Juece 6:11 - Ãcõrẽ Bed̶ea

¹¹ Maʌ̃ ewarid̶e Ãcõrẽ nezoca bajãnebemada zeped̶a Opra puru caita encina bacuru edre chũmesia. Maʌ̃ bacuru djibarira Abiezed̶eba yõna Joasa basía. Mama caita Joasa warra Gedeoʌ̃ba trigoda uva biwadʌgabada uriad̶e mẽrã ezoa b̶asia madianitarãba unurãnamãrẽã.

Juece 6:11 Iomraidhean Croise

Genesi 16:7

Agara mĩrũ wãne Ãcõrẽ nezoca bajãnebemaba idji acʌd̶e zesia. Idjia Agarara unusia ẽjũã põãsa ewaraga b̶ʌd̶e egorod̶eba baido ʌ̃ta bogadrʌ b̶ʌma. Maʌ̃ baido ʌ̃ta bogadrʌ b̶ʌra Sur ẽjũãnaa wãbada od̶e b̶ʌa.

Genesi 48:16

Idjia jũma mʌ̃ bia mĩga b̶ʌd̶ebemada ẽdrʌ edabaria. Maʌ̃gʌ Ãcõrẽba naʌ̃ warrarãra carebaya. Mʌ̃a quĩrĩã b̶ʌa ãdjid̶eba naʌ̃ ẽjũãne zocãrã yõnida. Mãwã naʌ̃ warrarãneba mʌ̃ trʌ̃ra, mʌ̃ zezadrõã Abrahaʌ̃ trʌ̃ra, mʌ̃ zeza Isa trʌ̃ sid̶a jũmarãba quĩrãneba panania.

1 Reye 19:19

Maʌ̃be Elíara Horeb eyad̶eba wãsia. Wãne Sapa warra Eliseoda, once ẽberãrã idji ume ẽjũã o panʌ sid̶a unusia. Ãdjirãza pacada umé uméa ãbaa jʌ̃ eropanasid̶aa. Maʌ̃ pacaba bacuru cũmia b̶ʌda egorod̶e erreb̶ari eronĩbasid̶aa egorora bogajud̶aped̶a ne ud̶i carea. Elíara Eliseo caita wãped̶a idjia cacuad̶e jʌ̃ b̶ʌra Eliseo ʌ̃rʌ̃ wẽã cob̶ʌsia acʌbi carea Eliseora idji cacuabari Ãcõrẽneba bed̶eabari baida. Maʌ̃be wãsia.

Hebreo 11:32

¿Ãcõrẽ ĩjã b̶ead̶ad̶ebemada mʌ̃a cãrẽda wad̶i jarai? Sansoʌ̃nebemada, Gedeoʌ̃nebemada, Baracod̶ebemada, Jepted̶ebemada, David̶ebemada, Samueld̶ebemada, Ãcõrẽneba bed̶eabadarãnebema sid̶a bed̶eai carea ewariba araẽ́a.

Juece 13:3

Ewari ab̶a Ãcõrẽ nezoca bajãnebemada maʌ̃ wẽrãma odjaped̶a nãwã jarasia: –Mʌ̃a cawa b̶ʌa bʌra warra toca bẽrã warra neẽ́ b̶ʌda. Baribʌrʌ bʌra b̶iogoa b̶eped̶a umaquĩrã warrada toya.

Juece 13:6

Maʌ̃be dji wẽrãra idji quima Manoamaa wãped̶a nãwã jarasia: –Ẽberã Ãcõrẽba diabued̶ada mʌ̃maa zesia. Idjira bajãnebema nezoca quĩrãca ununa bẽrã mʌ̃a wayasia. Idjira sãmabemada, idji trʌ̃ sid̶a mʌ̃a iwid̶iẽ́ basía. Idjia mʌ̃́a jaraẽ́ basía.

Juece 6:12

Ãcõrẽ nezoca bajãnebemara Gedeoʌ̃ma odjasid̶e nãwã jarasia: –Ẽberã mẽsrã b̶ʌ idjab̶a sozarra b̶ʌ, Ãcõrẽra bʌ ume b̶ʌa.–