Levitico 4:13 - Ãcõrẽ Bed̶ea

¹³ Cadjirua oi crĩchaẽ́ b̶ʌd̶e Israel puruba Ãcõrẽ leyda ãĩ oibʌrʌ, cadjirua od̶ara adua b̶ʌmĩna Ãcõrẽ quĩrãpita bed̶ead̶e b̶aya.

Levitico 4:13 Iomraidhean Croise

Levitico 16:5

Maʌ̃ awara israelerãba cadjirua oped̶ad̶a carea idjía chiwatu dji umaquĩrãda umé diad̶ida panʌa dji draga babue diamãrẽã. Idjab̶a oveja dji umaquĩrãda diad̶ida panʌa jũma babue diamãrẽã.

Levitico 4:21

Maʌ̃be pacad̶ebema b̶ed̶ara israelerã duanʌmaʌba ãyã edeped̶a jũma babueida b̶ʌa ara idji cadjirua carea bead̶a paca ãyã edeped̶a jũma babued̶a quĩrãca. Mãwã oida b̶ʌa maʌ̃ pacara bead̶a bẽrã Israel puruba cadjirua od̶a carea.

Levitico 5:17

Ab̶aʌba Ãcõrẽ leyda ãĩ oibʌrʌ, ãĩ od̶ada adua b̶ʌmĩna Ãcõrẽ quĩrãpita maʌ̃ cadjirua carea bed̶ead̶e b̶ʌa.

Levitico 6:4

Bariduaba maʌ̃ cadjirua quĩrãca b̶eada oibʌrʌ, Ãcõrẽ quĩrãpita bed̶ead̶e b̶aya. Maʌ̃ bẽrã idjia drʌa erob̶ʌra, wa cũrũga b̶ʌd̶eba jãrĩ erob̶ʌra, wa idjima b̶ed̶a sewad̶eba jẽda diaẽ́ b̶ʌra, wa djãrã ne aduad̶a mẽrã erob̶ʌra, wa baridua djãrãne mẽrã erob̶ʌ sid̶a djibaría jẽda diaida b̶ʌa. Jẽda diaped̶a maʌ̃ aud̶u diaida b̶ʌa. Mãwã diaida b̶ʌa idjia cadjirua od̶a carea oveja beabʌrʌ ewarid̶e.

1 Corinto 11:27

Maʌ̃ carea bariduaba dadjirã Boro wayaẽ́ maʌ̃ paʌ̃da coibʌrʌ, maʌ̃ tazad̶e b̶ʌda doibʌrʌ, cadjiruada o b̶ʌa. Dadjirã Boro cacuara, oa sid̶a siriẽ́ b̶ʌda crĩcha b̶ʌa.

1 Timoteo 1:13

Naẽna mʌ̃a idjid̶ebemada biẽ́ bed̶eabadjia idjab̶a idjid̶erãda biẽ́ oi carea ẽpẽbadjia. Djãrãa biẽ́ bed̶eabadjia. Baribʌrʌ idjia mʌ̃ra quĩrã djuburiasia. Idjida wad̶i ĩjãẽ́ b̶ad̶a bẽrã adua b̶ʌd̶eba mãwã biẽ́ obadjia.

Josue 7:11

Bãrã israelerãba cadjiruada osid̶aa. Mʌ̃a jarad̶ara bãrãba ĩjã od̶aẽ́ basía. Mʌ̃a Jericod̶ebema nebiara edarãnaduad̶a ad̶amĩna edasid̶aa. Mãwã mʌ̃reda drʌad̶aped̶a diguid̶a mẽrã eropanʌa. Maʌ̃ne sewad̶eba edad̶aẽ́ panʌana a panʌa.