Levitico 10:3 - Ãcõrẽ Bed̶ea

³ Maʌ̃be Moiseba Aaroʌ̃a jarasia: –Naʌ̃ra jãwãsia Ãcõrẽba jarad̶a quĩrãca oped̶ad̶aẽ́ bẽrã. Ãcõrẽba nãwã jarasia: Mʌ̃ caita zebʌdaba mʌ̃ra waya pananida panʌa. Mʌ̃drʌ jũmarã quĩrãpita bia jarad̶ida panʌa. Maʌ̃da ũrĩped̶a Aaroʌ̃ra chupea b̶esia.

Levitico 10:3 Iomraidhean Croise

Genesi 18:25

Bʌa ẽberã jipa b̶eara ẽberã cadjiruarã ume ãbaa quinibicaa. Bʌra jũma naʌ̃ ẽjũãne b̶ea cawa obaria. Mãwãra ¿bʌa jipa cawa oẽ́ca?–

Job 2:10

Joba panusia: –Wẽrã crĩcha neẽ́ b̶ʌ quĩrãca bed̶earãdua. Ãcõrẽba ne biada diabʌrʌd̶e dadjia bia edabadaa. Ara maʌ̃ quĩrãca Ãcõrẽba idu bia mĩgabibʌrʌd̶e ¿maʌ̃ sid̶a bia edad̶iẽ́ panʌca?– Jũma mãwãnamĩna Joba Ãcõrẽra biẽ́ jaraẽ́ basía.

Exodo 14:17

Maʌ̃ne mʌ̃a egiptorãra so zarea b̶ʌya bãrã ẽpẽnamãrẽã. Maʌ̃be mʌ̃a Egiptod̶ebema borora, carretad̶eba djõbada sordaorãra, cawayod̶eba djõbada sordaorãra, waabema sordaorã sid̶a jũma poyaya mʌ̃drʌ dji dromaara b̶ʌda unubi carea. Mãwã egiptorãba cawad̶ia mʌ̃ra Ãcõrẽda.–

Exodo 14:4

Maʌ̃ne mʌ̃a Egiptod̶ebema borora so zarea b̶ʌya. Maʌ̃ bẽrã idjia bãrãra caid̶u ẽpẽya. Baribʌrʌ mʌ̃a idjira, idji sordaorã sid̶a poyaya mʌ̃drʌ dji dromaara b̶ʌda unubi carea. Mãwã egiptorãba cawad̶ia mʌ̃ra Ãcõrẽda.– Ara maʌ̃da israelerãra Ãcõrẽba jarad̶a quĩrãca jẽda wãsid̶aa.

Exodo 19:22

Sacerdoterãba ẽberãrã carea mʌ̃́a bed̶eabadamĩna maʌ̃ sẽyãneba ed̶aa zed̶acara panʌa mʌ̃ acʌd̶i carea. Ãdjirã bid̶a od̶ida panʌa mʌ̃ itea bia duanani carea. Mãwã od̶aẽ́bʌrʌ mʌ̃a ãdjirãra quinibiya.–

Exodo 19:24

Ãcõrẽba idjía jarasia: –Israelerãmaa ed̶aa wãdua. Maʌ̃be Aaroʌ̃da nama ʌ̃taa enedua. Baribʌrʌ sacerdoterãra, dewararã sid̶a naʌ̃ eya carra aud̶u jũrã b̶ʌ sẽyãneba ed̶aa zed̶acara panʌa ʌ̃taa mʌ̃maa zed̶i carea. Mãwã od̶ibʌrʌ mʌ̃a ãdjirãra quinibiya.–

Exodo 30:30

Maʌ̃ olivo draga quera bara b̶ʌda Aaroʌ̃ boro ʌ̃rʌ̃, idji warrarã boro ʌ̃rʌ̃ bid̶a weadua mʌ̃ sacerdoterãda b̶ead̶amãrẽã.

Numero 16:5

Maʌ̃be Corea, idjiare panʌrãa bid̶a jarasia: –Nu diaped̶a Ãcõrẽba cawabiya caida idjid̶eda idjab̶a caida edasida idji sacerdote bamãrẽã. Idjia edad̶a ẽberãdrʌ idji caita idu wãbiya.

