Levitico 24:4 - Ãcõrẽ Bed̶ea

⁴ Ĩbĩrã b̶ʌbada oro idji awa quiru od̶a jʌwateza ĩbĩrãra mʌ̃ quĩrãpita quewaraza coad̶ida panʌa.

Levitico 24:4 Iomraidhean Croise

Exodo 31:8

Mʌ̃ wua ded̶e b̶ead̶ira naʌ̃gʌa: paʌ̃ b̶ʌbada mesada, jũma maʌ̃ mesad̶e b̶aida, ĩbĩrã b̶ʌbada oro idji awa quiruda, jũma maʌ̃ ĩbĩrãnebemada, quera bá diabadada, animarã babue diabadada, jũma maʌ̃ animarã babue diabadad̶ebemada, ne sʌgʌbada eped̶eco waib̶ʌa sid̶a dji acʌ b̶ʌd̶i bara.

Exodo 39:37

Ĩbĩrã b̶ʌbada oro idji awa quiru od̶ada, ĩbĩrãra maʌ̃ ʌ̃rʌ̃ erreca b̶ʌd̶i carea, jũma maʌ̃ ĩbĩrãnebemada, idjab̶a olivo draga ĩbĩrã coad̶i careabema sid̶a edesid̶aa.

Levitico 24:3

Mʌ̃ ded̶e eatʌ jira b̶ʌ wua nocoare Aaroʌ̃ba ĩbĩrãra quewaraza coa b̶ʌya urua b̶amãrẽã ab̶a ʌ̃nadrʌbʌrʌd̶aa. Id̶iba ʌ̃taa bãrãneba yõbʌdarãba naʌ̃ bed̶eara ĩjã od̶ida panʌa.

Hebreo 9:2

Maʌ̃ de od̶aped̶a dji nocoarebema dejãra “Ãcõrẽ itea b̶ʌ dejã” abadjid̶aa. Maʌ̃ dejãne ĩbĩrãda, mesa sid̶a b̶asia. Paʌ̃ Ãcõrẽ quĩrãpita b̶ʌd̶a sid̶a b̶asia.

Apocalipsi 1:20

Mʌ̃a cawabiya bʌa ununa siete chĩdau mʌ̃ jʌwa araarebemane erob̶ʌba cãrẽda jara b̶ʌda idjab̶a maʌ̃ siete ĩbĩrã oro od̶aba cãrẽda jara b̶ʌda. Maʌ̃ siete chĩdauba jara b̶ʌa bajãnebema nezocarã siete panʌda. Maʌ̃ siete panʌba djabarã siete puru b̶ead̶e panʌda wagabadaa. Ãdjiza djabarã puru ab̶aʌd̶e panʌda wagabadaa. Dji ĩbĩrã siete panʌba jara b̶ʌa djabarã siete puru b̶ead̶e panʌnebemada.”

Apocalipsi 11:4

Ãcõrẽ naʌ̃ ẽjũãnebema boro quĩrãpita olivo bacuruda umé panʌa, ĩbĩrã sid̶a umé panʌa. Maʌ̃ba idjid̶ebema bed̶eabada umé panʌda jara b̶ʌa.

Apocalipsi 2:5

Maʌ̃ bẽrã quĩrãnebad̶adua bãrãba naãrã quĩrĩã eropananada. Wayacusa Ãcõrẽmaa zed̶adua. Od̶adua bãrãba naãrã bia o panana quĩrãca. Bãrãda wayacusa Ãcõrẽmaa zed̶aẽ́bʌrʌ, mʌ̃a bãrã cawa od̶e wãya. Maʌ̃ne bãrã ĩbĩrãra ãyã b̶ʌya.