Levitico 10:1 - Ãcõrẽ Bed̶ea

¹ Aaroʌ̃ warrarã Nadába, Abiu bid̶a ãdji quera babada eped̶ecoda edad̶aped̶a tʌbʌdauda quera sid̶a maʌ̃ eped̶ecod̶e b̶ʌsid̶aa. Maʌ̃da Ãcõrẽba jarad̶a awara idji quĩrãpita básid̶aa.

Levitico 10:1 Iomraidhean Croise

1 Reye 18:38

Mãwã iwid̶i b̶ʌd̶e Ãcõrẽba tʌbʌ uruada bajãneba dji animarã babue diabada ʌ̃rʌ̃ b̶aebisia. Maʌ̃ba dji animarã tʌcuad̶ara, tʌbʌra, mõgarara, egoro sid̶a jũma bá wãsia. Dji icawa corod̶ad̶e baido ũmana sid̶a tʌbʌ jʌ̃wʌ̃rʌ̃ãba jũma põãsasia.

Exodo 24:1

Maʌ̃be Ãcõrẽba Moisea jarasia: –Aaroʌ̃da, Nadáda, Abiuda, idjab̶a setenta israelerã bororã sid̶a bʌ ume naʌ̃ eyad̶e ʌ̃taa enedua. Ãdjirãra tʌmʌ chĩrãborod̶e b̶arru copanenaped̶a mʌ̃́a bia bed̶ead̶ida panʌa.

Exodo 24:9

Mãwãnacarea Moisera, Aaroʌ̃ra, Nadára, Abiura, idjab̶a setenta israelerã bororã sid̶a Sinai eyad̶e ʌ̃taa wãsid̶aa.

Exodo 27:3

Idjab̶a tʌbʌ pora ãyã cuabadada, tʌbʌ pora tãĩbadada, oa piabadada, warebada mĩãsuda, tʌbʌdau edebada sid̶a jũma bronced̶eda od̶adua.

Exodo 28:1

Bʌ djaba Aaroʌ̃ra, idji warrarã Nadára, Abiura, Eleazara, Itamar sid̶a bʌmaa trʌ̃cuadua mʌ̃ sacerdoterã b̶ʌmãrẽã.

Exodo 31:11

Maʌ̃ awara mʌ̃ wua de o panʌba olivo draga quera bara b̶ʌda od̶ia mʌ̃ iteabemada soad̶i carea. Idjab̶a mʌ̃ dejãne quera bad̶i careabemada od̶ia. Ãdjirãba jũma maʌ̃gʌra mʌ̃a jarad̶a quĩrãca daucha od̶ida panʌa.–

Exodo 37:29

Idjab̶a Bezaleelba olivo draga quera bara b̶ʌda osia ne jũma Ãcõrẽ iteabemada soad̶i carea. Quera bad̶i careabema sid̶a osia. Maʌ̃gʌra jũma osia quera o cawa b̶ʌba obari quĩrãca.

Exodo 38:3

Idjab̶a tʌbʌ pora ãyã cuabadada, tʌbʌ pora tãĩbadada, oa piabadada, warebada mĩãsuda, tʌbʌdau edebada sid̶a jũma bronced̶eda osia. Ab̶ed̶a ne jũma Ãcõrẽa animarã babue diabadad̶ebemada bronced̶eda osia.

Exodo 40:27

Maʌ̃ ʌ̃rʌ̃ querada bá diasia Ãcõrẽba idjía jarad̶a quĩrãca.

Exodo 6:23

Aaroʌ̃ra Elisabe ume dji edasid̶aa. Elisabera Aminadá cau basía, Naasoʌ̃ djabawẽrã basía. Idjia warrada quĩmãrẽ tosia. Ãdjirã trʌ̃ra naʌ̃gʌrã basía: Nadá, Abiu, Eleaza, idjab̶a Itamar.

Exodo 8:27

Maʌ̃ bẽrã dairãra ewari ũbea ẽjũã põãsa ewaraga b̶ʌd̶e wãnia. Mamabʌrʌ dai Ãcõrẽa animarãda babue diacuad̶ia idjia jara b̶ʌ quĩrãca.–

Levitico 16:1

Ãcõrẽba jarad̶a awara idji quĩrãpita quera babʌda carea Aaroʌ̃ warrarãra umé beusid̶aa. Beuped̶ad̶acarea Ãcõrẽra Moise ume bed̶easia.

Levitico 16:12

Maʌ̃be quera babada eped̶ecoda edaped̶a tʌbʌdau mʌ̃ quĩrãpita b̶ʌ animarã babue diabadad̶ebemaba biraida b̶ʌa. Idjab̶a incienso quera dji ʌrabad̶ada jʌwa baratʌma umé edaida b̶ʌa. Maʌ̃ra jũma edeida b̶ʌa mʌ̃ ded̶e wua eatʌ jira b̶ʌ jẽdaare.

Numero 16:46

Moiseba Aaroʌ̃a jarasia: –Bʌ quera babada eped̶ecora isabe enedua. Animarã babue diabadad̶e b̶ʌ tʌbʌdauda ed̶a b̶ʌped̶a incienso querada coa nũmʌdua. Maʌ̃be israelerã duanʌmaa isabe wãped̶a Ãcõrẽa diadua ãdjirãba cadjirua oped̶ad̶ara quĩrãdoamãrẽã. Ãcõrẽra bio quĩrũ b̶ʌ bẽrã ãdjirãra quinibʌdaa.–

Hebreo 9:4

Quera bá diabadada mama b̶asia. Maʌ̃ra oroba jũma bʌrá b̶asia. Ãcõrẽ baurude sid̶a b̶asia. Maʌ̃ sid̶a oroba jũma bʌrá b̶asia. Eped̶eco jũgurua oro od̶ada manába bira b̶ʌda maʌ̃ bauruded̶e ed̶a b̶asia. Aaroʌ̃ bacuru tununa sid̶a ed̶a b̶asia. Ãcõrẽba diad̶a ley mõgara pewed̶ead̶e b̶ʌd̶a sid̶a ed̶a b̶asia.