Numero 20:12

Mãwãnacarea Ãcõrẽba Moisea Aaroʌ̃a bid̶a nãwã jarasia: –Mʌ̃ ĩjãnaẽ́ panʌneba bãrãba israelerã quĩrãpita cawabid̶aẽ́ basía mʌ̃ra wãrãda Ãcõrẽda. Maʌ̃ bẽrã bãrãra naʌ̃ puru ume jũẽne wãnaẽ́a mʌ̃a diai jarad̶a druad̶aa.–

Mateo 10:37

Ab̶aʌba dji zezada wa dji papada mʌ̃ cãyãbara biara quĩrĩã b̶ʌbʌrʌ, maʌ̃gʌra mʌ̃ ume poya nĩbaẽ́a. Ab̶aʌba dji warrada wa dji cauda mʌ̃ cãyãbara biara quĩrĩã b̶ʌbʌrʌ, maʌ̃gʌra mʌ̃ ume poya nĩbaẽ́a.

Juaʌ̃ 12:28

Ãtebʌrʌ jaraya: Zeza, maʌ̃gʌd̶eba jũmarãa cawabidua bʌra dji Dromaara b̶ʌda.– Ara mãwãbʌrʌd̶e ẽberãrã arima duanʌba bed̶eada bajãnaa ũrĩsid̶aa. Maʌ̃ bed̶eaba jarasia: –Mʌ̃a naẽna cawabisia mʌ̃ra dji Dromaara b̶ʌda idjab̶a wayacusa cawabiya.–

Juaʌ̃ 14:13

Bãrãba mʌ̃da ĩjã panʌ bẽrã mʌ̃ trʌ̃neba iwid̶ibʌdara mʌ̃a jũma oya. Mãwã mʌ̃neba ebud̶a b̶aya mʌ̃ Zezara dji dromada.

2 Tesalonica 1:10

Maʌ̃ ewarid̶e idjid̶erãba idjía bia bed̶ead̶ia. Ãdjirã ume bia od̶a carea jũma idji ĩjã b̶eaba idjira bio bia ununia. Daiba idjid̶ebema jaradiaped̶ad̶ara bãrãba ĩjãped̶ad̶a bẽrã bãrã sid̶a maʌ̃ ẽberãrãnebemaa.

1 Pedro 4:17

Ewarira jũẽsia Ãcõrẽba idjid̶erãda cawa omãrẽã. Ãcõrẽba dadjirãda naãrã cawa oibʌrʌ, ¿bed̶ea bia Ãcõrẽnebema ĩjãẽ́ b̶eara sãwã panani?

1 Samuel 2:30

Dadji israelerã Ãcõrẽba naẽna jarasia bʌ ded̶ebemarãra, jũma bʌ ẽberãrã sid̶a ewariza idji sacerdoterãda b̶ead̶ida. Baribʌrʌ id̶ira nãwã jara b̶ʌa: “Mʌ̃a bãrãra waa mʌ̃ sacerdoterã idu babiẽ́a. Ãtebʌrʌ mʌ̃ bia jara panʌda mʌ̃a bia b̶ʌya idjab̶a mʌ̃ igara panʌra mʌ̃a biẽ́ b̶ʌya.

1 Samuel 3:18

Maʌ̃ carea Samuelba Elia jũma jarasia. Ni maãrĩ bid̶a mẽrãẽ́ basía. Maʌ̃ne Eliba sopuaba nãwã jarasia: –Idjidrʌ Ãcõrẽ bẽrã idjia quĩrĩã b̶ʌ quĩrãca oida b̶ʌa.–

1 Samuel 6:20

Maʌ̃ carea jarasid̶aa: –Ãcõrẽra jipa b̶ʌ bẽrã ¿caida idji quĩrãpita poya b̶ai? Naʌ̃ baurudera ãyã diabued̶ida panʌa baribʌrʌ ¿cairãmaa diabued̶i?–