Luca 1:42 - Ãcõrẽ Bed̶ea

⁴² Maʌ̃ne Mariaa nãwã jĩgua jarasia: –Bʌra wãrãda dewara wẽrãrã cãyãbara Ãcõrẽba biara careba b̶ʌa. Bʌ warra sid̶a Ãcõrẽba bio bia b̶ʌya.

Luca 1:42 Iomraidhean Croise

Genesi 22:18

Bʌa mʌ̃ bed̶eara ĩjã od̶a bẽrã mʌ̃a bʌd̶eba yõbʌrʌd̶eba naʌ̃ ẽjũãne b̶ea purura jũma carebaya.”–

Luca 1:28

Bajãnebema nezocara Mariama jũẽped̶a nãwã jarasia: –¡Mẽrã! Ãcõrẽba bʌra bia erob̶ʌa. Idjira bʌ ume b̶ʌa.–

Luca 1:41

Elisabeba Maria bed̶ea ũrĩbʌrʌd̶e idji warra b̶ited̶a quirura domicasia. Ara maʌ̃da Elisabera Ãcõrẽ Jaured̶eba b̶esia.

Luca 1:43

¿Mʌ̃ra cai mʌ̃ Boro papaba jãwã acʌd̶e ze b̶ʌra?

Luca 1:48

Idjia za quiru nezocara bia erob̶ʌa. Id̶iba ʌ̃taa jũmarãba jarad̶ia Ãcõrẽ jũma poya b̶ʌba mʌ̃ra bio careba b̶ʌda, mʌ̃ itea ne waib̶ʌada o b̶ʌ bẽrã. ¡Ab̶a idjidrʌ Ãcõrẽa!

Luca 19:38

Ãdjirãba jara duanasid̶aa: ¡Bio bia b̶ʌa jũmarã Boro Ãcõrẽ trʌ̃neba zebʌrʌra! ¡Jãʌ̃bebʌrʌ dadjirãra Ãcõrẽ ume necai duanania! ¡Bajãne B̸ʌra dji Dromaara b̶ʌa!

Romano 9:5

Ãdji drõã naẽnabemarãra dji dromarãda b̶easia. Ãdjirãneba Critora naʌ̃ djarad̶e zesia. Idjidrʌ jũmarã Ãcõrẽa. Idjíabʌrʌ dadjirãba ewariza bia bed̶ead̶ida panʌa. Bia b̶ʌa mãwã b̶aida.

Hebreo 12:2

Jesudrʌ biara crĩchad̶ida panʌa. Idjiabʌrʌ carebasia dadjirãba naãrã ĩjãnamãrẽã idjab̶a carebabaria ewariza ĩjã pananamãrẽã. Crĩchad̶adua sãwã idjira crud̶e bia mĩgasida. Maʌ̃ carea peraida b̶ad̶amĩna peraẽ́ basía. Idjia cawasia mãwãnacarea bio b̶ʌsrid̶a b̶aida. Id̶ira Ãcõrẽ bugue biya quiru jʌwa araare chũmʌa.