuel 1:12

Anara dãrã Ãcõrẽa bed̶ea djuburiasia. Chupea bed̶ea b̶asia, jĩgua bed̶eaẽ́ b̶asia. Maʌ̃ne Eliba idji i doudowa b̶ʌda unu b̶asia. Baribʌrʌ idjia bed̶ea b̶ʌra ũrĩẽ́ bẽrã Eliba crĩchasia idjira beu chũmʌda.