Juece 4:14 - Ãcõrẽ Bed̶ea

¹⁴ Maʌ̃be Deborába Baracoa jarasia: –¡Ãdjirã ume isabe djõne wãnadua! ¡Id̶ibʌrʌ Ãcõrẽba bʌ́a Sisarára poyabiya! ¡Ãcõrẽra bʌ na wãbʌrʌa!– Ara maʌ̃da Baracora idji sordaorã die mil panʌ ume Tabor eyad̶eba ed̶aa djõne wãsid̶aa.

Juece 4:14 Iomraidhean Croise

Genesi 19:14

Ara maʌ̃da Lora cũdra idji caurã ume bed̶ea bia panʌrã acʌd̶e wãped̶a jarasia: –Pirab̶arid̶aped̶a namabemada isabe ãyã wãnadua. Ãcõrẽba naʌ̃ purura ãrĩya.– Mãwãmĩna cũdrarãba crĩchasid̶aa Loba ijaramiada o b̶ʌda.

Genesi 44:4

Ãdjira purud̶eba wad̶i tʌmʌ wãẽ́ panʌne Joseba idji nezocarã boroa jarasia: –Jãʌ̃ ẽberãrã caid̶u wãdua. Jidad̶e wãsira nãwã jaradua: “¿Cãrẽneba mʌ̃ boroba bãrãra biẽ́ od̶a bẽrã bãrãba jãwã idjira biẽ́ osid̶a? ¿Cãrẽ cãrẽã bãrãba idji taza parata od̶ara drʌasid̶a?

Josue 10:8

Maʌ̃ne Ãcõrẽba Josuéa nãwã jarasia: –Amorreorãra wayarãdua. Mʌ̃a bãrãa ãdjirãra poyabiya. Djõbʌdad̶e ãdjirã ni ab̶aʌba droad̶aẽ́a.–

Josue 7:13

Jãʌ̃be purua nãwã jarad̶e wãdua: “Nu Ãcõrẽ quĩrãpita dji jʌred̶ida panʌ bẽrã idji itea bia panani carea od̶ida panʌra nane od̶adua. Dadji israelerã Ãcõrẽba nãwã jara b̶ʌa: mʌ̃a Jericod̶ebema jũma babued̶aduad̶a ad̶amĩna bãrã israelerãba ʌ̃cʌrʌ edad̶aped̶a mẽrã eropanʌa. Bãrãba maʌ̃gʌra ãyã eded̶aped̶a jũma babued̶aẽ́bʌrʌ, bãrã dji quĩrũra poyad̶aẽ́a.”

Juece 4:10

Mama Baracoba sordaorã Zabuloʌ̃nebemada, Neptalid̶ebema sid̶a die mil ãbaa jʌreped̶a Tabor eyad̶aa edesia. Deborá sid̶a idji ume wãsia.

Juece 7:9

Diamasi Ãcõrẽba Gedeoʌ̃a nãwã jarasia: –Pirab̶arid̶aped̶a madianitarã ume djõne wãnadua. Mʌ̃a bʌ́a ãdjirãra poyabiya.

1 Samuel 9:26

Mama Saulora cãĩsia. Nurẽma Samuelba Saul maʌ̃ ʌ̃taarebema dejãne b̶ʌda trʌ̃ped̶a jarasia: –Pirab̶aridua, wãida b̶ʌa.– Ara maʌ̃da Saulora piradrʌped̶a Samuel ume dajadaa wãsid̶aa.