Luca 10:4 - Ãcõrẽ Bed̶ea

⁴ Wãbʌdad̶e buchacada, parata sid̶a ederãnadua. Bãrãba jĩrũne jʌ̃badara dewara ederãnadua. Wãnane ni ab̶aʌ ume od̶e bed̶earãnadua.

Luca 10:4 Iomraidhean Croise

Genesi 24:33

Maʌ̃be Labaʌ̃ba ne cod̶amãrẽã diabisia baribʌrʌ Abrahaʌ̃ nezocaba jarasia: –Mʌ̃ra poya ne coẽ́a mʌ̃a bed̶ea enena jarai naẽna.– Labaʌ̃ba jarasia: –Mãẽteara jaradua.–

Genesi 24:56

Maʌ̃ne dji nezocaba jarasia: –Ãcõrẽba mʌ̃́a dji wẽrãda unubid̶a bẽrã mʌ̃ra nama dãrãbirãnadua. Mʌ̃ra idu wãbid̶adua mʌ̃ boromaa.–

2 Reye 4:24

Maʌ̃be wẽrãba idji chũmeira burro ʌ̃rʌ̃ jʌ̃biped̶a dji nezocaa nãwã jarasia: –Isabe wãnia. Mʌ̃a jaraẽ́bʌrʌ ni maãrĩ bid̶a ʌ̃nãũnaẽ́a.–

2 Reye 4:29

Ara maʌ̃da Eliseoba Guiezia jarasia: –Bʌa cacuad̶e jʌ̃ b̶ʌra bio trãjʌ̃ cob̶ʌped̶a naʌ̃ wẽrã ded̶aa isabe wãdua. Mʌ̃ bacuruda ededua. Isabe wãida b̶ʌ bẽrã ẽberãda unusira bed̶earãdua. Ẽberãba bʌ́a bed̶eaibʌrʌ, panurãdua. Naʌ̃ wẽrã ded̶e jũẽped̶a mʌ̃ bacurura idji warra quĩrãdarra ʌ̃rʌ̃ cob̶ʌdua.–

Marco 6:7

Mãwãnacarea idjia doce edad̶arãra ãbaa trʌ̃sia. Ãdjirãa ʌb̶ʌada diasia jaida ãyã jʌretad̶amãrẽã. Maʌ̃be puru zaque b̶eaza umé uméa diabuesia.

Luca 22:35

Maʌ̃be Jesuba ãdjía jarasia: –Mʌ̃a bãrã parata neẽ́, buchaca neẽ́ idjab̶a jĩrũne jʌ̃bada neẽ́ diabuesid̶e ¿ne cʌre b̶aesid̶aca?– Ãdjirãba panusid̶aa: –Ni cãrẽ sid̶a cʌre b̶aeẽ́ basía.–

1 Samuel 21:8

Maʌ̃ne Daviba sacerdote Ahimelea jarasia: –¿Bʌa djõbada necoda wa mĩãsuda nama neẽ́ b̶ʌca? Dadjirã boro Saulba isabe zebid̶a bẽrã mʌ̃ necoda, dewara djõi careabema sid̶a eneẽ́ basía.–