Juece 6:16 - Ãcõrẽ Bed̶ea

¹⁶ Ãcõrẽba jarasia: –Mʌ̃ra bʌ ume b̶ai bẽrã bʌa madianitarãra poyaya ẽberã ab̶a poyabʌrʌ quĩrãca.–

Juece 6:16 Iomraidhean Croise

Exodo 3:12

Maʌ̃ne Ãcõrẽba panusia: –Wãdua. Mʌ̃ra bʌ ume b̶aya. Mʌ̃a nãwã unubiya bʌra wãrãda diabuesida. Bʌa israelerãra Egiptod̶ebemada ãyã edeped̶a bãrãba naʌ̃ eyad̶e mʌ̃́a bia bed̶ead̶e zed̶ia.–

Mateo 28:20

Ãdjirãa jaradiad̶adua mʌ̃a bãrãa jarad̶ada jũma ĩjã od̶amãrẽã. Maʌ̃ne mʌ̃ra bãrã ume ewariza b̶aya ab̶a naʌ̃ ewari jõbʌrʌd̶aa.–

Marco 16:20

Maʌ̃be Jesuba edad̶arãba idji bed̶eara ãdji wãbʌdaza jarasid̶aa. Dadjirã Boroba ãdjirãra carebasia. Ne ununaca obi b̶ʌd̶eba cawabisia ãdjia jara panʌra wãrã arada.

Hecho 11:21

Dadji Boroba idji ʌb̶ʌad̶eba ãdjirãra carebasia. Maʌ̃ba ãdjia jara panʌra zocãrãba ĩjãsid̶aa. Ãdjia naẽna ẽpẽ pananada igarad̶aped̶a dadjirã Borora ĩjãsid̶aa.

Josue 1:5

Mʌ̃a bãrã drõãenabemarãa maʌ̃ druara diai jarasia ewariza bãrãne bamãrẽã. Bʌabʌrʌ purura edeya maʌ̃ ẽjũã edad̶amãrẽã. Maʌ̃ bẽrã ʌb̶ʌa b̶aped̶a sozarra b̶adua. Mʌ̃a bʌra bʌdub̶a ameẽ́a idjab̶a igaraẽ́a. Bʌ zocai b̶ʌmisa ni ab̶aʌba bʌra poyad̶aẽ́a. Mʌ̃ra bʌ ume b̶aya Moise ume b̶ad̶a quĩrãca.

Josue 10:8

Maʌ̃ne Ãcõrẽba Josuéa nãwã jarasia: –Amorreorãra wayarãdua. Mʌ̃a bãrãa ãdjirãra poyabiya. Djõbʌdad̶e ãdjirã ni ab̶aʌba droad̶aẽ́a.–

Juece 2:18

Dji quĩrũba ãdjirã biẽ́ o panʌne bia mĩga panʌ bẽrã ãdub̶a mĩã sopua bed̶eabadjid̶aa. Ãcõrẽba maʌ̃ ũrĩbʌrʌza ãdjirãra quĩrã djuburiaped̶a ab̶a b̶ʌbadjia ãdjirã dji quĩrũ jʌwaed̶abemada ẽdrʌ b̶ʌmãrẽã. Ãcõrẽra maʌ̃ ẽberã ume b̶ʌ bẽrã idji zocai b̶ʌmisa israelerãra dji quĩrũ jʌwaed̶abemada ẽdrʌ b̶ʌbadjia.

Juece 6:12

Ãcõrẽ nezoca bajãnebemara Gedeoʌ̃ma odjasid̶e nãwã jarasia: –Ẽberã mẽsrã b̶ʌ idjab̶a sozarra b̶ʌ, Ãcõrẽra bʌ ume b̶ʌa.–

Juece 6:36

Maʌ̃ne Gedeoʌ̃ba Ãcõrẽa nãwã jarasia: –Bʌa jarasia mʌ̃neba dai israelerãra ẽdrʌ b̶ʌida.