Juece 6:10 - Ãcõrẽ Bed̶ea

¹⁰ Id̶ira bãrãra amorreorã drua bad̶ad̶e panabadaa, baribʌrʌ mʌ̃a bãrãa jarasia ãdjirã ãcõrẽ b̶eada ẽpẽrãnamãrẽã. Ab̶abe mʌ̃, bãrã Ãcõrẽdrʌ ẽpẽnida panʌana asia. Baribʌrʌ mʌ̃a jarad̶ara ĩjãnacaa.”–

Juece 6:10 Iomraidhean Croise

2 Reye 17:13

Ãcõrẽba Juda druad̶aa, Israel druad̶aa bid̶a idjid̶eba bed̶eabadarãda diabuesia. Ãdjirãneba israelerãa nãwã jarasia: –Mʌ̃ leyda bãrã drõã naẽnabemarãa jũma diasia idjab̶a mʌ̃neba bed̶eabadad̶eba bãrãa bid̶a diasia. Ãdjirãra mʌ̃ nezocarãa. Jãʌ̃be bãrãba cadjirua obadara igarad̶aped̶a mʌ̃ leyra jũma ĩjã od̶adua.–

2 Reye 17:7

Maʌ̃ra jũma mãwãsia israelerãba ãdji Ãcõrẽ quĩrãpita cadjiruada o panana bẽrã. Ãcõrẽba ãdjirãra Egiptod̶ebema boro jʌwaed̶abemada ẽdrʌ b̶ʌd̶amĩna idjab̶a mamaʌba ẽdrʌ enenamĩna dewara ãcõrẽ b̶eada ẽpẽbadjid̶aa.

Exodo 34:12

Quĩrãcuitad̶adua. Bãrã wãbʌda druad̶ebemarã ume bed̶ea b̶ʌrãnadua. Mãwã od̶ibʌrʌ cawaẽ́ne bãrã bid̶a ãdji jʌwaba od̶a ãcõrẽa bia bed̶ead̶ia.

Exodo 34:14

Dewara ãcõrẽa bia bed̶earãnadua. Mʌ̃a quĩrĩã b̶ʌa bãrãba ab̶abe mʌ̃́a bia bed̶ead̶ida. Maʌ̃ carea mʌ̃ trʌ̃ra “Ãcõrẽ jiwaid̶a b̶ʌ” abadaa.

Romano 10:16

Baribʌrʌ jũma judiorãba bed̶ea bia Critod̶ebemada ĩjãnaẽ́ basía. Isaía cartad̶e nãwã b̶ʌ́ b̶ʌa: “Mʌ̃ Boro, daiba jaraped̶ad̶ara ¿caiba ĩjãsi?”

Hebreo 5:9

Ne jũmane daucha ĩjã od̶a bẽrã, idjia jara b̶ʌ ĩjã o b̶eara jũma ẽdrʌ edaya ewariza zocai b̶ead̶amãrẽã.

Josue 24:15

Baribʌrʌ bãrãba dadji Ãcõrẽda ẽpẽ quĩrĩãnaẽ́bʌrʌ, id̶i jarad̶adua sãʌ̃gʌda ẽpẽnida: dadji drõã naẽnabemaba Euprate do quĩrãrẽ ẽpẽ pananada wa naʌ̃ druad̶e amorreorãba ẽpẽ panʌda. Baribʌrʌ mʌ̃a, mʌ̃ quimaba, mʌ̃ warrarã bid̶a Ãcõrẽdrʌ ẽpẽnia.–

Juece 2:2

Baribʌrʌ naʌ̃ druad̶e b̶earã ume bed̶ea b̶ʌrãnadua. Mõgara ãdji ãcõrẽ b̶ea itea ʌ̃tʌ pã bueped̶ad̶ada corapetacuad̶adua.” Mãwã jarad̶amĩna bãrãba ĩjãnaẽ́ basía. ¿Cãrẽ cãrẽã mãwã od̶aẽ́ basi?

Juece 6:9

Egiptorã jʌwaed̶abemada, jũma bãrã biẽ́ o erob̶ea jʌwaed̶abema sid̶a mʌ̃a bãrãra ẽdrʌ b̶ʌsia. Mʌ̃a ãdjirãra bãrã quĩrãpitabemada jũma ãyã jʌretaped̶a ãdjirã druara bãrãa diasia.