Levitico 16:10 - Ãcõrẽ Bed̶ea

¹⁰ Chiwatu ẽrãbuei carea b̶ed̶ara Aaroʌ̃ba mʌ̃ quĩrãpita zocai erob̶aya israelerãba cadjirua oped̶ad̶ara ãyã edemãrẽã ẽjũã põãsa ewaraga b̶ʌd̶aa.

Levitico 16:10 Iomraidhean Croise

Levitico 16:8

Maʌ̃be bãrãba cawad̶i carea jemenebada quĩrãca Aaroʌ̃ba oya cawai carea sãʌ̃gʌ chiwatuda mʌ̃ itea b̶aida idjab̶a sãʌ̃gʌda ẽjũã põãsa ewaraga b̶ʌd̶e ẽrãbueida.

Levitico 16:9

Chiwatu mʌ̃ itea b̶ed̶ara Aaroʌ̃ba babue diai carea b̶ʌya israelerãba cadjirua oped̶ad̶a carea.

Romano 3:25

Ãcõrẽba Jesucritora b̶ʌsia cadjirua carea beumãrẽã. Dadjirã carea idji oara erozoasia. Maʌ̃ ĩjãbʌdad̶e Ãcõrẽba dadji cadjiruara quĩrãdoabaria. Jesucrito dadjirã cadjirua carea beud̶aba cawabi b̶ʌa Ãcõrẽba jipa cawa obarida. Crito zei naẽna cadjirua oped̶ad̶ara Ãcõrẽba jũma droa b̶ʌd̶eba cawa oẽ́ b̶asia.

Romano 4:25

Idjia Jesura b̶ʌsia dadjirã cadjirua carea beumãrẽã. Maʌ̃be beu b̶ad̶ada ʌ̃rẽbabisia dadjirãra idji quĩrãpita jipa b̶ʌi carea.

2 Corinto 5:21

Critoba cadjiruada oca basía. Baribʌrʌ dadjirã carea Ãcõrẽba idjira dji cadjirua quĩrãca unusia. Mãwã Critod̶eba Ãcõrẽba dadjirãra jipa unu b̶ʌa.

1 Juaʌ̃ 2:2

Idjira beusia Ãcõrẽba dadjirã cadjiruada quĩrãdoamãrẽã. Ab̶abe dadjirã cadjirua carea beuẽ́ basía, ãtebʌrʌ beusia jũma naʌ̃ ẽjũãne duanʌrã cadjirua carea bid̶a.

1 Juaʌ̃ 3:16

Wãrã quĩrĩãra sãwãbʌrʌ b̶ʌda dadjirãba cawa panʌa naʌ̃gʌd̶eba: Jesucritora dadjirã carea beusia. Ara maʌ̃ quĩrãca dadjirã sid̶a quĩrĩãneba djabarã carea beud̶i carea b̶ead̶ida panʌa.