Levitico 2:15 - Ãcõrẽ Bed̶ea

¹⁵ Maʌ̃ ʌ̃rʌ̃ nedragada wead̶aped̶a incienso querada ʌ̃rʌ̃ cob̶ʌd̶ida panʌa, Ãcõrẽa diad̶i bẽrã.

Levitico 2:15 Iomraidhean Croise

Exodo 29:2

Idjab̶a dji biara b̶ʌ harina trigod̶eda edaped̶a paʌ̃ ẽsãbari neẽ́ b̶eada quĩrã cacua ũbea odua; ʌ̃cʌrʌ harina awa qued̶eada, ʌ̃cʌrʌ nedraga bara b̶eada, idjab̶a ʌ̃cʌrʌ nedragaba ʌ̃rʌ̃ pʌrʌd̶ada.

Exodo 30:34

Idjab̶a Ãcõrẽba Moisea jarasia: –Naʌ̃gʌ querada edad̶adua: estacte querada, ámbar querada, gálbano querada, idjab̶a incienso quera idji awa quiruda. Maʌ̃ quera b̶eara ab̶ari quĩrãca edad̶aped̶a ãbaa puerad̶adua bai careabema quera oi carea, quera o cawa b̶ʌba obari quĩrãca. Ãbaa puerabʌdad̶e tãda ed̶a b̶ʌd̶adua maʌ̃ querara mʌ̃ itea bio bia b̶emãrẽã.

Levitico 2:1

Ab̶aʌba idji néud̶ebema harina od̶ada Ãcõrẽa diaibʌrʌ, dji biara b̶ʌ harinada diaida b̶ʌa. Maʌ̃ harina ʌ̃rʌ̃ nedragada weaped̶a incienso querada ʌ̃rʌ̃ cob̶ʌida b̶ʌa.

Levitico 2:14

Bãrãba naãrã ewabʌdad̶ebemada Ãcõrẽa diabʌdad̶e jututiad̶aped̶a tẽũnada Ãcõrẽa diad̶ida panʌa.

Levitico 2:16

Sacerdoteba maʌ̃nebemada Ãcõrẽa babue diaida b̶ʌa dji nedraga bara idjab̶a jũma dji incienso quera bara. Maʌ̃ maãrĩ babue diabʌrʌd̶eba acʌbi b̶ʌa jũma maʌ̃ jututiad̶ara Ãcõrẽa dia b̶ʌda.

Levitico 5:11

Baribʌrʌ ne neẽ́ quiruba puchirãda umé wa putujuda umé diai carea neẽ́ b̶ʌbʌrʌ, dji biara b̶ʌ harinada eped̶eco jũgurua umé diaida b̶ʌa idjia cadjirua od̶a carea. Maʌ̃ harinane nedragada, incienso quera sid̶a b̶ʌcara b̶ʌa cadjirua carea dia b̶ʌ bẽrã.