Juece 6:1 - Ãcõrẽ Bed̶ea

¹ Mãwãnacarea israelerãba wayacusa Ãcõrẽ quĩrãpita cadjiruada o panesid̶aa. Maʌ̃ carea Ãcõrẽba ãdjirãra siete poa madianitarã jʌwaed̶a b̶ʌsia.

Juece 6:1 Iomraidhean Croise

Genesi 25:2

Maʌ̃ Queturába tosia Zimraʌ̃, Jocsaʌ̃, Medaʌ̃, Madiaʌ̃, Isbac, Súa sid̶a.

Genesi 37:28

Mãwã panʌne maʌ̃ ismaelerã madianita abadara ãdji caita zebʌda basía. Ãdjirãra ne nẽdod̶aped̶a nẽdobuebadarã basía. Jose djabarãba idjira uriad̶e b̶ʌda ʌ̃taa erreb̶ari edad̶aped̶a maʌ̃ ismaelerãa veinte parata torrobari nẽdobuesid̶aa. Ara maʌ̃da ismaelerãba Josera Egiptod̶aa edesid̶aa.

Hebreo 11:32

¿Ãcõrẽ ĩjã b̶ead̶ad̶ebemada mʌ̃a cãrẽda wad̶i jarai? Sansoʌ̃nebemada, Gedeoʌ̃nebemada, Baracod̶ebemada, Jepted̶ebemada, David̶ebemada, Samueld̶ebemada, Ãcõrẽneba bed̶eabadarãnebema sid̶a bed̶eai carea ewariba araẽ́a.

Juece 10:7

Maʌ̃ carea Ãcõrẽra bio quĩrũped̶a israelerãra pilisteorã idjab̶a amonitarã jʌwaed̶a b̶ʌsia.

Juece 2:11

Mãwãnacarea israelerãba Ãcõrẽ quĩrãpita cadjiruada osid̶aa. Jʌwaba od̶a ãcõrẽ Baal abadada ẽpẽsid̶aa.

Juece 6:13

Maʌ̃ne Gedeoʌ̃ba nãwã jarasia: –Mʌ̃ boro, Ãcõrẽda wãrãda dadjirã ume b̶ʌbʌrʌ, ¿sãwã jãcua mĩga panʌ? Ãcõrẽba dadjirãra madianitarã jʌwaed̶a b̶ʌsia. Dadji drõãrãba nẽbʌrʌsid̶aa Ãcõrẽba ne ununaca o b̶ʌd̶eba dadjirãra Egiptod̶e nezoca pananada ẽdrʌ edasida. Maʌ̃da ¿sãʌ̃be waya ne ununacara dadjirã itea oi?–