Juece 2:11 - Ãcõrẽ Bed̶ea

¹¹ Mãwãnacarea israelerãba Ãcõrẽ quĩrãpita cadjiruada osid̶aa. Jʌwaba od̶a ãcõrẽ Baal abadada ẽpẽsid̶aa.

Juece 2:11 Iomraidhean Croise

Genesi 13:13

Sodomanebemarãra dji cadjiruarã basía. Ãdjirãba Ãcõrẽ quĩrãpita cadjiruada awua obadjid̶aa.

Genesi 38:7

Juda warra iwina Erera Ãcõrẽ quĩrãpita dji cadjirua basía. Maʌ̃ carea Ãcõrẽba idjira beubisia.

1 Reye 11:5

Idjia Sidoʌ̃nebema jʌwaba od̶a ãcõrẽwẽrã Astarteda ẽpẽsia. Maʌ̃ awara amonitarã jʌwaba od̶a ãcõrẽ Milcoʌ̃da ẽpẽsia. Milcoʌ̃ra Ãcõrẽba ab̶ed̶a quĩrĩãcaa.

1 Reye 18:18

Elíaba panusia: –Mʌ̃a israelerãra mĩgabiẽ́ b̶ʌa. Ãtebʌrʌ bʌabʌrʌ, bʌ ẽberãrã bid̶a israelerãra bia mĩgabi panʌa. Ãcõrẽba obi jarad̶ara bãrãba igarad̶aped̶a Baalda ẽpẽ panʌa.

Numero 25:3

Mãwã israelerãba moabitarã ãcõrẽ Baal-peor abadada ẽpẽ panesid̶aa. Maʌ̃ carea Ãcõrẽra israelerã ume bio quĩrũped̶a quinibibʌrʌ basía.

Juece 10:10

Mãwã panʌne israelerãba Ãcõrẽa quĩrã djuburiada nãwã iwid̶isid̶aa: –Dai Ãcõrẽ, bʌ quĩrãpita dairãba cadjirua waib̶ʌada osid̶aa. Bʌra igarad̶aped̶a Baalda ẽpẽsid̶aa.–

Juece 10:6

Maʌ̃ ewarid̶e israelerãba wayacusa Ãcõrẽ quĩrãpita cadjiruada o panesid̶aa. Baal abadada, Astarte abada sid̶a ẽpẽsid̶aa. Idjab̶a Siriad̶ebemarã, Sidoʌ̃nebemarã, moabitarã, amonitarã idjab̶a pilisteorã ãcõrẽ b̶eada ẽpẽsid̶aa. Ãcõrẽra ab̶ed̶a igarasid̶aa.

Juece 13:1

Mãwãnacarea israelerãba wayacusa Ãcõrẽ quĩrãpita cadjiruada o panesid̶aa. Maʌ̃ carea Ãcõrẽba ãdjirãra cuarenta poa pilisteorã jʌwaed̶a b̶ʌsia.

Juece 4:1

Ehud jaid̶ad̶acarea israelerãba wayacusa Ãcõrẽ quĩrãpita cadjiruada o panesid̶aa.

Juece 6:1

Mãwãnacarea israelerãba wayacusa Ãcõrẽ quĩrãpita cadjiruada o panesid̶aa. Maʌ̃ carea Ãcõrẽba ãdjirãra siete poa madianitarã jʌwaed̶a b̶ʌsia.

Juece 6:25

Ara maʌ̃ diamasi Ãcõrẽba Gedeoʌ̃a nãwã jarasia: –Bʌ zeza paca dji umébemada siete poa b̶ʌda edadua. Maʌ̃ba bʌ zezaba mõgara Baal quĩrãca od̶a ʌ̃ta nũmʌcãrĩda erreb̶ari coratadua. Maʌ̃ orrocawa b̶ʌ bacuru Aserá quĩrãca od̶a nũmʌcãrĩ sid̶a coratadua.

1 Samuel 12:10

Mãwã panʌne israelerãba Ãcõrẽa nãwã quĩrã djuburiada iwid̶isid̶aa: “Dairãba cadjiruada osid̶aa. Bʌra igarad̶aped̶a Baalda, Astarte sid̶a ẽpẽsid̶aa. Baribʌrʌ bʌa dairãra dji quĩrũ jʌwaed̶abemada ẽdrʌ b̶ʌibʌrʌ, bʌdrʌ ẽpẽ panania.”