Juece 2:14 - Ãcõrẽ Bed̶ea

¹⁴ Maʌ̃ carea Ãcõrẽra israelerã ume bio quĩrũsia. Maʌ̃ba idjia ne drʌabadarãa ãdjia erob̶eara idu jãrĩbisia. Idjab̶a ãdji dji quĩrũa ãdjirãra idu poyabisia. Djõbʌdad̶e israelerãba waa poyad̶aẽ́ basía.

Juece 2:14 Iomraidhean Croise

2 Reye 17:20

Maʌ̃ carea Ãcõrẽba israelerãra ab̶ed̶a jũma igarasia. Ãdjirãra bia mĩgabisia idjab̶a dewara druad̶ebemarãa poyabiped̶a idji quĩrãpitabemada ãyã jʌretasia.

Numero 32:13

Maʌ̃ ewarid̶e Ãcõrẽra dadji israelerã ume bio quĩrũna bẽrã, ẽjũã põãsa ewaraga b̶ʌd̶e cuarenta poa pʌrrʌabisia jũma maʌ̃ ẽberãrã Ãcõrẽ quĩrãpita biẽ́ oped̶ad̶a beubʌdamisa.

Numero 32:14

¿Id̶i bid̶a bãrã zezarãba cadjirua oped̶ad̶a quĩrãca o quĩrĩã panʌca? ¡Bãrã dji cadjirua obadarãba wetara Ãcõrẽra dadji israelerã ume quĩrũbid̶ia!

Josue 23:16

Ãcõrẽba dadjirã ume bed̶ea b̶ʌd̶ada bãrãba ĩjã od̶aẽ́bʌrʌ, dewara ãcõrẽ b̶eada ẽpẽnaped̶a ãdji quĩrãpita chĩrãborod̶e copanenibʌrʌ, dadji Ãcõrẽra bãrã ume bio quĩrũya. Maʌ̃ba bãrãra dãrãẽ́ne naʌ̃ ẽjũã bio bia b̶ʌ idjia diad̶ad̶e jũma quininia.–

Juece 10:7

Maʌ̃ carea Ãcõrẽra bio quĩrũped̶a israelerãra pilisteorã idjab̶a amonitarã jʌwaed̶a b̶ʌsia.

Juece 2:20

Maʌ̃ carea Ãcõrẽra israelerã ume bio quĩrũped̶a nãwã jarasia: –Mʌ̃a israelerã drõã naẽnabemarã ume bed̶ea b̶ʌd̶ara naʌ̃ ẽberãrãba igarasid̶aa. Mʌ̃a jarad̶ara ĩjãnacaa.

Juece 4:2

Maʌ̃ carea Ãcõrẽba ãdjirãra cananeorã boro Jabiʌ̃ jʌwaed̶a b̶ʌsia. Jabiʌ̃ra Hazor purud̶e b̶abadjia. Jabiʌ̃ sordaorã borora Sisará basía. Maʌ̃ Sisarára Haroset-goiʌ̃ne b̶abadjia.