Juece 7:14 - Ãcõrẽ Bed̶ea

¹⁴ Maʌ̃ne dewarabemaba jarasia: –Maʌ̃gʌba jara b̶ʌa jãʌ̃ Israeld̶ebema Joasa warra Gedeoʌ̃da idji neco bara djõne zebʌrʌda. Wãrãda Ãcõrẽba idjía dadji madianitarãra dadjirãare panʌ sid̶a jũma poyabiya.–

Juece 7:14 Iomraidhean Croise

Josue 2:9

–Mʌ̃a cawa b̶ʌa Ãcõrẽba wãrãda naʌ̃ Canaaʌ̃ druara bãrãa diaida. Maʌ̃ bẽrã dairãba bãrãra bio waya panʌa. Jũma naʌ̃ druad̶ebemarãra bãrã bio waya panʌneba ure duanʌa.

Job 1:10

Bʌa idjira, idji ẽberãrã, jũma idjia erob̶ʌ sid̶a bio waga erob̶ʌa aud̶u jũrã erob̶ʌ quĩrãca. Idjia o b̶ʌra bʌa jũma bia odjabi b̶ʌa. Mãwã idjia animarã b̶eara zocãrã erob̶ʌa.

Josue 5:1

Maʌ̃ ewarid̶e ʌ̃cʌrʌ amorreorãda Jordaʌ̃ dod̶eba ʌ̃mãdau b̶aebariare panasid̶aa. Cananeorãda pusa Mediterraneo abadaare panasid̶aa. Ãdji bororãba ũrĩsid̶aa Ãcõrẽba Jordaʌ̃ dora põãsabisida israelerã chãnamãrẽã. Maʌ̃ba bio ne wayad̶aped̶a israelerã ume djõni crĩchara neẽ́ panesid̶aa.

Josue 2:24

Ãdjia Josuéa nãwã jarasid̶aa: –Wãrãda Ãcõrẽba jãʌ̃ Canaaʌ̃ druara dadjirãa diaya. Dadjirã carea ãdjirãra bio ne waya panʌa.–

Numero 23:20

Idjia mʌ̃́a jarasia israelerã bia jara b̶ʌmãrẽã. Bia jara b̶ʌduad̶a ad̶a bẽrã mʌ̃a quĩrã awara jaracara b̶ʌa.

Numero 23:5

Maʌ̃ne Ãcõrẽba Balaaʌ̃a cawabisia cãrẽda jaraida b̶ʌda. Cawabiped̶a Balaaʌ̃a jarasia jẽda Balámaa jarad̶e wãmãrẽã.

Numero 22:38

Balaaʌ̃ba panusia: –Bʌa trʌ̃bued̶a bẽrã mʌ̃ra nama b̶ʌa. Baribʌrʌ mʌ̃a bariduada jaracara b̶ʌa. Ab̶abe Ãcõrẽba jarabi b̶ʌdrʌ jaraida b̶ʌa.–

Juece 7:13

Gedeoʌ̃ madianitarã duanʌma jũẽsid̶e ũrĩsia ẽberãda umé bed̶ea panʌda. Ab̶aʌba nẽbʌrʌ b̶asia idjia cãĩmocarad̶e ununada. Nãwã jarasia: –Mʌ̃ cãĩmocarad̶e unusia cebada paʌ̃ borococoa od̶ada nama dadjirã duanʌmaa bʌrab̶ari zebʌrʌda. Maʌ̃ba wua ded̶aa tab̶arid̶e zebʌrʌba coratasia.–

Juece 7:15

Gedeoʌ̃ba maʌ̃ cãĩmocarara, dji cawa jarad̶a sid̶a ũrĩped̶a Ãcõrẽa bia bed̶easia. Maʌ̃be israelerã sordaorã panʌmaa jẽda wãped̶a jarasia: –Ãcõrẽba dadjirãa jãʌ̃ madianitarãra poyabiya. ¡Ara nawena pirab̶arid̶adua djõne wãni carea!–