Levitico 24:3 - Ãcõrẽ Bed̶ea

³ Mʌ̃ ded̶e eatʌ jira b̶ʌ wua nocoare Aaroʌ̃ba ĩbĩrãra quewaraza coa b̶ʌya urua b̶amãrẽã ab̶a ʌ̃nadrʌbʌrʌd̶aa. Id̶iba ʌ̃taa bãrãneba yõbʌdarãba naʌ̃ bed̶eara ĩjã od̶ida panʌa.

Levitico 24:3 Iomraidhean Croise

Exodo 27:21

Aaroʌ̃ba idji warrarã bid̶a mʌ̃ wua ded̶e b̶ʌ ĩbĩrãra quewaraza coad̶ida panʌa mʌ̃ quĩrãpita urua b̶amãrẽã quewara ed̶aʌba ab̶a ʌ̃nadrʌbʌrʌd̶aa. Maʌ̃ ĩbĩrãra mʌ̃ baurude quĩrãpe b̶aya dji wua eatʌ jira b̶ʌ nocoare. Mʌ̃a ĩbĩrã coabi b̶ʌ leyra bãrã israelerãba, bãrã warrarãneba yõbʌdarã bid̶a ewariza ĩjã o pananida panʌa.

Levitico 24:2

–Israelerãa jaradua olivo draga idji awa quiruda bʌmaa enenamãrẽã. Maʌ̃ olivo dragaba mʌ̃ ded̶e ĩbĩrãra quewaraza coad̶ia.

Levitico 24:4

Ĩbĩrã b̶ʌbada oro idji awa quiru od̶a jʌwateza ĩbĩrãra mʌ̃ quĩrãpita quewaraza coad̶ida panʌa.

Levitico 3:17

Id̶iba ʌ̃taa naʌ̃ bed̶eada ĩjã od̶ida panʌa: bãrã wãbʌdaza bãrãba, bãrã warrarãneba yõbʌdarã bid̶a animarã dragada, oa sid̶a cocara panʌa.

1 Samuel 3:3

Maʌ̃ne Samuelera Ãcõrẽ wua ded̶e cãĩ b̶asia. Mama Ãcõrẽ baurudeda b̶asia idjab̶a ĩbĩrãra wad̶i urua nũmasia.