Levitico 1:17 - Ãcõrẽ Bed̶ea

¹⁷ Maʌ̃be dji id̶e jidaped̶a ĩbanara drawe ewara cob̶ʌida b̶ʌa. Mãwã cob̶ʌped̶a animarã babue diabadad̶e babue diaida b̶ʌa. Maʌ̃ ĩbana babue diabʌrʌra Ãcõrẽba bia unuya.”–

Levitico 1:17 Iomraidhean Croise

Genesi 15:10

Ara maʌ̃da Abraʌ̃ba maʌ̃ animarã b̶eara jũma enesia. Eneped̶a, beaped̶a, ẽsidra drapetaped̶a, orro ab̶a dewara orro ume quĩrã djica cob̶ʌsia. Ĩbanara drapetaẽ́ basía.

Genesi 8:21

Maʌ̃ babue diad̶ara Ãcõrẽba bia unusia. Maʌ̃ne jarasia: –Id̶iba ʌ̃taa mʌ̃a naʌ̃ ẽjũãra waa biẽ́ b̶ʌẽ́a, ẽberãrãba caibe ed̶aʌba ãdji sod̶e cadjirua od̶idrʌ crĩcha b̶eamĩna. Idjab̶a mʌ̃a jũma zocai b̶eara waa quinibiẽ́a mʌ̃a od̶a quĩrãca.

Levitico 2:2

Maʌ̃ra idjia Aaroʌ̃ warrarã sacerdoterãmaa edeida b̶ʌa. Maʌ̃ harinanebemada sacerdoteba jʌwa baratʌma ab̶a edaida b̶ʌa nedraga bara idjab̶a jũma dji incienso quera bara. Maʌ̃gʌra animarã babue diabada ʌ̃rʌ̃ babue diaida b̶ʌa. Maʌ̃ maãrĩ babue diabʌrʌd̶eba acʌbi b̶ʌa jũma maʌ̃ harinara Ãcõrẽa dia b̶ʌda. Maʌ̃ babue diabʌrʌra Ãcõrẽba bia unuya.

Levitico 3:5

Ãdjirãba jũma maʌ̃gʌra animarã babue diabadad̶e Ãcõrẽa babue diad̶ida panʌa animarã bá nũmʌcãda ʌ̃rʌ̃. Maʌ̃ babue diabʌrʌra Ãcõrẽba bia unuya.

Levitico 5:8

Maʌ̃ umébema ĩbanara sacerdotemaa edeped̶a sacerdoteba ab̶a otapuya beaida b̶ʌa dji eded̶aba cadjirua od̶a carea. Otapuya beabʌrʌd̶e ab̶ed̶a dji borora tʌcara b̶ʌa.

Mateo 27:50

Mãwã b̶ʌd̶e Jesura wayacusa jĩgua b̶iasia. Maʌ̃bebʌrʌ jaid̶asia.

Juaʌ̃ 19:30

Jesuba maʌ̃ uva b̶a oregueara doped̶a jarasia: –Mʌ̃a oida b̶ad̶ara jũma osia.– Maʌ̃be idji boro ed̶aa jab̶ariped̶a jaid̶asia.

Romano 4:25

Idjia Jesura b̶ʌsia dadjirã cadjirua carea beumãrẽã. Maʌ̃be beu b̶ad̶ada ʌ̃rẽbabisia dadjirãra idji quĩrãpita jipa b̶ʌi carea.

1 Pedro 3:18

Critora jipa b̶ʌmĩna cadjirua carea b̶arima ab̶a beusia. Maʌ̃ba dadjirã dji jipaẽ́ b̶eara Ãcõrẽ ume bia b̶ʌsia. Idjira naʌ̃ djarad̶e beusia, baribʌrʌ Ãcõrẽ Jaured̶eba ʌ̃rẽbasia.